នាង​ ​Shirley​ ​Yeung​ ​រក្សា​ភាព​ស្ងប់​ស្ងៀម​ចំពោះ​ពាក្យ​ចចាមអារ៉ាម​ថា​នាង​មាន​ផ្ទៃ​ពោះ​

ដោយ​ ៖ ភារៈ ថ្ងៃទី 05 កក្កដា 2011ម៉ោង 07:08:19

ចាប់​តាំង​ពី​មាន​ការ​ប្រកាស​ជា​សា​ធារ​ណៈ​ដោយ​ឯកតោ​ភា​គី​ថា​នាង​ ​និង​មិ​ត្ដ​ប្រុស​ដែល​សេព​គប់​គ្នា​ជិត​១០ ឆ្នាំ​បាន​ចែក​ផ្លូវ​គ្នា​រួច​មក​ ​នាង​ Shirley​ ​Yeung​ ត្រូវ​រង​ការ​ចោទ​ប្រកាន់​ពី​ទ​ស្ស​និ​ក​ជន​ថា​ការ​ចែក​ផ្លូវ​គ្នា​ជាមួយ​មិ​ត្ដ​ប្រុស​នោះ​គឺ​ដោយសារ​តែ​មាន​នាង​មាន​ទំនាក់​ទំនង​ស្នេហា​ជាមួយ​ប្រុស​អ្នក​មាន​​ទ្រព្យ​ស្ដុក​ម្នាក់​ផ្សេង​ទៀត​។

មាន​ពាក្យ​ចចាមអារ៉ាម​ខ្លះ​និយាយ​​ថា​ ​បុរស​ដែល​នាង​ Shirley​ ​Yeung​ ​កំពុង​ទាក់ទង​នោះ​ជា​ទាយាទ​ស្នង​មរតក​​មហា​សាល​ពី​ក្រុម​គ្រួសារ​​។ ចំណែក​ពាក្យ​ចចាមអារ៉ាម​ខ្លះ​ទៀត​ឱ្យ​ដឹង​ថា​ ​មិ​ត្ដ​ប្រុស​ថ្មី​របស់​នាង​គឺ​ជា​អតីត​មិ​ត្ដ​រួម​​ថ្នាក់​របស់​នាង​​។ ពេល​មាន​ពាក្យ​​ចចាមអារ៉ាម​ជា​ច្រើន​ពាក់​ព័ន្ធ​នឹង​ការ​​ចែក​ផ្លូវ​គ្នា​នេះ​ ​ក៏​នៅ​មាន​ព័ត៌មាន​លេច​​ឮ​ថា​នាង​កំពុង​ព​ពោះ​កូន​២ខែ​ទៀត​ផ​ង​។​

ងាក​មក​អតីត​មិ​ត្ដ​ប្រុស​របស់​នាង​ ​Shirley​ដែល​នាង​ប្រកាស​ចែក​ផ្លូវ​គ្នា​ឯ​​ណេះ​វិញ​ ​គឺ​លោក​Gregory​បាន​នៅ​ប​ន្ដ​​ទៅ​ធ្វើ​ការ​នៅ​TVB​ដដែល​ ​ទោះបី​មាន​ ​បញ្ហា​ជា​ច្រើន​កើត​ឡើង​ចំពោះ​លោក​ ​ក៏​ ​ដូច​ជា​ការ​ប្រកាស​ចែក​ផ្លូវ​របស់​អតីត​ ​មិ​ត្ដ​ស្រី​ក៏​ដោយ​។ ចំណែក​នាង​Shirley​ ​Yeung​វិញ​បាន​បដិសេធ​មិន​ឆ្លើយ​តប​អ្វី​ ​ទាំង​អស់​ចំពោះ​សំណួរ​ប​ស់​អ្នក​យក​ព័​ត៌​មាន​ពាក់​ព័ន្ធ​នឹង​ពាក្យ​ចចាមអារ៉ាម​ថា​នាង​មាន​ផ្ទៃ​ពោះ​នោះ​ ​ប៉ុន្ដែ​ទោះ​យ៉ាង​ណា​ ​នាង​នៅ​រក្សា​ស្នាម​ញ​ញឹ​ម​ចំពោះ​​ក្រុម​អ្នក​យក​ព័ត៌មាន​ជា​និច្ច​។

ចំណែក​លោក​Gregory​ ​គេ​កត់​ ​សម្គាល់​ឃើញ​ថា​ហាក់​មិន​សូវ​មាន​ ​អារម្មណ៍​ក្នុង​ខ្លួន​ខ​ណៈ​កំពុង​ថត​ខ្សែ​ភាព​យ​ន្ដ​ថ្មី​មាន​ចំណង​ជើង​ថា​ ​“The​ ​King​ ​Boxer​” ។ គាត់​នៅ​តែ​បញ្ជាក់​ថា​ ​តាំង​​ពី​មិ​ត្ដ​ស្រី​ប្រកាស​ចែក​ផ្លូវ​គ្នា​ជា​​សា​ធារ​ណៈ​មក​​រហូត​មក​ដល់​ពេល​នេះ​ ​គាត់​នៅ​តែ​មិន​ទាន់​អាច​ទាក់ទង​នាង​​បាន​នៅ​ឡើយ​ទេ​, គាត់​មើល​ទៅ​ហាក់​កើត​ទុក្ខ​ខ្លាំង​ណាស់​៕