Khmer
English
Chinese
Frence
Vietnamese
Thaiស្រីស្នេហ៍រ៉ូណាល់ដូឯកភាពថតអាក្រាត
ដោយ ៖ ម៉ែវ ធីរីណា|ថ្ងៃទី 10 មិថុនា 2011 ម៉ោង 13:11:37
តារាបង្ហាញម៉ូដដ៏ល្បីល្បាញ នាង Irina Sheik បានឯកភាពដោះសម្លៀក បំពាក់ទាំងអស់ដើម្បីចូលរួមក្នុងយុទ្ធនាការប្រយុទ្ធប្រឆាំងជំងឺមហារីកស្បែក ដែលរៀបចំឡើងដោយអ្នកច្នៃម៉ូដ ម៉ាក ចាកុប។ កម្មវិធីនេះបានបង្កើតឡើងតាំងពីឆ្នាំ២០០៦មកម្ល៉េះ។
តាមព័ត៌មានីនដផេនេដនេតឱ្យដឹងថារូបភាពមិត្ដស្រីរបស់តារាបាល់ទាត់ក្រុមរៀលម៉ាទ្រីដ ត្រូវគេបោះពុម្ពលើ អាវលក់ក្នុងតម្លៃ៣៥ដុល្លារ ហើយប្រាក់ដែលប្រមូលបានទាំងនោះយកទៅគាំទ្រដល់មជ្ឈមណ្ឌលស្រាវជ្រាវជំងឺមហារីកស្បែកនៅទីក្រុងញូវយ៉ក។
យុទ្ធនាការដែលមានឈ្មោះថា “Protect the Skin You´re in” ទទួលបានការគាំទ្រយ៉ាងច្រើនពីក្រុមតារាបង្ហាញម៉ូដ តារាសម្ដែងដែលមានសម្រស់ស្រស់ស្អាតជាច្រើនជុំវិញពិភពលោក។ ភរិយារបស់បេកខាំ គឺនាងវីកតូរៀបេកខាំក៏ធ្លាប់ឯកភាពថតស្រាតបោះពុម្ពលើអាវក្នុងគោលដៅ ដូចគ្នានេះផងដែរ។
តារាបង្ហាញម៉ូដ អៀរីណា សេក កំពុងស្នាក់នៅអាមេរិក ហើយនាងមមាញឹកយ៉ាងខ្លាំងនៅក្នុងការងារបង្ហាញម៉ូដរបស់នាង។ តារាបង្ហាញម៉ូដរូបនេះកាន់តែល្បីល្បាញនៅលើពិភពលោក ដោយសារតែជាស្រីស្នេហ៍របស់បុរសសង្ហា និងជាកីឡាករឆ្នើមនៅលើពិភពលោក គ្រីស្ទីន រ៉ូណាល់ដូ៕
