Khmer
English
Chinese
Frence
Vietnamese
Thai
បម្រែបម្រួលអាកាសធាតុគំរាមកំហែងវិស័យឧស្សាហកម្មទ្វីបអាហ្វ្រិក
ដោយ ៖ ម៉ែវ សាធី ថ្ងៃទី 25 មិថុនា 2011ម៉ោង 08:43:39
អង្គការសហប្រជាជាតិបានប្រកាសថា បម្រែបម្រួលអាកាសធាតុបានកាត់បន្ថយទិន្នផលកសិកម្មយ៉ាងធំធេងដល់បណ្ដាប្រទេសនៅតំបន់ទ្វីបអាហ្វ្រិក ក៏ដូចជាការផ្គត់ផ្គង់ទឹកនៅតាមបណ្ដាដងទន្លេសម្រាប់វិស័យកសិកម្មផងដែរ។
តាមការស្រាវជ្រាវរបស់អង្គការ ស្បៀងអាហារកសិកម្មពិភពលោកស្ដីពីឥទ្ធិពលនៃបម្រែបម្រួលអាកាសធាតុ ប្រភពទឹកនិងសន្ដិសុខស្បៀងអាហារ បង្ហាញឱ្យឃើញថា កម្ដៅកើនឡើងធ្វើឱ្យដំណាំកសិកម្មនៅទ្វីបអាហ្វ្រិក និងតំបន់ជាច្រើននៅជុំវិញពិភពលោករងផលប៉ះពាល់យ៉ាងខ្លាំងនិងធ្វើឱ្យផ្ទៃដីសឹករេចរិល ក្លាយជាវាលរហោស្ថានវាលខ្សាច់។
បម្រែបម្រួលអាកាសធាតុជះឥទ្ធិពលយ៉ាងធំធេងនិងជាចម្បងបំផុតដល់វិស័យកសិកម្ម ហើយធ្វើឱ្យផលដំណាំថយចុះ យ៉ាងខ្លាំងបង្កការខ្វះខាតយ៉ាងធ្ងន់ដល់តម្រូវការរបស់ប្រជាពលរដ្ឋនៅទូទាំងពិភពលោក។
លទ្ធផលស្រាវជ្រាវបង្ហាញថា បម្រែបម្រួលអាកាសធាតុប៉ះពាល់យ៉ាងធ្ងន់ដល់ទ្វីបអាហ្វ្រិក អាមេរិកឡាទីន និង អាស៊ី ធ្វើឱ្យគ្រោះអត់ឃ្លានកើនខ្ពស់នៅលើពិភពលោក នៅពេលដែលពលរដ្ឋភាគច្រើនរស់នៅអាស្រ័យទៅលើកសិកម្មជាចាំបាច់ក្នុងការចិញ្ចឹមជីវិតប្រចាំ ថ្ងៃ។
ក្រៅពីគ្រោះរាំងស្ងួត ប្រទេសជាច្រើនកំពុងរងខ្យល់ព្យុះ ទឹកជំនន់យ៉ាងធ្ងន់ បំផ្លាញផ្ទៃដីកសិកម្មរាប់រយលានហិកតា៕
.jpg)
