Pele​ ​រិះ​គន់​ ​Messi​ ​និង​ព្យាករណ៍​លទ្ធ​ ​ផល​រវាង​មេន​ញូ​និង​បា​សេ​

ដោយ​ ៖ ម៉ែវ សាធី ថ្ងៃទី 18 ឧសភា 2011ម៉ោង 08:43:59

       ស្ដេច​បាល់​ទាត់​ ​Pele​ ​សា​ជា​ថ្មី​បាន​បង្ហាញ​ការ​សង្ស័យ​ដល់​កីឡា​ករ​ជន​ជាតិ​អា​ហ្សង់​ទី​ន​ ​និង​លទ្ធ​ផល​ការ​ប្រកួត​វគ្គ​ផ្ដាច់​ព្រ័ត្រ​រវាង​មេន​ញូ​ ​និង​បា​សេ​ ​ក្នុង​ក្រប​ខណ្ឌ​ឆេ​ម​ពាន​លី​ក​។​

ស្ដេច​បាល់​ទាត់​ភ​លេ​បោ​ន​និយាយ​ថា​ ​“ប្រិ​យ​មិ​ត្ដ​គាំ​ទ្រ​ជា​ច្រើន​តែង​តែ​ប្រៀប​ធៀប​រវាង​ ​Messi​ ​ជាមួយ​ស្ដេច​បាល់​ទាត់​ក្នុង​អតីត​កាល​ ​ប៉ុន្ដែ​អ្នក​គាំ​ទ្រ​ទាំង​នោះ​ ​ភ្លេច​គិត​ថា​ ​កីឡា​ករ​មួយ​ចំនួន​មាន​ការ​លេង​បាល់​យ៉ាង​ល្អ​ជាង​ ​Messi​ ​ឆ្ងាយ​ណាស់​”។

ស្ដេច​បាល់​ទាត់​ ​Pele​ ​ធ្លាប់​ទទួល​បាន​ជើងឯក​ ​World​ ​Cup​ ​បី​លើក​ក្នុង​ពេល​ដែល​ជា​កីឡា​ក​រ​។​ ​Pele​ ​បញ្ជាក់​ថា​ ​ការ​លេង​របស់​ ​Messi​ ​មិន​ទាន់​ដល់​កម្រិត​កំពូល​នៅ​ក្នុង​ក្រប​ខណ្ឌ​ជម្រើស​ជាតិ​អា​ហ្សង់​ទី​ន​នៅ​ឡើ​យ​។​ ​ស្ដេច​បាល់​ទាត់​ ​Pele​ ​ធ្លាប់​រិះ​គន់​ ​Messi​ ​ជា​ច្រើន​លើក​ច្រើន​សា​រួច​មក​ហើយ​ ​។ នៅ​ក្នុង​បទ​សម្ភាស​ន៍​មួយ​ជាមួយ​សារ​ព័ត៌មាន​ស៊ី​អិ​ន​អិ​ន​ ​Pele​ ​បាន​បន្ថយ​កីឡា​ករ​លេង​ល្អ​បំផុត​នៅ​លើ​ពិភព​លោក​នា​ពេល​បច្ចុប្បន្ន​ថា​ ​Messi​ ​លេង​អន់​ជាង​ខ្ញុំ​ឆ្ងាយ​ណា​ស់​។​

លោក​បញ្ជាក់​ទៀត​ថា​ ​“មិន​ទាន់​មាន​កីឡា​ករ​ណា​មួយ​ធ្វើ​បាន​ដូច​អ្វី​ដែល​ ​Pele​ ​បាន​ធ្វើ​នោះ​ឡើ​យ​។​ ​ខ្ញុំ​ជា​កីឡា​ករ​តែ​មួយ​គត់​ដែល​ជួយ​ឱ្យ​ក្រុម​ទទួល​បាន​ ​World​ ​Cup​ ​ក្នុង​ពេល​ដែល​ខ្លួន​មាន​អាយុ​ត្រឹម​១៧ឆ្នាំ​ប៉ុណ្ណោះ​។ បី​លើក​ទទួល​បាន​ជើងឯក​ ​World​ ​Cup​ ​ក្នុង​អាជីព​ជា​កីឡា​ករ​ ​និង​ស៊ុត​បញ្ចូល​ទី​គូ​ប្រកួត​បាន​រហូត​ដល់​១,២០០គ្រា​ប់​។​ ​ខ្ញុំ​គិត​ថា​ ​គ្មាន​កីឡា​ករ​ណា​មួយ​អាច​ធ្វើ​បាន​ដូច​ជា​រូប​ខ្ញុំ​ឡើយ​”។

ក្នុង​ការ​ព្យាករណ៍​លទ្ធ​ផល​វគ្គ​ផ្ដាច់​ព្រ័ត្រ​ឆេ​ម​ពាន​លី​ករ​វាង​មេន​ញូ​ ​និង​បា​សេ​ឡូ​ណា​ ​ស្ដេច​បាល់​ទាត់​អាយុ​៧១ឆ្នាំ​ ​រូប​នោះ​បាន​បញ្ជាក់​ថា​ ​មេន​ញូ​ជា​ក្លឹ​ប​ខ្លាំង​ ​លេង​តាម​បែប​អង់គ្លេស​ ​ប៉ុន្ដែ​បើ​និយាយ​អំពី​ការ​សាមគ្គី​សហ​ការ​គ្នា​ ​ក្លឹ​ប​បា​សេ​ខ្លាំង​ជាង​គេ​បំផុត​នា​ពេល​បច្ចុប្បន្ន​ ​ពិបាក​ក្រុម​ណា​មួយ​យក​ឈ្នះ​ខ្លាំង​ណា​ស់​។​ ​ជាមួយ​នឹង​ការ​វាយ​បក​លឿន​របស់​មេន​ញូ​អាច​ផ្ដួល​រំលំ​ក្លឹ​ប​បា​សេ​បាន​យ៉ាង​ងាយ​ស្រួ​ល​៕​