គូ​ដណ្ដឹង​នាង​ ​Selina​ ​Jen​បដិសេធ​ថា​លោក​មិន​បាន​រិះ​គន់​ពិធី​ករ​ ​Harlem​ ​Yu​

ដោយ​ ៖ ភារៈ ថ្ងៃទី 13 កក្កដា 2011ម៉ោង 06:28:04

គូ​ដណ្ដឹង​របស់​តារា​ចម្រៀង​ល្បី​ ​ល្បាញ​របស់​តៃ​វ៉ា​ន់​នាង​ ​Selina​ ​Jen​ ​ថ្មី​ៗ នេះ​បាន​បដិសេធ​នឹង​ការ​អះអាង​ថា​ ​លោក​បាន​រិះ​គន់​ដល់​ពិធី​ករ​កម្ម​វិធី​ ​ក​ម្សា​ន្ដ​ទូរទស្សន៍​មួយ​​។

ថ្មី​ៗនេះ កំ​ឡោះ​ស​ង្ហា​សម្បូរ​ស្នេហ៍​​លោក​ ​Richard​ ​Chang​ ​ដែល​ជា​គូ​ដណ្ដឹង​ ​របស់​សមាជិក​ក្រុម​ ​S​.H​.E​ ​នាង​ ​Selina​ ​Jen​ បាន​បក​ស្រាយ​នឹង​ពាក្យ​ច​ចាម​អា​រ៉ា​ម​ខាង​លើ​ថា​ ​“គ្រប់​យ៉ាង​គឺ​ជា​ការ​យល់​ច្រឡំ​តែ​ប៉ុណ្ណោះ​” ។

លោក​Richard​បាន​សរ​សេរ​សៀវ​ ​ភៅ​មួយ​ក្បាល​ដែល​មាន​ចំណង​ជើង​ថា​ ​“Selina’s​ ​90 Days​ ​in​ ​Hell​” ក្រោយ​ពេល​គូ​ដណ្ដឹង​សំណព្វ​ចិ​ត្ដ​របស់​លោក​រង​របួស​ជា​ទម្ងន់​ ​និង​ភ័យ​ខ្លាច​តក់ស្លុត​ ​យ៉ាង​ខ្លាំង​ចំពោះ​គ្រោះ​ថ្នាក់​មួយ​ដែល​ ​បាន​កើត​ឡើង​ក្នុង​ពេល​នាង​កំពុង​ថត​កុន​ ​កាល​ពី​ខែ​តុលា​ឆ្នាំទៅ​ ​។

បណ្ដាញ​ផ្សព្វផ្សាយ​របស់​តៃ​វ៉ា​ន់​បាន​ឱ្យ​ដឹង​ថា​ ​មេធាវី​រូប​ស​ង្ហា​ជា​គូ​ដណ្ដឹង​ ​របស់​នាង​Selina​ ​រូប​នេះ​បាន​និយាយ​ ​បញ្ឆិត​បញ្ឆៀង​ដល់​ពិធី​ករ​ទូរទស្សន៍​ ​គឺ​ ​លោក​ ​Harlem​ ​Yu​ ​ថា​ ​“គ្មាន​សតិ​ស​ម្ប​ជ​ញ្ជៈ​ធ្វើ​រឿង​ត្រឹម​ត្រូវ​ឡើយ​”នៅ​ក្នុង​ ​សៀវភៅ​ដែល​លោក​និ​ពន្ធ​ឡើ​ង​។​ ​ពិធី​ ​ករ​ជើង​ចាស់​​លោក​ ​Harlem​ ​Yu​បាន​ ​ចាប់​ដៃ​គូ​ជាមួយ​នាង​ Selina​ ​Jen​ ក្នុង​កម្ម​វិធី​ ​Guess​ ​Guess​ ​Guess​ ​មុន​ពេល​នាង​ជួប​គ្រោះ​ថ្នាក់​។

យោង​ប្រភព​ដដែល​បញ្ជាក់​ទៀត​ថា​ ​ ​លោក​Richard​បាន​សរ​សេរ​នៅ​ក្នុង​ ​សៀវភៅ​នោះ​ទៀត​ថា​ ​ក្រោយ​ពេល​ ​Selina​ ​ជួប​គ្រោះ​ថ្នាក់​លោក​ ​Harlem​ ​បាន​ចូល​ថត​ឱ្យ​ទូរទស្សន៍​ ​Hunan​ ​ហើយ​ចេញ​មុខ​ប្រកាស​ថា​ ​លោក​មិន​គាំ​ទ្រ​ដល់​នាង​ ​Selina​ ​ទេ​ ​។

លោក​ ​Richard​ ​បាន​សារភាព​ថា​ ​លោក​មាន​អារម្មណ៍​ចម្លែក​ណាស់​នៅ​ពេល​លោក​ ​Harlem​ ​ទទួល​យក​ការងារ​ ​នៅ​ទូរទស្សន៍​ ​Hunan​ ​។ Selina​ ​ជួប​គ្រោះ​ ​ថ្នាក់​ពេល​កំពុង​ថត​ខ្សែ​ភាព​យ​ន្ដ​មួយ​ ​មាន​ចំណង​ជើង​ថា​ ​“I​ ​Have​ ​a​ ​Date​ ​with​ ​Spring​” ដែល​ផ​លិ​ត​ដោយ​​ទូរទស្សន៍​Hunan​ ​។

ទោះបី​យ៉ាង​ណា​លោក​ ​Richard​ ​បាន​បញ្ជាក់​ថា​ ​រឿងរ៉ាវ​ទាំង​ពីរ​នេះ​មិន​ពាក់​ព័ន្ធ​នឹង​គ្នា​ទេ​៕