ព័ត៌មានទាន់ហេតុការណ៍៖

លោក​ ហ៊ុន​ ម៉ា​ណែ​ត​ ចុះ​ពិនិត្យ​ការ​ស្ថាន​ផ្លូវ​តាម​ព្រំដែន​កម្ពុជា​-​ឡាវ​

ចែករំលែក៖

​ខេត្ដស្ទឹងត្រែង​ ៖​ លោក​ឧត្ដមសេនីយ៍​ ឯក​ ហ៊ុន​ ម៉ា​ណែ​ត​ នាយ​រង​សេនាធិការ​ ចម្រុះ​ និង​ជា​មេបញ្ជាការ​រង​កងទ័ព​ជើង​ គោក​កាលពី​ថ្ងៃ​ទី​៨​ ខែឧសភា​ ឆ្នាំ​២០១៥​ បាន​ចុះ​ទៅ​ពិនិត្យ​ការ​ស្ថាបនា​ផ្លូវ​មួយ​ខ្សែ​តាម​ខ្សែក្រវាត់​ព្រំដែន​កម្ពុជា​-​ឡាវ​ ស្ថិត​ នៅ​ស្រុក​សៀម​ប៉ា​ង​ ខេត្ដស្ទឹងត្រែង​។​

​វត្ដមាន​អមដំណើរ​នា​ឱកាស​នោះ​ ដែរ​មាន​នាយ​ឧត្ដមសេនីយ៍​ គន់​ គី​ម​ អគ្គមេបញ្ជាការ​រង​ និង​ជា​នាយ​សេនា​ ធិ​ការ​ចម្រុះ​ នាយ​ឧត្ដមសេនីយ៍​ជា​ តារា​ នាយ​ឧត្ដមសេនីយ៍​ គី​ម​ ប៊ុ​ន​ថា​ន​ អគ្គ​មេ​ បញ្ជាការ​រង​ នាយ​ឧត្ដមសេនីយ៍​ ខេ​ង​ សុមេធ​ អគ្គស្នងការ​រង​នគរបាល​ជាតិ​ ព្រមទាំង​អស់លោក​ជា​មេបញ្ជាការ​ មេ​ បញ្ជាការ​រង​យោធភូមិ​ភាគ​ទី​១​ តំបន់​ ប្រតិបត្ដិការ​សឹក​ស្ទឹង​ត្រែង​ និង​នាយ​ ទាហាន​មួយ​ចំនួន​ទៀត​ ។​

តាម​សេចក្ដីរាយការណ៍​របស់​លោក​ ឧត្ដម​សេនី​យី​ឯក​ ព្រំ​ ជុំ​វី​ណា​ មេ​បញ្ជា​ ការ​រង​កង​វិស្វកម្ម​បានឱ្យ​ដឹង​ថា​ ផែនការ​ ស្ថាបនា​ផ្លូវ​ខ្សែក្រវាត់​ព្រំដែន​នេះ​បាន​ អនុវត្ដ​ចាប់តាំងពី​ខែមករា​ ឆ្នាំ​២០១៥​ មក​ស្ថាបនា​ដោយ​កង​វិស្វកម្ម​អគ្គបញ្ជាការ​ដែល​មាន​ប្រវែង​សរុប​១៥៣​គីឡូ​ ម៉ែត្រ​ ។​ ជា​លទ្ធផល​មក​ដល់​ពេល​នេះ​ សម្រេចការ​ឈូស​ព្រៃ​បើកផ្លូវ​ទទឹង​បាន​២៥​ម៉ែត្រ​ ស្មើនឹង​៥៣​គីឡូម៉ែត្រ​ ឈូស​ ព្រៃ​បើកផ្លូវ​ទទឹង​២៥​ម៉ែត្រ​សម្រាប់​លើក​តួ​ផ្លូវ​សម្រេច​បាន​ប្រវែង​៤២​គីឡូម៉ែត្រ​ លើ​ផែនការ​៥០​គីឡូម៉ែត្រ​ លើក​តួ​ថ្នល់​ ទទឹង​ខ្នង​លើ​៨​ម៉ែត្រ​សម្រេច​បាន​ប្រវែង​៣៩.៩០០​គីឡូម៉ែត្រ​ ក្រាល​ក្រួស​ក្រហម​ សម្រេច​បាន​ប្រវែង​១៦​គីឡូម៉ែត្រ​ ដាក់​លូ​បេតុង​បាន​ចំនួន​៥៦៩​កង់​ផលិត​ គ្រឿង​បង្គំ​ស្ពាន​២​ចំនួន​កន្លែង​ប្រវែង​៦៣​ម៉ែត្រ​និង​កំពុង​បន្ដ​ស្ថាបនា​បង្គំ​ស្ពាន​ ចំនួន​៧​កន្លែង​ទៀត​ ។​

ឧត្ដមសេនីយ៍ឯក​ ហ៊ុន​ ម៉ា​ណែ​ត​ បាន​ វាយតម្លៃ​ខ្ពស់​ចំពោះ​លទ្ធផល​ដែល​ សម្រេច​បាន​ហើយ​បាន​សមិទ្ធផល​ដែល​សម្រេច​បាន​នេះ​គឺ​អាស្រ័យ​ដោយ​មាន​ ការ​ដឹកនាំ​របស់​មន្ដ្រី​ជំនាញ​មាន​ ក្រសួង​ អភិវឌ្ឍន៍ជនបទ​ ក្រសួង​សេដ្ឋកិច្ច​ និង​ ហិរញ្ញវត្ថុ​ ក្រសួងការពារជាតិ​ និង​អគ្គ​ បញ្ជាការដ្ឋាន​ដែល​បាន​យកចិត្ដទុកដាក់​ជា​ប្រចាំ​ក្នុង​ការ​ដឹកនាំ​បញ្ជាការ​ស្ថាបនា​ផ្លូវ​នេះ​ ។​

​លោក​ឧត្ដមសេនីយ៍​បាន​បន្ដ​ថា​ ជា​ មួយ​នោះ​ក៏​ដោយ​មានការ​ជួយ​ឧបត្ថម្ភ​ គាំទ្រ​និង​កិច្ចសហការ​ល្អ​ពី​សំណាក់​យោធ​ ភូមិភាគ​ទី​១​ កម្លាំងប្រដាប់អាវុធ​ ថ្នាក់​ ដឹកនាំ​ មន្ដ្រីរាជការ​ជុំវិញ​ខេត្ដស្ទឹងត្រែង​ ដែល​អនុវត្ដ​បាន​ល្អ​តាម​តួនាទី​ភារកិច្ច​ ប្រគល់​ឱ្យ​ ។​

ជាមួយនឹង​ដំណើរ​ចុះ​ពិនិត្យ​ការ​ ស្ថាបនា​ផ្លូវ​នេះ​លោក​ឧត្ដមសេនីយ៍ឯក​ ហ៊ុន​ ម៉ា​ណែ​ត​ ក៏​បាន​នាំ​យក​អាវ​ភ្លៀង​ជា​ ច្រើន​ពាន់​អាវ​ទៅ​ផ្ដល់​ឱ្យ​កងកម្លាំង​ដែល​កំពុង​ស្ថាបនា​ផ្លូវ​និង​កង​វរៈ​ការពារ​ព្រំ​ដែន​តំបន់​ប្រតិបត្ដិការ​សឹក​ស្ទឹង​ត្រែង​ផង​ដែរ​ ៕ សហការី​

MK2

MK1


ចែករំលែក៖