ព័ត៌មានទាន់ហេតុការណ៍៖

សម្ដេច​កិត្ដិ​ព្រឹទ្ធ​បណ្ឌិត​ប៊ុ​ន​ រ៉ា​នី​ ហ៊ុន​ សែន​ផ្ដល់​​រថយន្ដ​មួយ​គ្រឿង​ដល់​អង្គការ​សង្គ្រោះ​ជន​អស់សង្ឃឹម​

ចែករំលែក៖

ភ្នំពេញ​ ៖​ នៅ​ព្រឹក​ថ្ងៃ​ទី​៤​ ខែកុម្ភៈ​ ឆ្នាំ​២០១៥​ សម្ដេច​កិត្ដិ​ព្រឹទ្ធ​បណ្ឌិត​ ប៊ុ​ន​ រ៉ា​នី​ហ៊ុន​ សែន​ ប្រធាន​កាកបាទក្រហម​ កម្ពុជា​បាន​ផ្ដល់​អំណោយ​ជា​រថយន្ដ​ មួយ​គ្រឿង​ចំណុះ ​៣៤​កៅអី​តម្លៃ​៣.៥០០០​ ដុល្លារ​សហរដ្ឋអាមេរិក​ដល់​អង្គការ​ សង្គ្រោះ​ជន​អស់សង្ឃឹម​មណ្ឌល​ទី​១​ដែល​មា​នទី​តាំងនៅ​ភូមិ​លិច​វត្ដ​ សង្កាត់​កំ​បូល​ ខណ្ឌ​ពោធិ៍​សែន​ជ័យ​ រាជធានី​ភ្នំពេញ​។​

ពិធី​ប្រគល់​និង​ទទួល​រថយន្ដ​បាន​ធ្វើ​ ឡើង​នៅ​ទីស្នាក់ការ​កាកបាទក្រហមកម្ពុជា​ក្រោម​អធិបតីភាព​ដ៏​ខ្ពង់ខ្ពស់​ សម្ដេច​កិត្ដិ​ព្រឹទ្ធ​បណ្ឌិត​ប៊ុ​ន​ រ៉ា​នី​ ហ៊ុន​ សែន​ ប្រធាន​កាក​បាត​ក្រហម​កម្ពុជា​ និង​ លោកស្រី​ឡៅ​ សុ​ខន​ នាយិកា​អង្គការ​ សង្គ្រោះ​ជន​អស់សង្ឃឹម​ ។​

លោកស្រី​ឡៅ​ សុ​ខន​ បាន​ថ្លែង​អំណរ​ គុណ​យ៉ាង​ជ្រាលជ្រៅ​ចំពោះ​ទឹកចិត្ដ​ដ៏​ សប្បុរស​របស់​សម្ដេច​កិត្ដិ​ព្រឹទ្ធ​បណ្ឌិត​ ប៊ុ​ន​ រ៉ា​នី​ ហ៊ុន​ សែន​ ចំពោះ​កុមារ​កំព្រា​ អ្នក​ផ្ទុកមេរោគ​អេ​ដស៍​ និង​បុគ្គលិក​អង្គ​ ការ​សង្គ្រោះ​ជន​អស់សង្ឃឹម​ ។​

ក្រៅពី​ផ្ដល់​រថយន្ដ​សម្ដេច​កិត្ដិ​ព្រឹទ្ធ​ បណ្ឌិត​ ប៊ុ​ន​ រ៉ា​នី​ ហ៊ុន​ សែន​ តែងតែ​អញ្ជើញ​ ដោយ​ផ្ទាល់​ទៅ​ជួប​សំណេះសំណាល​និង​សួរសុខទុក្ខ​ ព្រមទាំង​ផ្ដល់​អំណោយ​ជា​ ច្រើន​ដើម្បី​ផ្គត់ផ្គង់​ដល់​អង្គការ​សង្គ្រោះ​ជន​អស់សង្ឃឹម​មិន​ដែល​លស់​ពេល​មួយ​គ្រា​ណា​ឡើយ​ ។​

អំណោយ​រថយន្ដ​មួយ​គ្រឿង​នេះ​គឺជា​ ការ​ជួយ​សម្រួល​ដ៏​ធំធេង​ដល់​អង្គការ​ សង្គ្រោះ​ជន​អស់សង្ឃឹម​ ជា​ពិសេស​ការ​ ធ្វើ​ដំណើរ​របស់​ក្មេងៗ​ទៅ​សិក្សា​នៅ​តាម​សាលា​នានា​ដែល​ពី​មុន​ការ​ធ្វើ​ដំណើរ​ ត្រូវ​ជិះ​ម៉ូតូឌុប​ រ៉ឺ​ម៉ក​ម៉ូតូ​ និង​ជួល​រថយន្ដ​ទ្រុង​ដែល​មិនសូវ​មាន​សុវត្ថិភាព​ដល់​ក្មេងៗ​ ។​

គួរ​បញ្ជាក់​ថា​ អង្គការ​សង្គ្រោះ​ជន​ អស់សង្ឃឹម​មាន​កុមារ​កំព្រា​ អ្នក​ផ្ទុក​មេ​ រោគ​អេ​ដស៍​ និង​បុគ្គលិក​ចំនួន​៤៤៨​នាក់​ ក្នុង​នោះ​មណ្ឌល​ទាំងមូល​មានផ្ទះ​អ្នកជំងឺ​ចំនួន​ ២២​ខ្នង​,​ ផ្ទះ​កុមារ​កំព្រា ​ចំនួន​២០​ ខ្នង​,​ ផ្ទះ​ចាស់ជរា​២​ខ្នង​,​ ផ្ទះ​ទារក​៣​ខ្នង​,​ ផ្ទះ​ បុគ្គលិក​៥​បន្ទប់​,​ ផ្ទះ​ពេទ្យ​១​ខ្នង​,​ ផ្ទះ​និស្សិត​ ៣​ល្វែង​,​ ការិយាល័យ​១​ខ្នង​,​ សាលា​បឋម​ សិក្សា​១​ខ្នង​,​ ថ្នាក់​ម​ត្ដេ​យ្យ​៣​បន្ទប់​,​ ស្រះ​ ទឹក​៣,​ អណ្ដូង​៥​ និង​បន្ទប់​កាត់ដេរ​១​ខ្នង​ ដែល​ពួក​គេ​ទាំងអស់​សុទ្ធតែ​ត្រូវការ​ មធ្យោបាយ​សម្រាប់​ធ្វើ​ដំណើរ​ ៕

6

7


ចែករំលែក៖