មេ​ព្រៃ​សៀមរាប​ដក​ហូត​ដី​ទំហំ​ជាង​មួយ​ពាន់​ហិ​ក​តា​ពី​អ្នក​តាំង​ទី​លំនៅ​ខុស​ច្បាប់​និង​រុករាន​ដី​ព្រៃ​ធ្វើ​កម្ម​សិទ្ធិ​

ដោយ​ ៖ ជា​ ​ស្រស់​|ថ្ងៃទី 24 ឧសភា 2011 ម៉ោង 09:00:05

ខេ​ត្ដ​សៀមរាប​ ​៖ ដី​ព្រៃ​អ​ចិ​ន្ដ្រៃ​យ៍​របស់​រដ្ឋ​ទំហំ​ជាង​១ពាន់​ហិ​កតា​ ​ដែល​ក្រុម​មនុស្ស​មួយ​ចំនួន​ចូល​ទៅ​តាំង​ទី​លំ​នៅ​ ​និង​ហ៊ុម​ព័ទ្ធ​យក​ធ្វើ​ជា​កម្ម​សិទ្ធិ​ ​ត្រូវ​បាន​សមត្ថ​កិច្ច​មេ​ព្រៃ​ខេ​ត្ដ​សៀមរាប​ចុះ​ដក​ហូត​យក​មក​ទុកជា​ស​ម្ប​ត្ដិ​រដ្ឋ​វិញ​។ ប្រតិបត្ដិ​ការ​ដក​ហូត​នេះ​បាន​ធ្វើ​ឡើង​នៅ​ ក្នុង​ភូមិ​២ គឺ​ភូមិ​ត្បែង​លិច​ ​និង​ភូមិ​ត្បែង​​កើត​ ​ក្នុង​ឃុំ​ត្បែង​ ​ស្រុក​បន្ទាយស្រី​ ​ខេ​ត្ដ​​សៀមរាប​ កាល​ពី​ថ្ងៃ​ទី​១៩ ឧស​ភា​ ​។

នាយ​ខណ្ឌ​រដ្ឋ​បា​ល​ព្រៃ​ឈើ​សៀមរាប​ លោក​ទា​ ​គឹ​ម​សុទ្ធ​ ​បាន​ឱ្យ​ដឹង​ថា​ ​ការ​ចុះ​​ប​ង្ក្រា​ប​អ្នក​តាំង​ទី​លំនៅ​ដោយ​ខុស​ច្បាប់​​នេះ​ធ្វើ​ឡើង​តាម​ដីកា​ដក​ហូត​របស់​សាលា​ខេ​ត្ដ​សៀមរាប​លេខ​១០២ ចុះ​ថ្ងៃ​ទី​២៩ ខែ​ឧស​ភា​ ​ឆ្នាំ​២០០៦ ដែល​បាន​សម្រេច​ដក​ហូត​ដី​ព្រៃ​ឈើ​អ​ចិ​ន្ដ្រៃ​យ៍​មាន​ ទំហំ​១.២៤៧ហិ​ក​តា​ទុកជា​ស​ម្ប​ត្ដិ​រដ្ឋ​។ លោក​ទា​ ​គឹ​ម​សុទ្ធ​ ​ប​ន្ដ​ថា​ ​ការ​ចុះ​អនុ​វ​ត្ដ​​នេះ​ក៏​ធ្វើ​ឡើង​តាម​សេចក្ដី​ជូន​ដំណឹង​របស់​រដ្ឋ​បា​ល​ព្រៃ​ឈើ​ខេ​ត្ដ​សៀមរាប​ ​និង​សេចក្ដី​ជូន​ដំណឹង​របស់​សាលា​ខេ​ត្ដ​លេខ​៣៣០ ស​ជ​ណ​ ​ចុះ​ថ្ងៃ​ទី​១១ ខែ​ឧស​ភា​ ​ឆ្នាំ​២០១១ ស្ដី​អំពី​ការ​ចាត់​វិធាន​ការ​ចំពោះ​ការ​កាប់​​ទន្ទ្រាន​ដី​ព្រៃ​ឈើ​ ​និង​តាំង​លំនៅ​ឋាន​ថ្មី​ ​ដែល​ដឹកនាំ​ដោយ​ឈ្មោះ​ធួន​ ​នឿ​ម​ ​និង​ ឈ្មោះ​ស៊ឹង​ ​វ​ណ្ណា​ ដែល​ជា​មេខ្លោង​ក្នុង​ការ​កាប់​ទន្ទ្រាន​ដី​ព្រៃ​នេះ​ ​។

ក្នុង​ប្រតិបត្ដិ​ការ​នេះ​ ​យោង​តាម​​របាយ​ការណ៍​របស់​ខណ្ឌ​រដ្ឋ​បា​ល​ព្រៃ​ឈើ​សៀមរាប​បាន​ឱ្យ​ដឹង​ថា​ ​សមត្ថ​កិច្ច​ដែល​​ដឹកនាំ​ដោយ​លោក​ជួន​ ​សុ​បញ្ញា​ ​ព្រះ​រាជ​អាជ្ញា​រង​តុលាការ​ខេ​ត្ដ​សៀមរាប​ ​បាន​សម្រេច​រុះ​រើ​ខ្ទម​ដែល​គ្មាន​មនុស្ស​នៅ​​បាន​ចំនួន​៤២។ របាយ​ការណ៍​ដដែល​ប​ន្ដ​ថា​ ​ដោយ​ឡែក​ខ្ទម​ដែល​មាន​មនុស្ស​ស្នា​ក់​នៅ​ចំនួន​១៤ សមត្ថ​កិច្ច​បាន​ធ្វើ​កិច្ច​សន្យា​ដោយ​ទុក​រ​យៈ​ពេល​១០ថ្ងៃ​ឱ្យ​ពួក​គាត់​រុះ​រើ​ដោយ​ខ្លួន​ឯង​ ​ហើយ​ក្នុង​​ចំណោម​នោះ​មាន​ម្ចាស់​ខ្ទម​ចំនួន​៦បាន​ ស្ម័គ្រ​ចិ​ត្ដ​រុះ​រើ​ភ្លា​មៗ​ ​។

គួរ​បញ្ជាក់​ថា​ ​កាល​ពី​ព្រឹក​ថ្ងៃ​ទី​១១ ខែ​​ឧស​ភា​ ​ឆ្នាំ​២០១១ នៅ​ក្នុង​តំបន់​ព្រៃ​ជាំ​ ​ក្នុង​ភូមិ​ខ្នារ​ង្វា​ស​ ​ឃុំ​ឃុន​រាម​ ​ស្រុក​បន្ទាយស្រី​ ​ខេ​ត្ដ​សៀមរាប​ ​សមត្ថ​កិច្ច​​មេ​ព្រៃ​ក៏​បាន​ចុះ​រឹប​អូស​យក​ដី​ព្រៃ​ប្រមាណ​ជា​១.៦០០ហិ​កតា​ ​ដែល​ទន្ទ្រាន​ដោយ​អតីត​ម​ន្ដ្រី​យោធា​ឈ្មោះ​ពើ​យ​ ​ប៉ែល​ ​។

ក្នុង​ប្រតិបត្ដិ​ការ​នេះ​ ​សមត្ថ​កិច្ច​បាន​រុះ​រើ​ខ្ទម​៣២ ហើយ​ខ្ទម​៤១ទៀត​ ​សម្រេច​ទុក​​ពេល​ឱ្យ​គាត់​រុះ​រើ​ដោយ​ខ្លួន​ឯង​ក្នុង​រ​យៈ​ ​ពេល​៧ថ្ងៃ​