ព័ត៌មានទាន់ហេតុការណ៍៖

ក្មេង​ស្រី​អាយុ​១១​ ឆ្នាំ​ម្នាក់​ត្រូវ​បងជីដូនមួយ​ចាប់រំលោភ​រហូត​បាន​សម្រេច​

ចែករំលែក៖

ខេត្តកណ្តាល​ ៖​ ក្មេង​ស្រី​អាយុ​១១ ​ឆ្នាំ​ម្នាក់​ត្រូវ​បាន​បងប្រុស​ជីដូនមួយ​ចាប់រំលោភ​រហូត​បាន​សម្រេច​បំណង​ កាលពី​វេលា​ម៉ោង​៣​និង​១០​នាទី​ទាប​ភ្លឺ​ឈាន​ចូល​ថ្ងៃ​ទី​៨​ ខែកុម្ភៈ​ ឆ្នាំ​២០១៥​ គ្រា​ដែល​កុមារ​រី​ រង​គ្រោះ​កំពុង​ដេក​លក់​ក្នុង​ដំណេក​នៅ​ក្រោមផ្ទះ​ឪ​ពុ​មា​ឈ្មោះ​ ណ​ន​ ណាត​ ស្ថិត​ក្នុងភូមិ​វាល​ ឃុំ​ស្អាង​ភ្នំ​ ស្រុក​ស្អាង​ ខេត្តកណ្ដាល​ ។​

​ក្រោយ​ពី​ធ្វើ​សកម្មភាព​រួច​ជនសង្ស័យ​បាន​រត់គេច​ខ្លួន​ គ្រា​ដែល​កុមារ​រី​រង​គ្រោះ​ភ្ញាក់​ពី​ដំណេក​ឃើញ​ជន សង្ស័យ​កំពុង​ធ្វើ​សកម្មភាព​សម្រេច​ទៅ​ហើយ​នោះ​ ។​ ទោះបីជា​ជនសង្ស័យ​ព្យាយាម​គេចខ្លួន​បាត់​មួយ​យប់​យ៉ាងណា​ក្តី​ នៅ​រសៀល​ថ្ងៃ​ទី​៨​ ខែកុម្ភៈ​ ឆ្នាំ​២០១៥​ សមត្ថកិច្ច​មូលដ្ឋាន​បាន​ ឃាត់ខ្លួន​ជនសង្ស័យ​ បញ្ជូន​ទៅ​កាន់​អធិការដ្ឋាន​នគរបាល​ស្រុក​ស្អាង​ ដើម្បី​សាកសួរ​និង​កសាង​សំណុំរឿង​ចាត់ការ​តាម​ច្បាប់​ ។​

​លោក​វរសេនីយ៍ទោ​ សេង​ សុ​ជាតិ​ អធិការ​នគរបាល​ ស្រុក​ស្អាង​បាន​ឲ្យ​ដឹង​ថា​ ជនសង្ស័យ​ដែល​ត្រូវ​បាន​ឃាត់ខ្លួន​ឈ្មោះ​ ណូ​ សុភាព​ ហៅ​ប៉ោង​ ភេទ​ប្រុស​ ឣា​យុ​ ១៨​ឆ្នាំ​ មុខរបរ​ មិន​ពិតប្រាកដ​ រីឯ​ក្មេង​ស្រី​រង​គ្រោះ​ឈ្មោះ​ ព​ ពស​ អាយុ​១១​ឆ្នាំ​ ជា​សិស្ស​ ។​ ជនសង្ស័យ​និង​ជន​រង​គ្រោះ​ត្រូវ​ ជា​បងប្អូន​ជីដូនមួយ​នឹង​គ្នា​មាន​ទីលំនៅ​ក្នុងភូមិ​វាល​ ឃុំ​ស្អាង​ភ្នំ​ ស្រុក​ស្អាង​ ខេត្តកណ្ដាល​ ។​

​លោក​អធិការ​បាន​បន្ត​ថា​ កាលពី​ថ្ងៃ​ទី​៧​ ខែកុម្ភៈ​ ឆ្នាំ​២០១៥​ កន្លង​ទៅ​នៅផ្ទះ​របស់​ឈ្មោះ​ ណ​ន​ ណាត​ ដែល​ត្រូវជា​ឪពុកមា​ក្មេង​ស្រី​រង​គ្រោះ​មាន​រៀបចំ​ពិធី​បុណ្យខួប​៨​ឆ្នាំ​ ហើយ​ក្មេង​ស្រី​រង​គ្រោះ​ និង​យុវជន​សង្ស័យ​ ដែល​ជា​ក្មួយ​របស់​ឈ្មោះ​ ណ​ន​ ណាត​ បាន​ទៅ​ចូលរួម​បម្រើភ្ញៀវ​ និង​រាំ​លេង​កំសាន្ត​ផង​ដែរ​ ។​

ក្រោយ​ពី​បំរើភ្ញៀវ​និង​រាំ​លេង​កំសាន្ត​ចប់​ហើយ​នោះ​ ក្មេង​ស្រី​រង​គ្រោះ​មិន​បាន​ត្រឡប់​ទៅ​កាន់​លំនៅ​ឋាន​របស់​ខ្លួន​ទេ​ ពោល​គឺ​បាន​នៅ​ដេក​លើ​គ្រែ​ក្រោមផ្ទះ​ឪពុកមា​ជាមួយ​ប្អូនៗ​ជីដូនមួយ​២​នាក់​ទៀត​ ។​ ដោយឡែក​ជនសង្ស័យ​ពុំ​ដឹង​ថា​ទៅ​ណា​នោះ​ទេ​ រហូត​ដល់​វេលា​ម៉ោង​កើតហេតុ​ខាងលើ​ជនសង្ស័យ​ក៏​បាន​លប​លួច​ឡើង​ទៅ​លើ​គ្រែ​របស់​ក្មេង​ស្រី​រង​គ្រោះ​ ហើយ​ក៏​បាន​ធ្វើ​សកម្មភាព​ចាប់​ស្រាតខោ​ក្នុង​របស់​ក្មេង​ស្រី​រង​គ្រោះ​ ហើយ​ធ្វើ​សកម្មភាព​រំលោភ​រហូត​សម្រេច​ ខណៈ​ដែល​ក្មេង​ស្រី​រង​គ្រោះ​ដេក​លង់លក់​ក្នុង​ដំណេក​ ។

​លោក​វរសេនីយ៍ទោ​ សេង​ សុ​ជាតិ​ បាន​បន្ត​ទៀត​ថា​ ពេល​ជនសង្ស័យ​កំពុង​ធ្វើ​សកម្មភាព​នោះ​ក្មេង​ស្រី​រង​គ្រោះ​បាន​ភ្ញាក់​ពី​ដំណេក​ក៏​ស្រែ​យំ​បង្ក​ឲ្យ​មានការ​ភ្ញាក់ផ្អើល​នៅ​វេលា​ទាប​ភ្លឺ​ ។​ បន្ទាប់​ពី​មាន​ហេតុការណ៍​កើតឡើង​ជនសង្ស័យ​បាន​គេចខ្លួន​ទៅ​ផ្ទះ​បាត់​ ហើយ​ក្រុម​គ្រួសារ​សាច់ញាតិ​ជន​រង​គ្រោះ​ក៏​ពុំ​បាន​ឆោឡោ​តាម​ចាប់ខ្លួន​ជនសង្ស័យ​ដែរ​ ពោល​គឺ​រង់ចាំ​ឲ្យ​កម្មវិធី​បុណ្យ​ចប់​សព្វគ្រប់​សិន​ ។

​ក្រោយ​ពី​ពិធីបុណ្យ​បាន​បញ្ចប់​នៅ​វេលា​ម៉ោង​១២​ថ្ងៃត្រង់​ ថ្ងៃ​ទី​៨​ ខែកុម្ភៈ​ ឆ្នាំ​២០១៥​ រួច​មក​នៅ​វេលា​ម៉ោង​១​និង​៣០​នាទី​នាទី​រសៀល​ ថ្ងៃខែ​ឆ្នាំ​ដដែល​ ម្តាយ​ក្មេង​ស្រី​រង​គ្រោះ​បាន​យក​វត្ថុ​តាង​ សំពត់​កូនស្រី​ ដែល​មាន​ប្រលាក់​ទឹកកាម​ជនសង្ស័យ​ដាក់​ពាក្យបណ្តឹង​នៅ​នគរបាល​ប៉ុស្តិ៍​រដ្ឋបាល​ មូលដ្ឋាន​ឲ្យ​ជួយ​ធ្វើ​អន្តរាគមន៍​ឃាត់ខ្លួន​ជនសង្ស័យ​ចាត់ការ​តាម​ច្បាប់​ ។​

​នៅ​រសៀល​ថ្ងៃ​ទី​៩​ ខែកុម្ភៈ​ ឆ្នាំ​២០១៥​ កម្លាំង​នគរបាល​ជំនាញ​យុត្តិធម៌​នៃ​អធិការដ្ឋាន​នគរ​ បាល​ស្រុក​កសាង​សំណុំរឿង​បញ្ជូន​ខ្លួន​ជនសង្ស័យ​ទៅ​កាន់​ស្នងការដ្ឋាន​នគរបាល​ខេត្តកណ្តាល​ ដើម្បី​ចាត់ការ​បន្ត​តាម​ច្បាប់​ ៕
16

15

14

13


ចែករំលែក៖