Khmer
English
Chinese
Frence
Vietnamese
Thai
តម្លៃប្រេងនាំចូលនៅក្នុងប្រទេសកូរ៉េខាងត្បូងកើនឡើងខ្ពស់១៩ភាគរយ
ដោយ ៖ ម៉ៅ បុប្ផាមករា ថ្ងៃទី 16 ឧសភា 2011ម៉ោង 10:19:36
នៅក្នុងខែមេសា ឆ្នាំ២០១១ កន្លងមកនេះ តម្លៃប្រេងដែលនាំចូលក្នុងប្រទេសកូរ៉េខាងត្បូងមានតម្លៃកើនឡើងខ្ពស់គួរឱ្យកត់សម្គាល់ ដោយមានកំណើនរហូតដល់១៩ភាគរយឯណោះ។
ធនាគារកណ្ដាលរបស់ប្រទេសកូរ៉េខាងត្បូងបានលើកឡើងថា តម្លៃនៃការនាំចូលប្រេងនៅក្នុងប្រទេសកូរ៉េខាងត្បូង បានកើនឡើងខ្ពស់ ដែលតម្លៃនេះមានរហូតដល់១៩ភាគរយ បើប្រៀបធៀបនឹងស្ថិតិឆ្នាំមុន ដែលស្ថិតក្នុងអំឡុងពេលដូចគ្នានោះចំនួននេះកើនឡើងខ្ពស់។
ធនាគារខាងលើហៅកាត់ថា “BOK” បានលើកឡើងថា កាលពីខែមុន តម្លៃប្រេងដែលនាំចូលក្នុងប្រទេសកូរ៉េខាងត្បូងមានកំណើនខ្ពស់ ដោយកំណើននេះ បានកើនឡើងប្រមាណ០.៧ភាគរយ បើប្រៀបធៀបនឹងខែមីនា កន្លងមកនេះ។
គួរឱ្យកត់សម្គាល់ឃើញថា កំណើននេះបានកើនឡើងគិតមកដល់ពេលនេះ មានរយៈពេល២៧ខែហើយ ហើយកំណើនបានកើនឡើងខ្លាំងចាប់ពីដើមឆ្នាំនេះ ដែលមានវិបត្ដិនយោបាយនៅក្នុងប្រទេសផលិតប្រេងមិនទាន់ដោះ ស្រាយចប់សព្វគ្រប់នៅឡើយទេ។
ក្រុមអ្នកវិភាគមួយចំនួនបានយល់ឃើញថា គ្រោះធម្មជាតិ និងការបង្កើតភ្លើងសង្គ្រាមសុទ្ធតែមិនផ្ដល់ផលជាវិជ្ជមានឡើយ ផ្ទុយទៅវិញកត្ដាទាំងអស់នេះ វាសុទ្ធតែជាហានិភ័យមួយដែលអាចគំរាមកំហែងដល់សេដ្ឋកិច្ចនៅក្នុងតំបន់ និងពិភពលោកទាំងមូលតែប៉ុណ្ណោះ។ ជាក់ស្ដែង ដូចជាសង្គ្រាមនៅលីប៊ី និងនៅបណ្ដាប្រទេសនៅឯមជ្ឈិមបូព៌ាដូ ច្នេះដែរ។ លើសពីនេះ ក៏មានវិបត្ដិថ្មីៗ ដែលទើបតែបញ្ចប់នៅជប៉ុន ដោយសារគ្រោះរញ្ជួយដី ដែលវាជាហេតុផលប៉ះពាល់ដល់សេដ្ឋកិច្ចពិភពលោកទាំងមូលមួយផ្នែកដែរ ថ្វិត្បិតតែរបាយការណ៍នានាថា មិនសូវរងផលប៉ះពាល់ដល់សេដ្ឋកិច្ចរបស់ប្រទេសជប៉ុនធ្ងន់ធ្ងរក៏ដោយ តែវាក៏ជាចំហាយអាចគំរាមដល់ប្រទេសកំពុងអភិវឌ្ឍន៍ ព្រោះប្រទេសទាំងនោះទទួលជំនួយដ៏ច្រើនគួរសមពីរដ្ឋាភិបាលជប៉ុន។ នៅពេលដែលមានវិបត្ដិបែបនេះកើតឡើង អ្នកដែលខាតបង់មិនមែនជប៉ុនតែម្នាក់នោះទេ មានអ្នកវិនិយោគិនជាច្រើនដែលត្រូវប្រឈមមុខនឹងបញ្ហានេះដែរ។
ធនាគារខាងលើបានបន្ដថា ថ្វីត្បិតតែប្រទេសកូរ៉េខាងត្បូងបានកំណត់គោលដៅថា នឹងធ្វើឱ្យប្រទេសក្លាយជាទីក្រុងបៃតងក៏ពិតមែន តែតម្រូវការប្រើប្រាស់ប្រេងវាជាតម្រូវការជាក់ស្ដែងមួយនៅឡើយ ហើយស្របពេលពិភពលោកមានបញ្ហានេះ បញ្ហានោះមិនទាន់ដោះស្រាយចប់ ជាផលមួយដែលធ្វើឱ្យវិស័យសេដ្ឋកិច្ច ពិសេសការនាំចូលប្រេងនៅតែបន្ដកើនឡើងតម្លៃដដែល។
ធនាគារមួយនេះក៏បានសង្កត់ធ្ងន់ថា មិនត្រឹមតែតម្លៃប្រេងតែមួយមុខនោះ ទេដែលនាំចូលក្នុងតម្លៃខ្ពស់ សូម្បីតែវត្ថុធាតុដើមជាច្រើនប្រភេទដែលបាននាំចូលក្នុងប្រទេសកូរ៉េខាងត្បូងកើនឡើងដែរ ដោយតួលេខបានបង្ហាញថា បានកើនឡើង៣៦.៨ភាគរយ កាលពីខែមុន៕
.jpg)
