ព័ត៌មានទាន់ហេតុការណ៍៖

​រថយន្ត​នី​សាន់​ណា​វ៉ា​រ៉ា​ បើក​បុក​រ៉ឺ​ម៉ក​កង​បី​បណ្តាល​ឲ្យ​រង​របួស​ ធ្ងន់​ ស្រាល​៤​នាក់​

ចែករំលែក៖

​ភ្នំពេញ​៖​ មនុស្ស​៤​នាក់​ បាន​រង​របួសធ្ងន់​ ស្រាល​ ដោយសារ​តែ​រថយន្ត​មួយ​គ្រឿង​បើកបរ​យ៉ាង​លឿន​បាន​ជ្រុល​ទៅ​បុក​ពេញទំហឹង​ ខណៈ​កំ​ពង​ចត​ឈប់​ទិញ​បារី​ បណ្តាល​ឲ្យ​រ៉ឺ​ម៉ក​កង​បី​ក្រឡាប់​ផ្ងារ​កង់​ ។​

​ហេតុការណ៍​នេះ​បាន​កើតឡើង​កាលពី​វេលា​ម៉ោង​១១​យប់​ ថ្ងៃ​ទី​៣១​ ខែមីនា​ ឆ្នាំ​២០១៦​ តាម​បណ្តោយ​ផ្លូវ​បេតុង​ ភូមិ​គោក​ចំបក់​ សង្កាត់​ចោម​ចៅ​ ខណ្ឌ​ពោធិ៍​សែន​ ។​

​តាម​ប្រភព​ព័ត៌មាន​ពី​កន្លែង​កើតហេតុ​ បាន​និយាយ​ថា​ មុន​ពេល​កើតហេតុ​ គេ​ឃើញ​រ៉ឺ​ម៉ក​កង់​បី​មួយ​គ្រឿង​ ដែល​បើកបរ​ពីរ​ជើង​ទៅ​ត្បូង​ ជិះ​គ្នា​៤​នាក់​ លុះ​មក​ដល់​ចំណុច​កើតហេតុ​ អ្នក​បើក​រ៉ឺ​ម៉ក​កង់​បី​ ឈប់​រ៉ឺ​ម៉ក​ចូល​ទិញ​បារី​ ដោយ​អង្គុយ​នៅ​លើ​រ៉ឺ​ម៉ក​ កំពុង​រង់ចាំ​អ្នកលក់​អាប់​លុយ​ ភ្លាម​នោះ​ស្រាប់តែ​មាន​រថយន្ត​មួយ​គ្រឿង​ម៉ាក​និសា​ន់​ណា​វ៉ា​រ៉ា​ មិន​ចាំ​ស្លាក​លេខ​ បើក​មក​យ៉ាង​លឿន​ក្នុង​ទិស​ដៅ​ស្របគ្នា​ បាន​ជ្រុល​ទៅ​បុក​រ៉ឺ​ម៉ក់​កង់​បី​ពីក្រោយ​ពេញទំហឹង​ បណ្តាល​ឲ្យ​រង​របួសធ្ងន់​ម្នាក់​ និង​រង​របួសស្រាល​បី​នាក់​ ហើយ​រថយន្ត​បង្ក​បាន​បើក​គេចខ្លួន​បាត់​ស្រមោល​ ។​

​ក្រោយ​ពេល​កើតហេតុ​ ជន​រង​គ្រោះ​រង​របួសធ្ងន់​ម្នាក់​ត្រូវ​បាន​រថយន្ត​សា​មុ​យ​ឯកជន​ដឹក​ជន​រង​គ្រោះ​ទៅ​ព្យាបាល​នៅ​ពេទ្យ​កាល់​ឡូ​ម៉ែ​ត​ រីឯ​រ៉ឺ​ម៉ក​កង់​បី​ត្រូវ​សមត្ថកិច្ច​យក​ទៅ​រក្សា​ទុក្ខ​នៅ​អធិកា​ដ្ឋា​ន​នគរបាល​ចរាចរណ៍​ខណ្ឌ​ពោធិ៍​សែន​ជ័យ​ ៕​ សុខា​សែន​ជ័យ​

image2 copy

image1 copy


ចែករំលែក៖