Khmer
English
Chinese
Frence
Vietnamese
Thai
គ្រោះមហន្ដរាយជាច្រើននៅជុំវិញពិភពលោកកើតព្រមគ្នានៅថ្ងៃទី១១ កក្កដា
ដោយ ៖ ម៉ែវ សាធី ថ្ងៃទី 12 កក្កដា 2011ម៉ោង 07:44:24
ថ្ងៃទី១១ កក្កដា ពលរដ្ឋជាច្រើនចាត់ទុកថាជាថ្ងៃខ្មៅងងឹតបំផុតនៅលើពិភពលោកដោយសារមានគ្រោះមហន្ដរាយបង្កឡើងដោយមនុស្ស ធម្មជាតិជាច្រើន បានកើតឡើងសម្លាប់មនុស្សរាប់ពាន់នាក់ ។ គ្រោះមហន្ដរាយមានដូចជាលិចនាវាទេសចរណ៍ គ្រោះថ្នាក់យន្ដហោះ គ្រោះថ្នាក់រថយន្ដ ផ្ទុះឧស្ម័នហ្គាស ផ្ទុះគ្រាប់បែក ក្រឡាប់រថភ្លើង ឆេះស្ថានីយ ចម្រាញ់ប្រេង... ។
លិចនាវានិងគ្រោះថ្នាក់យន្ដហោះនៅ រុស្ស៊ី
កាលពីថ្ងៃទី១១ កក្កដា រុស្ស៊ីរងគ្រោះ ២ករណីផ្សេងគ្នា បណ្ដាលឱ្យមនុស្សរាប់ រយនាក់ស្លាប់និងរងរបួស ។ តាមក្រុម ហ៊ុនអាកាសចរណ៍របស់រុស្ស៊ីបានឱ្យដឹង នៅថ្ងៃទី១១ កក្កដាថា យ៉ាងហោចណាស់ ក៏មានមនុស្ស៥នាក់ស្លាប់ក្នុងគ្រោះថ្នាក់ យន្ដហោះដឹកអ្នកដំណើរប្រភេទ Antonov-24 ក្រោយពេលយន្ដហោះនោះ ខូចម៉ាស៊ីន ហើយចុះចតមិនបានសំរេច។ គណៈកម្មាធិការស្រាវជ្រាវបានឱ្យដឹងថា តាមការស្រាវជ្រាវពេលដំបូងមាន មនុស្ស៥នាក់ស្លាប់និង៤នាក់រងរបួសជា ទម្ងន់។ ក្រុមហ៊ុនអាកាសចរណ៍រុស្ស៊ីបាន បញ្ជាក់ថា នៅពេលដែលយន្ដហោះ ហោះហើរចេញពីតំបន់ថមទៅកាន់ សាយបូរី ដោយដឹកអ្នកដំណើរ៣២នាក់។ នៅពេលអាកាសយានិកប្រកាសថា ម៉ាស៊ីនយន្ដហោះបានឆាបឆេះ ក្រោយ មកយន្ដហោះក៏បានដាំក្បាលបុកចូល តំបន់ព្រៃសាយបូរី ។
ក្នុងថ្ងៃជាមួយគ្នានោះដែរ នាវាទេស ចរណ៍ប៊ុលហ្ការីដែលមាន២ជាន់របស់ រុស្ស៊ីបានលិចនៅដងទន្លេវ៉ុលហ្កា ។ តាម ព័ត៌មានចុងក្រោយ គេស្រង់បានសាក សពអ្នកដំណើរ១៣០នាក់ចេញពីនាវា ដែលលិចនោះ ហើយក្នុងនោះមានក្មេងៗ ៤០នាក់ផងដែរ ។ ក្រុមមុជទឹកបាន បញ្ជាក់ថា ពួកគេបានមើលឃើញសាក សពជាច្រើនជាប់នៅក្នុងនាវាក្រោម បាតទន្លេ ។ ក្នុងចំណោមអ្នកដំណើរ១៨៥ នាក់ មាន៨០នាក់ត្រូវគេជួយសង្គ្រោះ ទាន់ពេលវេលា ។
សារព័ត៌មានអេភីបានដកស្រង់សម្ដី អ្នកនាំពាក្យក្រសួងប្រកាសអាសន្នរុស្ស៊ី ឱ្យដឹងនៅថ្ងៃទី១២ កក្កដាថា ក្នុងចំណោម ៨០នាក់ដែលគេចផុតពីសេចក្ដីស្លាប់ ក្នុងនោះមាន៧៩នាក់បញ្ជូនទៅកាន់ទី ក្រុងកាសាន់ ។
គ្រោះថ្នាក់ដ៏រន្ធត់នោះ ធ្វើឱ្យប្រធានា ធិបតេយ្យរុស្ស៊ីបានចេញមុខប្រកាសឱ្យ ស៊ើបអង្កេតស្រាវជ្រាវពីមូលហេតុឱ្យ បានច្បាស់លាស់ ។ ប្រធានាធិបតីម៉េត វើឌីវក៏បានចូលរួមរំលែកទុក្ខដល់គ្រួសារ ជនរងគ្រោះផងដែរ ។
គួរបញ្ជាក់ផងដែរថា នាវាទេសចរណ៍ ខាងលើអនុញ្ញាតឱ្យដឹកអ្នកដំណើរតែ ១៤០នាក់ប៉ុណ្ណោះ ប៉ុន្ដែនាវាបានដឹក រហូតដល់១៨៥នាក់ ហើយព័ត៌មានខ្លះ ថា២០៨នាក់ គឺលើសពីចំណុះសុវត្ថិភាព ដែលបានកំណត់ទុក ។
រថយន្ដដឹកសិស្សធ្លាក់ប្រឡាយ ស្លាប់ ៤០នាក់នៅបង់ក្លាដេស
ប៉ូលិសបង់ក្លាដេសបានឱ្យដឹងកាលពី ថ្ងៃទី១១ កក្កដាថា រថយន្ដដឹកសិស្ស ដែលមានអាយុចាប់ពី៨-១២ឆ្នាំ ធ្វើ ដំណើរត្រឡប់ទៅកាន់សាលារៀនវិញ ក្រោយពេលបញ្ចប់ការប្រកួតបាល់ទាត់ ហើយក៏បានដាំក្បាលធ្លាក់ចូលក្នុង ប្រឡាយនៅទីក្រុងជីតាហ្កុង ចម្ងាយពី រដ្ឋធានីដាហាកា២១៦គីឡូម៉ែត្រនៅ ភាគខាងត្បូង ។ គ្រោះថ្នាក់នោះបណ្ដាល ឱ្យសិស្ស៤០នាក់នៅលើរថយន្ដស្លាប់ ទាំងអស់។ សារព័ត៌មានអាអេហ្វប៉េបាន ដកស្រង់សម្ដីមន្ដ្រីប៉ូលិសបង់ក្លាដេសឱ្យដឹងថា ចំនួនអ្នកស្លាប់អាចនឹងកើនជា បន្ដទៀត ដោយសារតែនៅមានសាក សពសិស្សជាច្រើនជាប់គាំងក្នុងរថយន្ដ ដែលបានលិចពេលដាំក្បាលចុះប្រឡាយ នោះ ។
ផ្ទុះឃ្លាំងអាវុធនៅសាយប្រ៊ឺស៖ នៅ ថ្ងៃទី១១ កក្កដា មានហេតុការណ៍ផ្ទុះ ឃ្លាំងអាវុធនៅទីតាំងទាហានជើងទឹក ប្រទេសសាយប្រ៊ឺសស្ថិតនៅភាគខាង ត្បូង បណ្ដាលឱ្យមនុស្ស១២នាក់ស្លាប់ និង៣០នាក់ផ្សេងទៀតរងរបួសជាទម្ងន់។ ហេតុការណ៍ផ្ទុះឃ្លាំងអាវុធកើតឡើងនៅ វេលាម៉ោង៦:០០នាទី(ម៉ោងក្នុងតំបន់) បណ្ដាលឱ្យរោងចក្រអគ្គិសនីនៅក្បែរ ទីតាំងយោធានោះខូចខាតជាដំណំ និង បណ្ដាលឱ្យដាច់ភ្លើងទូទាំងតំបន់ភាគ ខាងត្បូងប្រទេសសាយប្រ៊ឺស ។ តាម សាក្សីបានឱ្យដឹងថា រថយន្ដជាច្រើន រួម ទាំងផ្ទះសម្ដែងរងការខូចខាតយ៉ាងដំណំ ដោយសារតែហេតុការណ៍ផ្ទុះឃ្លាំង អាវុធនៅលើនាវាមួយដែលបំពាក់ទង់ ជាតិសាយប្រ៊ឺស ។
បណ្ដាញផ្សព្វផ្សាយព័ត៌មានសាយ ប្រ៊ឺសបានឱ្យដឹងថា នោះជាហេតុការណ៍ គ្រោះថ្នាក់ដ៏រន្ធត់មិនធ្លាប់កើតមាននៅ ប្រទេសសាយប្រ៊ឺសចាប់តាំងពីទទួល បានសន្ដិភាព ។
ផ្ទុះគ្រាប់បែកនៅប៉ាគីស្ថាន៖ សារព័ត៌មានអាអេហ្វប៉េបានដកស្រង់សម្ដី មន្ដ្រីជាន់ខ្ពស់ប៉ាគីស្ថានបានឱ្យដឹងនៅថ្ងៃ ទី១១ កក្កដាថា មានហេតុការណ៍វាយ ប្រហារគ្រាប់បែកចូលក្នុងពិធីមិទ្ទីងនៅ ស្រុកបាក្រាន សម្លាប់មនុស្ស៥នាក់និង ២០នាក់ផ្សេងទៀតរងរបួសជាទម្ងន់ ។ ហេតុការណ៍នេះកើតឡើងមុនពេលរដ្ឋ មន្ដ្រីអាមឺ មូកាន មកពីគណបក្ស សម្ពនមិត្ដអ៊ិស្លាមប៉ាគីស្ថាន(MLQ) ចូលរួមក្នុងពិធីមិទ្ទីងនោះ ។
រថភ្លើងធ្លាក់កង់ចេញពីផ្លូវនៅឥណ្ឌា
នៅក្នុងប្រទេសឥណ្ឌា មានហេតុការណ៍គ្រោះថ្នាក់រថភ្លើងពីរផ្សេងគ្នាក្នុង ថ្ងៃតែមួយ បណ្ដាលឱ្យមនុស្សស្លាប់និង របួសជាង៣០០នាក់ ។ គ្រោះថ្នាក់រថ- ភ្លើងទី១បានកើតឡើងស្ថិតនៅភាគខាង ជើងរដ្ឋអូត្រាប៉ាដេស ក្នុងពេលដែលរថ ភ្លើងដឹកអ្នកដំណើរធ្លាក់កង់ចេញពីផ្លូវ ក្នុងពេលដែលកំពុងបើកបរក្នុងល្បឿន ១០៨គីឡូម៉ែត្រក្នុងមួយម៉ោង ។ នៅ កន្លែងកើតហេតុ គេឃើញទូររថភ្លើង គរលើគ្នាជាច្រើនកំណាត់ ។
លោកចូស៊ី មន្ដ្រីមន្ទីរសុខាភិបាល ស្រុកផាតេពួ ដែលនៅក្បែរកន្លែងកើត ហេតុបានឱ្យដឹងថា មានជនរងគ្រោះជា ច្រើនកំពុងជាប់គាំងនៅក្នុងទូររថភ្លើង ដែលដេករដូករណែលនៅទីនោះ ។ ក្នុង ពេលនោះ បណ្ដាញផ្សព្វផ្សាយPress Trustរបស់ឥណ្ឌាក៏បានបញ្ជាក់ថា អ្នក បើកបររថភ្លើងក៏កំពុងស្ថិតក្នុងសភាព ធ្ងន់ក្នុងចំណោមអ្នករងរបួស ហើយនៅ លើរថភ្លើងនោះមានអ្នកដំណើររហូត ដល់១.០០០នាក់ដែលបើកបរក្នុង ល្បឿន១០៨គីឡូម៉ែត្រក្នុងមួយម៉ោង ពេលដែលជួបគ្រោះថ្នាក់ ។ រថភ្លើង ដែលជួបគ្រោះថ្នាក់បានធ្វើដំណើរឆ្ពោះ ទៅកាន់ស្ថានីយហូរ៉ានៅភាគខាងត្បូង កូលតារ៉ា ទីក្រុងញូដេលី ។
មិនយូរប៉ុន្មានក្រោយពេលគ្រោះថ្នាក់ រថភ្លើងនេះ ក៏មានគ្រោះថ្នាក់រថភ្លើង មួយផ្សេងទៀតកើតឡើងនៅរដ្ឋអាសាម បណ្ដាលឱ្យមនុស្សប្រមាណ១០០នាក់រង របួស ក្នុងនោះមាន២០នាក់ស្ថិតក្នុង សភាពធ្ងន់ ។ ក្រុមជួយសង្គ្រោះក៏បាន ទៅដល់កន្លែងកើតហេតុជួយរំដោះអ្នក ដំណើរដែលជាប់គាំងនៅក្នុងរថភ្លើង ។
ហេតុការណ៍គ្រោះថ្នាក់រថភ្លើងពីរ ខាងលើកើតឡើងក្រោយរយៈពេលតែបី ថ្ងៃប៉ុណ្ណោះ ពេលដែលរថភ្លើងល្បឿន លឿនបុករថយន្ដក្រុង សម្លាប់មនុស្ស ៣៨នាក់នៅរដ្ឋអូតាប្រាដេស ។
ប្រព័ន្ធចរាចរណ៍ផ្លូវដែករបស់ឥណ្ឌា គឺជាជម្រើសមួយដ៏ល្អសម្រាប់ការធ្វើ ដំណើរផ្លូវឆ្ងាយរបស់ប្រទេសដែលមាន ពលរដ្ឋច្រើនជាងគេទី២នៅលើពិភព លោកនេះ ដោយសារមានតម្លៃទាប ។ បណ្ដារថភ្លើងនៅឥណ្ឌាដឹកអ្នកដំណើរ ប្រមាណ១៨,៥លាននាក់ក្នុងមួយថ្ងៃៗ ។ វិស័យអាយស្ម័យាននៅឥណ្ឌាក៏មាន ពលករច្រើនជាងគេបំផុតដោយមាន រហូតដល់១,៤លាននាក់ ហើយរថភ្លើង ចេញចូលប្រមាណ១១ពាន់ជើងក្នុងមួយ ថ្ងៃ ។
ឆេះរោងចក្រចម្រាញ់ប្រេងដ៏ធំនៅ ចិន
គ្រោះអគ្គីភ័យកើតឡើងនៅរោង ចក្រចម្រាញ់ប្រេងរបស់ក្រុមហ៊ុនប្រេង កាតជាតិចិន(CNOOC)នៅតំបន់ សមុទ្រខេត្ដក្វាងទុងកាលពីថ្ងៃទី១១ កក្កដា ។
អ្នកនាំពាក្យស៊ីCNOOCបានឱ្យដឹង ថា គ្រោះអគ្គីភ័យកើតឡើងនៅវេលា ម៉ោង៤:១០នាទីថ្ងៃទី១១ កក្កដា ដោយ សារតែប្រេងបានលេចហៀរចេញពី កន្លែងស្ដុកមួយក្នុងរោងចក្រ ។ គ្រោះ អគ្គីភ័យបានធ្វើឱ្យរោងចក្រទាំងមូល ផ្អាកដំណើរការ និងធ្វើឱ្យពលរដ្ឋនៅក្បែរ នោះជាច្រើនត្រូវជម្លៀសខ្លួនជាបន្ទាន់ ។ រថយន្ដពន្លត់អគ្គីភ័យជាង៤០គ្រឿងក៏ បានធ្វើសកម្មភាពយ៉ាងមមាញឹករយៈ ពេល៣ម៉ោងទើបអាចគ្រប់គ្រងស្ថាន- ភាពបាន ។ មកទល់ពេលនេះមិនទាន់ មានរបាយការណ៍ច្បាស់លាស់ណាមួយ ស្ដីពីអ្នកស្លាប់និងរងរបួសស្ដីពីការខូច ខាតនៅឡើយ ៕
.jpg)
