ព័ត៌មានទាន់ហេតុការណ៍៖

Barcelona ត្រូវបាត់ខ្សែការពារកណ្តាល Samuel Umtiti ដល់ទៅ៨សប្ដាហ៍

ក្លិបBarcelonaដែលកំពុងតែឈរកំពូលតារាងនៅអេស្ប៉ាញ La Liga កំពុងតែមានបញ្ហាផ្នែកការពារដោយកីឡាករ Samuel Umtitiត្រូវសម្រាករហូតដល់ទៅ៨សប្ដាហ៍ដើម្បីព្យាបាលរបួស។

ខ្សែការពារកណ្តាលអន្តរជាតិបារាំង Samuel Umtitiបានរងរបួសសរសៃពួរជើង ពេលប្រកួតស្មើជាមួយនឹងក្រុម Celta Vigo ដោយលទ្ធផល 2-2 នៅក្នុងទឹកដីរបស់ខ្លួន។

ចំណែកកីឡាករជើងចាស់អាហ្សង់ទីន Javier Mascherano កំពុងមានបញ្ហាកាយសម្បទាស្របពេលអតីតប្រធានក្រុម Arsenal និងបែលហ្ស៊ិក Thomas Vermaelen ហាក់មិនស្ថិតក្នុងក្រសែភ្នែកលោក Ernesto Valverde ទេ។

ប្រធានក្រុមBarcelonaកីឡាករខ្សែបម្រើជើងចាស់ Andres Iniesta ក៏នឹងអវត្តមានពេលប្រកួត Champions League ប៉ះក្រុម Sporting Lisbon ផងដែរ ដោយសារតែរបួស។

NKD-36x6_outline

Barcelonaក៏កំពុងតែឈរកំពូលតារាងផងដែរនៅក្របខ័ណ្ឌ Champions League ក្នុងពូលD មាន១១ពិន្ទុលើក្រុមលេខ២ Juventus ចំនួន៣ពិន្ទុ ហើយក្រុមSporting Lisbonឈរលេខ៣មាន៧ពិន្ទុ ៕