ព័ត៌មានទាន់ហេតុការណ៍៖

ជម្លោះ​ក្នុង​ពេល​រាំ​ធុងបាស់​ស្ទាវ​២​ក្រុម​ដេញ​ចាក់​គ្នា​ស្លាប់​ម្នាក់​

ចែករំលែក៖

ខេត្ដកំពង់ឆ្នាំង​ ៖​ បុរស​ម្នាក់​បាន​ ស្លាប់​ភ្លាមៗ​នៅ​កន្លែង​កើតហេតុ​បន្ទាប់​ពី​ត្រូវ​គូបដិបក្ខ​យក​ដែកឆាប​ចាក់​ត្រូវ​ ក្នុង​ជម្លោះ​ពាក្យ​សម្ដី​ពេល​រាំ​ធុងបាស់​។​
​ហេតុការណ៍​នេះ​បាន​កើតឡើង​កាលពី​វេលា​ម៉ោង​ជិត​១១​យប់​ថ្ងៃ​ទី​៦​ ខែកុម្ភៈ​ ឆ្នាំ​២០១៥​ នៅ​ក្នុងភូមិ​អូរ​សណ្ដាន់​ចាស់​ ឃុំ​ទឹក​ហូត​ ស្រុក​រលាប្អៀរ​ ខេត្ដកំពង់ឆ្នាំង​។

​ជន​រង​គ្រោះ​ក្នុង​ហេតុការណ៍​វាយ​កាប់​ ចាក់​គ្នា​នេះ​ឈ្មោះ​គល់​ យ៉ា​ ភេទ​ប្រុស​ អាយុ​២៥​ឆ្នាំ​ មាន​ប្រពន្ធ​ឈ្មោះ​យ៉ង់​ ហុង​ អាយុ​២៣​ឆ្នាំ​ មាន​ទីលំនៅ​ក្នុងភូមិ​គោក​ ស្ដៅ​ ឃុំ​ទឹក​ហូត​ ស្រុក​រលាប្អៀរ​ ខេត្ដ​ កំពង់ឆ្នាំង​។​ ជន​រង​គ្រោះ​ត្រូវ​គូ​ជម្លោះ​ យក​ដែកឆាប​មុខ​៣​ចាក់​ត្រូវ​ចំ​គល់​ដោះ​ខាងឆ្វេង​ជម្រៅ​៣​សង់ទីម៉ែត្រ​បណ្ដាល​ឱ្យ​ប្រកាច់​ដាច់ខ្យល់​ស្លាប់​ភ្លាមៗ​នៅ​នឹង​ កន្លែង​កើត​ហេតុតែ​ម្ដង​ ។​ ដោយឡែក​ ជន​ដៃដល់​ឈ្មោះ​ម៉ាង​ រី​ ហៅ​ពៅ​ ភេទ​ ប្រុស​ អាយុ​៣០​ឆ្នាំ​ មាន​ទីលំនៅ​ក្នុងភូមិ​ -​ឃុំ​កើតហេតុ​ខាងលើ​ត្រូវ​សមត្ថកិច្ច​ ចាប់​បាន​ ។

​ប្រជាពលរដ្ឋ​ស្ថិត​នៅ​កន្លែង​កើតហេតុ​ បានឱ្យ​ដឹង​ថា​ នៅ​ក្នុង​យប់​កើតហេតុ​នោះ​ មាន​ក្រុម​ស្ទាវ​ចំនួន​២​ក្រុម​បាន​ទៅ​លេង​រាំ​ធុងបាស់​ នៅ​ក្នុងភូមិ​អូរ​សណ្ដាន់​ចាស់​ ហើយ​បាន​ប៉ះទង្គិច​ពាក្យ​សម្ដី​គ្នា​ក្នុង​ ពេល​រាំវង់​។​ បន្ទាប់​ពី​ឌឺដង​សម្ដី​ដាក់​គ្នា​ ហើយ​ក្រុម​ស្ទាវ​ទាំង​២​ក្រុម​បាន​ស្ទុះ​វាយ​កាប់​ចាក់​គ្នា​ដោយពេល​នោះ​ជន​ដៃដល់​ បាន​ហូត​ដែកឆាប​មក​ចាក់​ទៅ​លើ​ជន​រង​គ្រោះ​ក្រោម​ដោះ​បណ្ដាល​ឱ្យ​ប្រកាច់​ ស្លាប់​ភ្លាមៗ​តែ​ម្ដង​ ។

​ក្រោយ​ពេល​កើតហេតុ​សមត្ថកិច្ច​ បាន​ចុះ​ទៅ​ពិនិត្យ​សាកសព​និង​បាន​ឈាន​ទៅ​កំណត់​មុខសញ្ញា​ជន​ដៃដល់​។​ នៅ​ថ្ងៃ​ទី​ ៧​ ខែកុម្ភៈ​ សមត្ថកិច្ច​បាន​ឃាត់ខ្លួន​ជន​ សង្ស័យ​ឈ្មោះ​ ម៉ាង​ រី​ ហៅ​ពៅ​ ដើម្បី​ កសាង​សំណុំរឿង​បញ្ជូន​ខ្លួន​មក​កាន់​ស្នង​ ការដ្ឋាន​នគរបាល​ខេត្ដកំពង់ឆ្នាំង​ចាត់​ ការ​បន្ដ​តាម​នីតិវិធី​ ៕
19

21

20


ចែករំលែក៖