Khmer
English
Chinese
Frence
Vietnamese
Thai
អាមេរិកចំណាយប្រាក់រហូតដល់៤ពាន់ពាន់លានដុល្លារនៅសង្គ្រាម៣
ដោយ ៖ ម៉ែវ សាធី ថ្ងៃទី 30 មិថុនា 2011ម៉ោង 11:44:34
តាមរបាយការណ៍របស់សាកលវិទ្យាល័យ Brown ដែលបានប៉ាន់ប្រមាណពីប្រាក់ចំណាយសម្រាប់សង្គ្រាមនៅអ៊ីរ៉ាក់ និងអាហ្វហ្គានីស្ថាន ជាមួយនឹងយុទ្ធនាការប្រឆាំងភេរវកម្មនៅប៉ាគីស្ថាន ធ្វើឱ្យអាមេរិកត្រូវចាយប្រាក់អស់រហូតដល់៤ពាន់ពាន់លានដុល្លារ។
ដូច្នេះ តួលេខខាងលើខ្ពស់ជាង៣ដងជាងការប៉ាន់ប្រមាណរបស់ប្រធានាធិបតីអាមេរិក បារ៉ាក់ អូបាម៉ា ពេលដែលប្រកាសដកទាហានចេញពីអាហ្វហ្គានីស្ថាន។ លោក អូបាម៉ា បានប្រកាសថា សង្គ្រាមដែលអាមេរិកចូលរួមនាពេលបច្ចុប្បន្នក្រោយការវាយប្រហារ១១ កញ្ញា ធ្វើឱ្យអាមេរិកខាតបង់ទឹកប្រាក់១ពាន់ពាន់លានដុល្លារ។
នោះមិនគិតដល់ពលរដ្ឋពី២២៤-២៥៨ពាន់នាក់ និងទាហានស្លាប់នៅក្នុងសង្គ្រាមទាំងនោះ ហើយមានមនុស្សជាច្រើននាក់ទៀតខ្វះស្បៀងអាហារ ទឹក ស្អាតប្រើប្រាស់បណ្ដាលមកពីសង្គ្រាម ដែលអាមេរិកបង្កឡើង។
របាយការណ៍របស់មជ្ឈមណ្ឌលស្រាវជ្រាវ វ៉ាលសាន់ ស្ដីពីបញ្ហាអន្ដរជាតិមកពីសាកលវិទ្យាល័យប្រោនបានឱ្យដឹងថា ប្រាក់ចំណាយសរុបរបស់អាមេរិកមានរហូតដល់៣.៧០០ពាន់លានដុល្លារ ហើយតួលេខដែលច្បាស់លាស់នោះ អាចនឹងកើនរហូតដល់៤ពាន់ពាន់លាន ដុល្លារ។
ជាមួយគម្រោងដកទាហាន៣៣ពាន់នាក់ ចេញពីសង្គ្រាមប្រឆាំងភេរវកម្ម របស់លោក អូបាម៉ា ក៏នៅមានទាហានជាង៧ពាន់នាក់ បន្ដនៅអាហ្វហ្គានីស្ថានផងដែរ ហើយនឹងត្រូវផ្គត់ផ្គង់ដល់ទាហានទាំងនោះប្រមាណ១,២លានដុល្លារ ក្នុងម្នាក់ៗផងដែរ៕
.jpg)
