Khmer
English
Chinese
Frence
Vietnamese
Thai
BRICS: ការជ្រើសរើសនាយកគ្រប់គ្រង IMF អាចជះឥទ្ធិពលដល់សេដ្ឋកិច្ចពិភពលោក
ដោយ ៖ ម៉ៅ បុបា្ផមករា ថ្ងៃទី 25 ឧសភា 2011ម៉ោង 10:31:32
នាយកប្រតិបត្ដិមូលនិធិរូបិយវត្ថុ អន្តរជាតិបានថ្លែងថា ការជ្រើសតាំងនាយកគ្រប់គ្រងមូលនិធិរូបិយវត្ថុអន្តរជាតិ វាអាចជះឥទ្ធិពលដល់សេដ្ឋកិច្ចពិភពលោក ។
នាយកប្រតិបត្ដិមូលនិធិរូបិយវត្ថុ អន្ដរជាតិប្រចាំតំបន់ដូចជា ប្រទេសចិន ប្រេស៊ីល ឥណ្ឌា អាហ្វ្រិកខាងត្បូង និង រុស្ស៊ី ឬហៅកាត់ថា “BRICS”បានថ្លែងថា “ការអន្ដរាគមន៍ក្នុងការជ្រើសរើសនាយកគ្រប់គ្រងថ្មីមកគ្រប់គ្រងមូលនិធិ រូបិយវត្ថុអន្តរជាតិមិនគួរធ្វើឡើយ គួរគប្បីផ្ដល់សិទ្ធិដល់លោកអតីតនាយក គ្រប់គ្រងចាស់ លោក Dominique Strauss-Kahn ឱ្យដឹកនាំបន្តទៀត” ។
នៅក្នុងសេចក្ដីថ្លែងការដែលចេញដោយ BRICS បានឱ្យដឹងថា វិបត្ដិហិរញ្ញវត្ថុនាពេលបច្ចុប្បន្ននេះមិន ទាន់ដោះស្រាយបានប្រសើរនៅឡើយទេ សម្រាប់ប្រទេសអភិវឌ្ឍន៍ ។ ដោយសារ តែរឿងនេះហើយ ស្ថាប័នហិរញ្ញវត្ថុ កំពូលជាអ្នកដែលជ្រោមជ្រែងលើកិច្ច ការងារនេះ ដែលអាចនិយាយបានថា ជា ស្ថាប័នចូលរួមចំណែកជួយទ្រទ្រង់ និង ដោះស្រាយរាល់បញ្ហានានាដែលពាក់ ព័ន្ធនឹងហិរញ្ញវត្ថុ ពិសេសជួយដល់ ប្រទេសកំពុងអភិវឌ្ឍន៍ផងដែរ ។
នៅក្នុងសេចក្ដីថ្លែងការណ៍ក៏បានគូស បញ្ជាក់ថា ការជ្រើសរើសថ្នាក់ដឹកនាំ កំពូលនេះមិនមែនជារឿងលេងសើច នោះឡើយ ព្រោះជាបុគ្គលដែលអាច មានសមត្ថភាពខ្ពស់ក្នុងការគ្រប់គ្រង និងដឹកនាំការងារដែលជំរុញឱ្យសន្ទុះ សេដ្ឋកិច្ចពិភពលោកកើនឡើង ហើយ ចាំបាច់ណាស់ដែលត្រូវការមនុស្សដែល មានបទពិសោធន៍ និងជោគជ័យក្នុងការ ដឹកនាំ ដែលអាចធ្វើជាប្រធាន និងកាន់ តំណែងនេះបាន ។
លោកបានបន្តថា ការជ្រើសរើស វា មិនចាំបាច់តែតម្រូវឱ្យមានសញ្ជាតិ ដើមនោះទេទើបអាចកាន់តំណែងនេះ បាននោះ ក្រៅពីសញ្ជាតិដើម ក៏អាច កាន់តំណែងនេះបានដែរ “យើងជឿជាក់ ថា ប្រសិនបើមូលនិធិរូបិយវត្ថុអន្តរជាតិ ជួបនូវបញ្ហា និងការជ្រើសតាំងក៏ត្រូវ បានទទួលការឯកភាពពីក្រុមសមាជិក ថ្នាក់ដឹកនាំកំពូលៗដែរ និងមានការ ប្រកួតប្រជែងគ្នាផងដែរសម្រាប់តំណែងមួយនេះ” ។
នាយករូបនេះក៏បានលើកឡើង និង រំលឹកឡើងវិញផងដែរថា “ការជ្រើស រើសប្រធានដឹកនាំថ្មីនេះ វាជាការអនុម័តឡើងដោយមានការចូលរួមពីសហគមន៍អឺរ៉ុប ហើយច្បាប់នេះបានប្រកាស កាលពីឆ្នាំ២០០៧មុនពេលជ្រើសតាំង លោក Strauss-kahn ឱ្យចូលកាន់តំណែង ។ នៅក្នុងច្បាប់បានចែងថា ថ្នាក់រដ្ឋមន្ដ្រីទទួលបន្ទុកផ្នែកហិរញ្ញវត្ថុ នៅអឺរ៉ុបមានសិទ្ធិក្នុងការចូលរួមដឹកនាំ ផ្អែកតាមការបោះឆ្នោតសម្រេច” ។
គួររំលឹកផងដែរថា បន្ទាប់ពីមាន រឿងអាស្រូវមួយកើតឡើងរវាងនាយក គ្រប់គ្រងមូលនិធិរូបិយវត្ថុអន្ដរជាតិ ពាក់ព័ន្ធនឹងការសេពសន្ធវៈជាមួយអ្នក បម្រើនៅឯសណ្ឋាគារមួយ កម្លាំង សមត្ថកិច្ចក៏បានចាប់ឃាត់ខ្លួនអតីត នាយកគ្រប់គ្រងមូលនិធិខាងលើ និងត្រូវ បានក្រុមប្រឹក្សាជាន់ខ្ពស់ដកចេញពី តំណែងជាប្រធានភ្លាមៗដែរ ដោយចាត់ ឱ្យលោក Jean- Claude Junker ឡើង កាន់តំណែងជំនួសម្ដង ។
បើតាមការអះអាងមួយចំនួនពី លោកអតីតនាយកគ្រប់គ្រងរូបនោះបាន និយាយថា លោកបានលាលែងពីតំណែង តាំងពីលោកមានរឿងទាំងនេះកើតឡើង ដែរ ។
ប្រភពមួយចំនួនយល់ឃើញថា ការ ដកនាយកគ្រប់គ្រងនេះចេញអាចជាប់ ពាក់ព័ន្ធនឹងរឿងអន្ទាក់ណាមួយក៏ថាបាន ព្រោះវាមិនអាចកើតឡើងដោយបែប នេះ និងងាយស្រួលនឹងចាប់កំហុសបានយ៉ាងដូច្នេះឡើយ ៕
.jpg)
