ព័ត៌មានទាន់ហេតុការណ៍៖

ជនសង្ស័យ​ឆក់​កាបូប​ពី​នារី​ម្នាក់​ដួល​បោក​ទៅ​នឹង​ថ្នល់​ ហើយ​ត្រូវ​រថយន្ត​បុក​ថែម​ពីក្រោយ​បណ្តាល​ឱ្យ​ម្នាក់​រង​របួសធ្ងន់​

ចែករំលែក៖

​ភ្នំពេញ​ ៖​ នារី​ម្នាក់​បាន​រង​របួសធ្ងន់​ត្រូវ​បាន​រថយន្ត​សា​មុ​យ​ដឹក​យក​ទៅ​សង្គ្រោះ​នៅ​មន្ទីរពេទ្យ​ភ្លាមៗ​ ខណៈ​ដែល​កំពុង​ជិះ​ម៉ូតូ​ក៏​ត្រូវ​បាន​ជនសង្ស័យ​២​នាក់​ធ្វើ​សកម្មភាព​ឆក់​កាបូប​បាន​សម្រេច​បណ្តាល​ឱ្យ​ដួល​បោក​ទៅ​នឹង​ថ្នល់​ ហើយ​ត្រូវ​រថយន្ត​បុក​ថែម​ពីក្រោយ​ ចំណែក​ម៉ូតូ​រង​ការ​ខូចខាត​ទាំងស្រុង​ ។​

ហេតុការណ៍​នេះ​បាន​កើតឡើង​កាល​ ពី​វេលា​ម៉ោង​៩​និង​១០​នាទី​យប់​ថ្ងៃ​ទី​២២​ ខែកុម្ភៈ​ ឆ្នាំ​២០១៥​ មុខ​ស​ណ្ឋា​រ​គារ​ប៉ា​រី​ស​ តាម​បណ្តោយ​ផ្លូវ​កម្ពុជា​ក្រោម​ ស្ថិត​ក្នុង​សង្កាត់​មិត្តភាព​ ខណ្ឌ​៧​មក​រា​ ។​

​សាក្សី​ដែល​បានឃើញ​ហេតុការណ៍​ខាងលើ​នេះ​បានឱ្យ​ដឹង​ថា​ នៅ​មុន​ពេល​កើតហេតុ​គេ​បានឃើញ​នារី​ម្នាក់​ជិះ​ម៉ូតូ​ទ្រី​ម​សេ​១២៥​ ពណ៌​ខ្មៅ​ ពាក់​ស្លាក​លេខ​ភ្នំពេញ​ ធ្វើ​ដំណើរ​តាម​បណ្តោយ​ផ្លូវ​កម្ពុជា​ក្រោម​ ទិស​ដៅ​ពី​ លិចទៅ​កើត​ ។​ លុះ​មក​ដល់​ចំណុច​មុខ​ស​ណ្ឋា​រ​គារ​ប៉ា​រី​ស​ ស្រាប់តែ​មាន​ជនសង្ស័យ​២​នាក់​ជិះ​ម៉ូតូ​សេ​១២៥​ បាន​ធ្វើ​សកម្មភាព​ឆក់​កាបូបស្ពាយ​ពីក្រោយ​នារី​រង​គ្រោះ​បាន​សម្រេច​ បណ្តាល​ឱ្យ​ដួល​បោក​ទៅ​នឹង​កណ្តាល​ថ្នល់​ ហើយ​គេចខ្លួន​បាត់​ស្រមោល​ ។​

ភ្លាម​នោះ​ក៏​ស្រាប់តែ​មាន​រថយន្ត​ព្រូ​សព​ណ៍​ស​ មិន​ចាំ​ស្លាក​លេខ​ បើក​មក​ពី​ខាងក្រោយ​ចាប់​ហ្វ្រាំង​មិន​ទាន់​ក៏​បុក​នារី​រង​គ្រោះ​ថែម​ បណ្តាល​ឱ្យ​រង​របួសធ្ងន់​ត្រូវ​បាន​រថយន្ត​សា​មុ​យ​ដឹក​យក​ទៅ​សង្គ្រោះ​នៅ​មន្ទីរ​ ចំណែក​ម៉ូតូ​បាន​រង​ការ​ខូចខាត​យ៉ាងដំណំ​ រីឯ​រថយន្ត​បាន​បន្ថែម​ល្បឿន​គេចខ្លួន​បាត់​ដែរ​ ។​

​ក្រោយ​កើតហេតុ​សមត្ថកិច្ច​មូលដ្ឋាន​បាន​មក​អន្តរាគមន៍​ដល់​កន្លែង​កើតហេតុ​ និង​បាន​យក​ម៉ូតូ​ជន​រង​គ្រោះ​ទៅ​រក្សា​ទុក​នៅ​អធិការដ្ឋាន​ខណ្ឌ​៧​មក​រាជា​បណ្តោះអាសន្ន​ ៕​ ចាន់​ធឿ​ន​

trqlngkk

nzis9h65

qu3tw0qv

អានបន្តៈបើក​រ៉ឺ​ម៉ក​ម៉ូតូ​កង់​បី​កៀរ​រថយន្ត​គេ​ពីក្រោយ​រងការ​ខូចខាត​ត្រូវ​ម្ចាស់​រថយន្ត​វាយ​មួយ​ដៃ​ រួច​នាំ​បក្ខពួក​មក​តវ៉ា​ជា​ច្រើន​នាក់​ តែ​ខាង​រថយន្ត​សង​ថ្លៃ​ជំងឺ​ចិត្ត​១៥០​ដុល្លារ​បញ្ចប់រឿង​


ចែករំលែក៖