Khmer
English
Chinese
Frence
Vietnamese
Thai
នាង Rainie Yang “សុភាពរាបសា” នៅក្នុងអាល់ប៊ុមចម្រៀងថ្មី
ដោយ ៖ ភារៈ ថ្ងៃទី 05 កក្កដា 2011ម៉ោង 12:36:09
នាង Rainie Yang ជាមនុស្សដែលមានចរិតដូចប្រុស ពេលនេះនាងក្លាយទៅជាស្ដ្រីម្នាក់ដ៏ស្រស់ស្អាតឥតខ្ចោះ។ សម្រាប់អាល់ប៊ុមបទចម្រៀងថ្មីរបស់នាង។ តារាចម្រៀងរូបស្រស់វ័យក្មេងរូបនេះនឹងបង្ហាញខ្លួននៅក្នុងបទចម្រៀងកាន់តែច្រើនដោយស្ថិតក្នុងកាយវិការនិងការតុបតែងខ្លួនយ៉ាងសាមញ្ញ និងសមរម្យបំផុត។
កាលពីមុន តារាចម្រៀងនិងជាតារាភាពយន្ដមានទឹកមុខក្រមិចក្រមើលរូបនេះតែងតែស្លៀកសម្លៀកបំពាក់សិចស៊ីបែបយុវវ័យ ដោយគេកម្រឃើញនាងតុបតែងខ្លួនបែបសុភាពរាបសាខ្លាំងណាស់។ ប៉ុន្ដែនៅក្នុងអាល់ប៊ុមថ្មីនេះ នាងបានបញ្ជាក់ថា ទស្សនិកជននឹងឃើញនាងបង្ហាញខ្លួនជាមួយនឹងសម្រស់ សម្លៀកបំពាក់ជិតលើ ជិតក្រោមបែប សុភាពរាបសាបំផុត។
គេគិតថានាងហាក់ដូចជាក្លាយជាមនុស្សចាស់ទុំជាងមុន ប៉ុន្ដែនាង Raine Yang ប្រាប់ថាទោះបីការសម្ដែងតម្រូវបែបនេះក៏ដោយក៏ចិត្ដគំនិតរបស់នាង នៅដូចជាក្មេងស្រីម្នាក់ដដែល។
ថ្មីៗនេះ តារាភាពយន្ដនិងជាតារាចម្រៀងក្នុងដួងចិត្ដយុវវ័យរូបនេះបានបញ្ចេញទស្សនៈរបស់នាងពាក់ព័ន្ធនឹងស្នេហាដោយសារពេលថ្មីៗនេះនាងបានមានបញ្ហាជាមួយបុរសម្នាក់ដែលកំពុងស្រឡាញ់គ្នា។ នាងRainieបញ្ជាក់ថា នាងកត់សម្គាល់ឃើញថា គាត់បានប្ដូរលេខទូរស័ព្ទ។ ក្រោយពេលស្វែងរកការពិតឃើញហើយទើបនាងដឹងថា តាំងពីដំបូងរហូតមកទល់ពេលនេះ គាត់ បានបោកប្រាស់នាងរហូតមកដោយសារ តែគាត់មានស្រីម្នាក់ផ្សេងទៀតកំពុងទាក់ទងគាត់ជាប់មិនដាច់។ ក្រោយ ពេលជួបរឿងរ៉ាវខកចិត្ដរួចមក ទើបនាងដឹងខ្លួនថាខ្លួនធ្លាប់ជាមនុស្សភ្លីភ្លើ បំផុតដោយតាំងពីដើមរៀងមកតែងជឿ លើទំនាក់ទំនងស្នេហានោះថាមិនមែនជាការបោកប្រាស់ ។
ទាក់ទងនឹងអាល់ប៊ុមថ្មីរបស់នាងវិញ នៅមិនទាន់ដាក់ចំណងជើងនៅឡើយទេ។ ចំណែកដំណើរការនៃការផលិត អាល់ប៊ុមថ្មីនេះវិញ នាង Rainie Yang អាចនឹងបង្ហាញរូបថតថ្មី(រូបខាងលើ) របស់នាងធ្វើជាក្របមុខ ដែលរូបនេះ នាងរចនាឡើងដោយខ្លួនឯងផ្ទាល់៕
.jpg)
