ព័ត៌មានទាន់ហេតុការណ៍៖

អ្នក​ពុល​នំ​បញ្ចុក​បាន​ចាក​ចេញពី​មន្ទីរ​ពេទ្យជិត​អស់ហើយ​

ចែករំលែក៖

​ខេត្តកំពង់ចាម​ ៖​ រហូត​ដល់​រសៀល​ថ្ងៃ​៩​ ខែឧសភា​ ឆ្នាំ​២០១៥​ មាន​អ្នកជំងឺ​ដែល​ពុល​នំ​បញ្ចុក​បាន​ចាក​ចេញពី​មន្ទីរពេទ្យ​ស្រុក​បា​ធា​យ​ជិត​អស់ហើយ​ និង​អ្នកជំងឺ​ផ្សេង​ទៀត​ក៏​ធូរស្បើយ​ដែរ​ ។​ នេះ​បើ​តាម​ការ​អះអាង​ពី​អ្នកនាំពាក្យ​ក្រសួងសុខាភិបាល​ លោក​ លី​ សូ​វ៉ា​ន់​ បាន​ប្រាប់​តាម​សារ​អេ​ឡិច​ត្រូ​និ​ច​ (​ whatsapp​ )​ ។​

​ស្រ​ដៀង​គ្នា​នេះ​ដែរ​ស្នងការ​នគរបាល​ខេត្តកំពង់ចាម​លោក​ឧត្តមសេនីយ៍ត្រី​ បែន​ រ័​ត្ន​ ក៏​បាន​ឲ្យ​ដឹង​ដែរ​ថា​ ចំនួន​អ្នកជំងឺ​ដែល​ពុល​នំ​បញ្ចុក​បាន​ចាកចេញ​ទៅ​ផ្ទះ​ជិត​អស់ហើយ​ ។​ បច្ចុប្បន្ន​នេះ​ អ្នកជំងឺ​ជិត​១០​នាក់​បាន​និង​កំពុង​សម្រាក​នៅ​មន្ទី​ពេទ្យ​ បង្អែក​ស្រុក​។​

​លោក​ លន់​ លឹ​ម​ថៃ​ អភិបាលខេត្ត​និង​ជា​ប្រធាន​សាខា​កាកបាទក្រហម​ខេត្តកំពង់ចាម​ បាន​នាំ​យក​អំណោយ​និង​ថវិកា​ទៅ​ចែក​ជូន​អ្នកជម្ងឺ​ម្នាក់ៗ​៤​ម៉ឺន​រៀល​ ក្រោយ​ពី​អ្នកជំងឺ​មាន​សភាព​ធូរស្រាល​ជាង​មុន​ ។​

​បើ​តាម​ស្នងការ​នគរបាល​ខេត្តកំពង់ចាម​ លោក​ឧត្តម​ស​នី​យ៍​ បែន​ រ័​ត្ន​ បាន​ប្រាប់​ ថា​ លោក​ បុ៑​ន​ ហុង​ អាយុ​៣៦​ឆ្នាំ​ និង​ ប្រពន្ធ​ ស៑ន​ គឹ​ម​ស្រៀ​ង​ អាយុ​៣៤​ឆ្នាំ​ ជា​ម្ចាស់​សិប្បកម្ម​ចែកចាយ​នំ​បញ្ចុក​ដែល​ពុល​ ស្ថិត​នៅ​ភូមិ​ស្តើង​ជ័យ​ ស្រុក​ជើងព្រៃ​ ។​ នំ​បញ្ចុក​នេះ​ ផលិត​បាន​២០០​គីឡូក្រាម​ក្នុង​១​ថ្ងៃ​ បន្ទាប់​មក​ក៍​ចែកចាយ​លក់​បន្ត​ទៅ​ដល់​២​ស្រុក​ គឺ​ស្រុក​បា​ធា​យ​ និង​ស្រុក​ជើងព្រៃ​ ។​

​លោក​ បែន​ រ័​ត្ន​ បាន​បន្ត​រថា​ ការ​ចែកចាយ​នំ​បញ្ចុក​នេះ​ពុល​អ្នក​តែ​អ្នក​ភូមិ​នៅ​ស្រុក​បា​ធា​យ​ប៉ុណ្ណោះ​ ប៉ុន្តែ​សម្រាប់​អ្នក​ភូមិ​នៅ​ស្រុក​ជើងព្រៃ​វិញ​ មិន​បាន​ពុល​នោះ​ឡើយ​ ។​

​ក្រោយ​កើតហេតុ​ គណៈកម្មការ​ចម្រុះ​មាន​មន្ត្រី​មន្ទី​សុខាភិបាល​ កាំកុងត្រូល​ អា​ជា្ញ​ធ​និង​នគរបាល​ បាន​ចុះ​ទៅ​ធ្វើ​កោសល្យវិច័យ​ទៅ​តាម​ជំនាញ​រៀងៗ​ខ្លួន​ ប៉ុន្តែ​លទ្ធផល​មិន​ទាន់​បាន​បង្ហាញ​ផល​វិជ្ជមាន​នៅឡើយ​ទេ​ ។​

​បើ​តាម​សមត្ថកិច្ច​បានឱ្យ​ដឹង​ថា​ កាលពី​វេលា​ម៉ោង​១១​និង​១៥​នាទី​ព្រឹក​ ថ្ងៃ​ទី​៨​ ខែឧសភា​ ឆ្នាំ​២០១៥​ ក្រុម​អ្នក​ភូមិ​ជា​ច្រើន​នាក់​បាន​ពុល​នំ​បញ្ចុក​ ស្ថិត​នៅ​ភូមិ​ទំនប់​ ឃុំ​ទំនប់​ ស្រុក​បា​ធា​យ​ ខេត្តកំពង់ចាម​ ។​

ក្រោយ​ទទួល​ព័​ត៏​មាន​នេះ​ភ្លាម​ អា​ជា្ញ​ធ​ពាក់ព័ន្ធ​បាន​ចុះ​ទៅ​កាន់​កន្លែង​កើតហេតុ​ ក្នុង​នោះ​កម្លាំង​នគរបាល​ក្នុង​ខេត្តកំពង់ចាម​ បាន​ចូលរួម​អន្តរាគមន៍​ប្រមាណ​២០​នាក់​ផង​ដែរ​ ៕​ ហេង​ សូ​រិ​យា​

K.1jpg

K


ចែករំលែក៖