Khmer
English
Chinese
Frence
Vietnamese
Thai
ឆក់កាបូបប៉ះចំអ្នកស្គាល់ប្ដឹងនគរបាលចាប់ដាក់ខ្នោះទាល់តែបាន
通過 : សដារ៉ា 日期 07 កុម្ភះ 2013時間 08:46:00
ភ្នំពេញ ៖ ជនសង្ស័យម្នាក់ត្រូវបានជនរងគ្រោះចាប់យកទៅប្រគល់ ឱ្យនគរបាលប៉ុស្ដិ៍រដ្ឋបាលបឹងកក់២ ចាត់ការតាមនីតីវិធីបន្ទាប់ពីជន សង្ស័យរូបនេះបានធ្វើសកម្មភាពឆក់ កាបូបរបស់គាត់ តែចៃដន្យគាត់ ចំណាំមុខច្បាស់ ហើយ២ថ្ងៃក្រោយ មកក៏ចាប់ខ្លួនប្រគល់ឱ្យនគរបាល តែម្ដងទៅ ។
ការឃាត់ខ្លួនជនសង្ស័យរូបនេះបាន ប្រព្រឹត្ដទៅនៅថ្ងៃទី៥ ខែកុម្ភៈ ឆ្នាំ២០១៣ វេលាម៉ោង៣និង១៥នាទីរសៀល នៅ ផ្លូវលេខ៣១៧ ក្រុម១៨ ភូមិ៤ សង្កាត់ បឹងកក់២ ខណ្ឌទួលគោក ។
ជនសង្ស័យដែលត្រូវឃាត់ខ្លួននេះ ឈ្មោះឃួម កំហែងគិរី ហៅចក់ ភេទប្រុស អាយុ២០ឆ្នាំ មុខរបរមិនពិតប្រាកដ ស្នាក់ នៅផ្ទះជួលគ្មានលេខ ផ្លូវលេខ៥៩៨ ភូមិ ទំនប់ សង្កាត់ភ្នំពេញថ្មី ខណ្ឌសែនសុខ ។ រីឯជនរងគ្រោះឈ្មោះសំ កូកានីកា ភេទ ស្រី អាយុ២០ឆ្នាំ ជានិស្សិត ស្នាក់នៅ ផ្ទះលេខ១១A ផ្លូវលេខ៦១៨ សង្កាត់ បឹងកក់២ ខណ្ឌទួលគោក ។
តាមប្រភពព័ត៌មានពីជនរងគ្រោះ បានឱ្យដឹងថា កាលពីវេលាម៉ោង៥ល្ងាច ថ្ងៃទី៣ ខែកុម្ភៈ ឆ្នាំ២០១៣ រូបគាត់បាន ជិះម៉ូតូម៉ាកហុងដាអាយខនចេញពីផ្ទះ សំដៅទៅសាលារៀន លុះមកដល់ចំណុច កើតហេតុមុខផ្ទះលេខ៥១ ផ្លូវលេខ៣១៧ ភូមិ៥ សង្កាត់បឹងកក់២ ខណ្ឌទួលគោក ស្រាប់តែមានជនសង្ស័យពីរនាក់ ជិះម៉ូតូ ម៉ាកយ៉ាម៉ាហាហ្វីណូ ពណ៌ក្រហមឆ្នូតទឹក ប្រាក់១គ្រឿងបានធ្វើសកម្មភាពឆក់យក កាបូបរបស់គាត់ហើយពួកគេជិះម៉ូតូ គេចខ្លួនបាត់ទៅ ។ នៅក្នុងកាបូបនោះ មានអត្ដសញ្ញាណប័ណ្ណសញ្ញាតិខ្មែរ១ សន្លឹក លុយខ្មែរ៥ម៉ឺនរៀល លុយអាមេរិក ២០ដុល្លារ និងទូរស័ព្ទម៉ាកLG១គ្រឿង ។
នារីរងគ្រោះបានឱ្យដឹងទៀតថា លុះ មកដល់ថ្ងៃទី៥ ខែកុម្ភៈ ឆ្នាំ២០១៣ ស្រាប់ តែរូបគាត់ឃើញជនសង្ស័យឈ្មោះ ឃួម កំហែងគីរី ដែលគាត់ស្គាល់ថាជាអ្នកឆក់ កាបូបកាលពីថ្ងៃទី៣ ខែកុម្ភៈនោះ កំពុង ធ្វើដំណើរនៅផ្លូវលេខ៣១៧ ភូមិ៤ សង្កាត់ បឹងកក់២ ខណ្ឌទួលគោក ក៏ឃាត់ខ្លួនរួច នាំយកទៅប្រគល់ឱ្យនគរបាលប៉ុស្ដិ៍រដ្ឋបាល បឹងកក់២ដើម្បីចាត់ការតាមច្បាប់ ។
នៅចំពោះមុខសមត្ថកិច្ចនគរបាល ប៉ុស្ដិ៍បឹងកក់២ ជនសង្ស័យរូបនេះបាន សារភាពថា ខ្លួនគេពិតជាបានធ្វើសកម្ម ភាពឆក់យកកាបូបពីនារីរងគ្រោះជាមួយមិត្ដភក្ដិម្នាក់ទៀតដែលកំពុងគេចខ្លួន ប្រាកដមែន ។
បច្ចុប្បន្នជនសង្ស័យរូបនេះកំពុងឃាត់ ខ្លួននៅអធិការដ្ឋាននគរបាលខណ្ឌទួល គោកដើម្បីកសាងសំណុំរឿងបញ្ជូនបន្ដ ទៅសាលាដំបូងរាជធានីភ្នំពេញចាត់ការ តាមច្បាប់ ៕
.jpg)
.jpg)
