ព័ត៌មានទាន់ហេតុការណ៍៖

រថយន្ដ​កាម​រី​បា​ឡែ​ន​ បុក​រថយន្ដ​វី​ស្តូ​ បណ្ដាល​អោយ​រង​ការ​ខូចខាត​ទាំង​សងខាង​

ចែករំលែក៖

​ភ្នំពេញ​ ៖​ រថយន្ដ​កាម​រី​បា​ឡែ​ន​ បើក​ក្នុង​ល្បឿន​លឿន​ ជ្រុល​ចង្កូត​បុក​រថយន្ដ​វី​ស្តូ​ ពេញទំហឹង​ បណ្ដាល​អោយ​រង​ការ​ខូចខាត​យ៉ាងដំណំ​ ។​ ហេតុការណ៍​គ្រោះថ្នាក់​ចរាចរណ៍​នេះ​ បាន​កើតឡើង​កាលពី​វេលា​ម៉ោង​៨​និង​៤៥​នាទី​យប់​ ថ្ងៃ​ទី​៨​ ខែឧសភា​ ឆ្នាំ​២០១៥​ តាម​ បណ្ដោយ​ផ្លូវ​លេខ​៤៣២​ ជិត​ផ្លូវបំបែក​ជា​៥​ ស្ថិត​ក្នុង​សង្កាត់​ ទួល​ទំពូង​២​ ខណ្ឌចំការមន​ ។​

​ ប្រភព​ព័ត៌មាន​ពី​សាក្សី​នៅ​នឹង​កន្លែង​កើតហេតុ​បានអោយ​ដឹង​ថា​ នៅ​មុន​ពេល​កើតហេតុ​ គេ​បានឃើញ​មាន​រថយន្ដ​ ម៉ា​កវី​ស្តូ​១​គ្រឿង​ ព​ណ៍​ទឹកប្រាក់​ ពាក់​ស្លាក​លេខ​ ភ្នំពេញ​ 2R-2498​ បើកបរ​ដោយ​នារី​ម្នាក់​ ធ្វើ​ដំណើរ​តាម​បណ្ដោយ​ផ្លូវ​លេខ​៤៣២​ទិស​ដៅ​ពី​កើត​ទៅ​លិច​ ក្នុង​ ល្បឿន​លឿន​ល្មម​ លុះ​មក​ដល់​ចំណុច​កើតហេតុ​ ក៏​មាន​រថយន្ដ​១​គ្រឿង​ទៀត​ ម៉ាក​កាម​រី​ បា​ឡែ​ន​ ព​ណ៍​ស្ករ​ ពាក់​ស្លាក​លេខ​ ភ្នំពេញ​ 2T-2917​ បើកបរ​ដោយ​បុរស់​ម្នាក់​និង​រួម​ដំណើរ​ជាមួយ​បុរស់​ម្នាក់​ទៀត​ តាម​បណ្ដោយ​ ផ្លូវ​៤៣២​ ទិស​ ដៅ​ពី​លិចទៅ​កើត​ បញ្ច្រាសទិស​គ្នា​ ក្នុង​ល្បឿន​យ៉ាង​លឿន​ ក៏​ជ្រុល​ចង្កូត​ទៅ​បុក​រថយន្ដ​វី​ស្តូ​ពេញទំហឹង​ ចំហៀង​ផ្នែក​ខាងឆ្វេង​បណ្ដាល​អោយ​រថយន្ដ​វី​ស្តូ​រង​ការ​ខូចខាត​ដាច់​កាឡេ​ឆ្វេង​ទៅ​មុខ​លែង​រួច​ ។​

​ក្រោយ​ពេល​កើតហេតុ​ ម្ចាស់​រថយន្ត​កាម​រី​បា​ឡែ​ន​ចេញថ្លៃ​ខូចខាត​ទៅ​លើ​រថយន្ត​ វី​ស្តូ​ ដោយ​យក​រថយន្ត​ទៅ​ជុស​ជុល​ដើម្បី​បញ្ចប់រឿង​នៅ​កន្លែង​កើតហេតុ​ដោយ​មិន​រំ​ខាង​ដល់​ សមត្ថកិច្ច​ ៕​ សុខា​ សែន​ជ័យ​

Sokha002-1

Sokha002


ចែករំលែក៖