Khmer
English
Chinese
Frence
Vietnamese
Thai
គ្រោះរាំងស្ងួតគំរាមកំហែងអឺរ៉ុប
ដោយ ៖ ម៉ែវ សាធី ថ្ងៃទី 06 កក្កដា 2011ម៉ោង 08:11:06
គ្រោះរាំងស្ងួតកាន់តែធ្ងន់នៅអឺរ៉ុប ធ្វើឱ្យខាតបង់យ៉ាងធ្ងន់នូវសេដ្ឋកិច្ចដល់តំបន់ទាំងមូល ។ ក្រុមហ៊ុនធានារ៉ាប់រង Swissre និងមជ្ឈមណ្ឌលបច្ចេកវិទ្យាស្វីសបានលើកឡើងនូវរបាយការណ៍ស្ដីពីតួលេខពីការគិតគូរលើប្រាក់ធានារ៉ាប់រងពីផ្ទះសម្បែង និងដីធ្លីកាន់តែច្រើនឡើងពីមួយថ្ងៃទៅមួយថ្ងៃនៅអឺរ៉ុប ។ តាមការព្យាករណ៍ រយៈពេលប៉ុន្មានឆ្នាំខាងមុខទៀត កម្ដៅ ផែនដីនឹងកើន កម្រិតទឹកភ្លៀងថយចុះ បង្កការខូចខាតយ៉ាងដំណំនៅតំបន់អឺរ៉ុប ក្នុងអំឡុងឆ្នាំ២០២១-២០៤០មានរហូត ដល់៥០ភាគរយ ។
សារព័ត៌មានអាអេហ្វប៉េបានផ្សព្វ ផ្សាយថា រដូវក្ដៅអូសបន្លាយបង្កឱ្យដី ប្រេះក្រហែង បង្កផលប៉ះពាល់យ៉ាងខ្លាំង ដល់ផ្ទះសម្បែង ការដ្ឋានធំៗ អាចធ្វើឱ្យ ផ្ទះជាច្រើនបាក់ស្រុតបាន ។
តាមការស្រាវជ្រាវបានឱ្យដឹងថា គ្រាន់តែនៅប្រទេសបារាំង ការខាតបង់ សេដ្ឋកិច្ចដោយសារផ្ទៃដីកសិកម្មជួប គ្រោះរាំងស្ងួតមិនអាចដាំដំណាំបានមាន រហូត៥០ភាគរយចាប់តាំងពីទសវត្ស ១៩៩០ ខាតបង់ទឹកប្រាក់៤៩៤លានអឺរ៉ូ ជារៀងរាល់ឆ្នាំ ។
នៅដើមខែមិថុនាកន្លងមក ក្រសួង ព្យាករណ៍ឧតុនិយមប្រទេសជាច្រើនក្នុង សហគមន៍អឺរ៉ុបបានប្រកាសអាសន្នពី គ្រោះរាំងស្ងួតមិនធ្លាប់មានពីមុនមក ក្នុងប្រវត្ដិសាស្ដ្រ៥០ឆ្នាំ ។ ស្ថានភាពរាំង ស្ងួត ធ្វើឱ្យវារីអគ្គិសនីជាច្រើនត្រូវផ្អាក ដំណើរការ ចរាចរណ៍ផ្លូវទឹកកាត់ផ្ដាច់ ទិន្នផលកសិកម្មធ្លាក់យ៉ាងខ្លាំង ។
ឆេះព្រៃរាលដាលយ៉ាងខ្លាំងនៅរុស្ស៊ី ពាក់ព័ន្ធនឹងគ្រោះរាំងស្ងួតនោះផងដែរ តំបន់ជាយក្រុងមូស្គូ ប្រទេសរុស្ស៊ី មានភ្លើងឆេះព្រៃរាលដាលទ្រង់ទ្រាយធំ ចាប់ផ្ដើមឡើងតាំងពីថ្ងៃទី៤ កក្កដា ។
តាមការវាយតម្លៃ ផ្សែង ល្អងធូលី បណ្ដាលមកពីភ្លើងឆេះព្រៃនោះបានគំរាមកំហែងទីក្រុងមូស្គូរយៈពេលដ៏ខ្លីខាងមុខនេះ ។ ចំណែកនៅភាគខាងត្បូងប្រទេសរុស្ស៊ីវិញ មាន៧៨កន្លែងឆេះព្រៃ បំផ្លាញផ្ទៃដី១.៤៤៥៩ហិកតា ។
រុស្ស៊ីបានបញ្ជូនក្រុមពន្លត់អគ្គីភ័យ រាប់ពាន់នាក់និងឧបករណ៍ទំនើបៗដើម្បី ទប់ស្កាត់កុំឱ្យរាលដាលកាន់តែខ្លាំង ឡើងៗ ។ ចាប់តាំងពីរដូវក្ដៅឈានចូល មកដល់ រុស្ស៊ីមានភ្លើងឆេះព្រៃទាំងអស់ រហូតដល់២៧៨កន្លែងតូចធំ ៕
.jpg)
.jpg)
