Khmer
English
Chinese
Frence
Vietnamese
Thai
Ariel Lin នឹងលាឈប់ពីការសម្ដែងដោយសារជំងឺ
ដោយ ៖ ភារៈ ថ្ងៃទី 05 កក្កដា 2011ម៉ោង 12:27:54
តារាភាពយន្ដល្បីល្បាញរបស់តៃវ៉ាន់ នាងAriel Lin ថ្មីៗនេះបានប្រកាសថា នាងមានបំណងកាត់បន្ថយការសម្ដែង។
មានមនុស្សជាច្រើនយល់ឃើញថា សុខភាពរបស់តារាភាពយន្ដល្បីល្បាញវ័យក្មេងរបស់តៃវ៉ាន់នាងAriel Lin កំពុងស្ថិតក្នុងស្ថានភាពទ្រុឌទ្រោមទៅៗ ខណៈនាងចេញមុខប្រកាសថានាងលាឈប់ពីការសម្ដែងខ្សែភាពយន្ដនោះ។
កាលពីថ្ងៃទី៤ កក្កដា នាងArielដែល មានជំងឺរ៉ាំរ៉ៃអស់រយៈពេល២ឆ្នាំមក ហើយនោះបានប្រាប់បណ្ដាញផ្សព្វផ្សាយមួយថា នាងចង់កាត់បន្ថយការសម្ដែងភាពយន្ដ ហើយក៏គ្មានផែនការចេញ អាល់ប៊ុមចម្រៀងថ្មីៗដែរ ។
ខណៈមានទស្សនិកជនជាច្រើនយល់ឃើញថានាងកំពុងធ្លាក់ខ្លួនឈឺធ្ងន់ម្ដងទៀតនោះ នៅមានមនុស្សជាច្រើនចោទ ជាសំណួរថាប្រហែលជាដល់ពេលដែលនាងសម្រេចចិត្ដរៀបការហើយមើលទៅ។ ឆ្លើយតបនឹងចម្ងល់នេះ នាង Arielបានបញ្ជាក់ថា ដោយសារតែនាងធ្វេសប្រហែសមិនបានតាមដានពីស្ថាន ភាពជំងឺ ទើបពេលនេះវាប្រហែលជាអាចកើតឡើងម្ដងទៀតបន្ទាប់ពីការវះកាត់រួចនោះ។ ដោយចង់ស្ដាប់បង្គាប់ម្ដាយនាងArielសម្រេចចិត្ដធ្វើតាមក្រុមគ្រួសារព្រោះគ្រួសារជារឿងសំខាន់ជាងការងារ។
នាងArielបានបញ្ជាក់ប្រាប់បណ្ដាញផ្សព្វផ្សាយថា “នាងខ្ញុំនៅតែស្រឡាញ់វិស័យសិល្បៈ ប៉ុន្ដែពេលនេះសុខភាពរបស់នាងខ្ញុំមិនអំណោយផលទេ ដូចដែលវាធ្លាប់កើតឡើងរួចហើយ។ នាងខ្ញុំគិតថានាងខ្ញុំគួរតែធ្វើការខណៈមាន សុខភាពល្អ ហើយពេលនេះនាងខ្ញុំ ចង់ទុកពេលវេលាសម្រាប់មនុស្សដែលសំខាន់ចំពោះខ្ញុំ” ។
គួរបញ្ជាក់ថា កាលនាងសម្ដែងក្នុងខ្សែភាពយន្ដមួយមានចំណងជើងថា “I May Not Love You” កាលពីខែមេសា តារាសម្ដែងវ័យក្មេងសម្រស់សោភារូប នេះតែងធ្លាក់ខ្លួនឈឺជាញឹកញាប់ ដោយ សារតែអាកាសធាតុក្ដៅខ្លាំងពេក និងបញ្ហាប្រព័ន្ធរំលាយអាហារ។ ពេលនោះមិត្ដប្រុសរបស់នាង គឺលោកCheng Jia Yaoតែងទៅដល់កន្លែងថត យកចិត្ដទុក ដាក់ថែទាំនាងជាប្រចាំ។
នៅពេលត្រូវគេសួរថា តើនាងចាកចេញពីការសម្ដែងដើម្បីស្នេហាមែនទេ នាងArielសើចមុនពេលឆ្លើយថា “ខ្ញុំ តែងចង់ឱ្យគាត់យល់ពីការងាររបស់ខ្ញុំ ក្រោយពេលគាត់យល់ច្បាស់អស់ហើយ គាត់នឹងអាចក្លាយជាសមាជិកម្នាក់នៅ ក្នុងគ្រួសារខ្ញុំបានហើយ” ។ ទោះបីជាយ៉ាងណាក៏ដោយនាងបញ្ជាក់ថា ពេល នាងរៀបការ នាងមិនចង់ឱ្យមានការ ផ្សព្វផ្សាយច្រើនពេកទេ នាងចង់ទុកវាជារឿងផ្ទាល់ខ្លួន៕
.jpg)
