Khmer
English
Chinese
Frence
Vietnamese
Thai
APEC ពិភាក្សាគ្នាលើការបង្កើន វិស័យពាណិជ្ជកម្ម ដោយមានវត្ដមានថ្នាក់ដឹកនាំអង្គការ WTO ចូលរួម
ដោយ ៖ ម៉ៅ បុបា្ផមករា ថ្ងៃទី 21 ឧសភា 2011ម៉ោង 10:12:38
APEC បើកកិច្ចប្រជុំមួយជាមួយថ្នាក់រដ្ឋមន្ដ្រីពាណិជ្ជកម្មដែលរៀបចំឡើងនៅរដ្ឋម៉ូនីស៊ុនតា សហរដ្ឋអាមេរិក ក្នុងគោលបំណងដើម្បីពិភាក្សាគ្នាលើការជំរុញឱ្យវិស័យពាណិជ្ជកម្មមានសន្ទុះកើនឡើង ។
សូមបញ្ជាក់ថា APEC ពាក្យពេញមានន័យថា “កិច្ចសហប្រតិបត្ដិការពាណិជ្ជកម្មនៅក្នុងតំបន់អាស៊ីប៉ាស៊ីហ្វិក” ។ ម្យ៉ាងទៀត APEC នេះមានសមាជិកចូលរួមផ្នែកសេដ្ឋកិច្ចចំនួន២១ប្រទេសផងដែរ ។
គោលបំណងសំខាន់របស់ស្ថានប័ននេះផ្ដោតលើការដោះស្រាយរាល់បញ្ហាដែលទាក់ ទិននឹង វិស័យពាណិជ្ជកម្មដែលជាប់គាំង និងជំរុញឱ្យមានសន្ទុះសេដ្ឋកិច្ចខ្លាំងក្លាទៀតផង ។
គួរបញ្ជាក់ផងដែរថា នៅក្នុងកិច្ច ប្រជុំថ្នាក់រដ្ឋមន្ដ្រីនេះដែរក៏មានវត្តមានចូលរួមពីលោកប្រធានអង្គការពាណិជ្ជ កម្មពិភពលោក“WTO” និងថ្នាក់មន្ដ្រីជាន់ខ្ពស់ផ្នែកពាណិជ្ជកម្ម និងអ្នកមុខអ្នកការជាច្រើនរូបទៀត ។
លោក Pascal Lamy អគ្គនាយកអង្គការពាណិជ្ជកម្មពិភពលោកបានថ្លែងថា “យើងនឹងចូលរួមក្នុងកិច្ចប្រជុំពិភាក្សាគ្នាមួយក្នុងនាមជាគណៈកម្មាធិការសម្របសម្រួលវិស័យពាណិជ្ជកម្មនៅថ្ងៃទី៣១ ខែឧសភា ខាងមុខនេះ ។ ដោយការចូលរួមនេះក្នុងគោលបំណង ដើម្បីពង្រឹង និងជំរុញវិស័យពាណិជ្ជកម្មឱ្យឈានឡើង” ។
គេក៏បានដឹងច្បាស់ដែរថា នៅក្នុងខែវិច្ឆិកាឆ្នាំនេះ សហរដ្ឋអាមេរិក ជាម្ចាស់ផ្ទះនៃកិច្ចប្រជុំកំពូល APEC ដោយកម្ម វិធីនេះនឹងប្រារព្វធ្វើឡើងនៅកោះហាវ៉ៃ។ នៅក្នុងកិច្ចប្រជុំកំពូលនេះដែរ គេបាន ដឹងថា ពួកគេមានគោលបំណងសំខាន់ ចំនួន៣ដែលនឹងត្រូវលើកឡើងយកមក ពិភាក្សា ដែលជារបៀបវារៈដ៏សំខាន់ ដែលអាចជួយពង្រឹង និងពង្រីកវិស័យ ពាណិជ្ជកម្មឱ្យមានភាពរីកចម្រើន ។ មិនតែប៉ុណ្ណោះការរៀបចំកិច្ចប្រជុំកំពូល នេះដែរ នឹងអាចបង្កើនទំនាក់ល្អរវាង សមាជិករបស់ APEC និងដៃគូ វិនិយោគទុន និងក្រុមវិនិយោគិនធំៗនៅ ក្នុងតំបន់អាស៊ីប៉ាស៊ីហ្វិកផងដែរ ។
លោក Ron Kirk តំណាងឱ្យក្រសួង ពាណិជ្ជកម្មអាមេរិកបានលើកឡើងដែរ ថា “យើងរំពឹងទុកជាមុនថា កំណើន សេដ្ឋកិច្ចរបស់ពួកយើងនឹងរឹងមាំ ហើយនឹងមានការរីកចម្រើនទៅមុខជា ដរាបទៀតផង” ។
ក្រុមថ្នាក់រដ្ឋមន្ដ្រីពាណិជ្ជដែលចូល រួមប្រជុំពិភាក្សាគ្នាមកពីប្រទេសចំនួន ២១នឹងចេញរបាយការណ៍មួយជាក់លាក់ ផងដែរអំពីលទ្ធផលនៃកិច្ចប្រជុំរបស់ ពួកគេ បន្ទាប់ពីមានកិច្ចប្រជុំ និងធ្វើ សន្នីសារព័ត៌មានមួយតាមការគ្រោង ទុករបស់កម្មវិធី ។
ទាក់ទិននឹងកិច្ចប្រជុំពិភាក្សាគ្នានេះ ដែរ ក្រុមអ្នកវិភាគសេដ្ឋកិច្ចមួយចំនួន នៅក្នុងតំបន់បានលើកឡើងថា នេះជា យុទ្ធសាស្ដ្រមួយដែលអាចជួយដល់ការ ងារវិនិយោគទុន ហើយនឹងទទួលផលជា ផ្លែផ្កាថែមមួយកម្រិតទៀត បន្ទាប់កិច្ច ប្រជុំកំពូលដែលនឹងរៀបចំនៅហាវ៉ៃនា ពេលខាងមុខ ៕
.jpg)
