ក្ដៅ​ខ្លាំង​ជា​ប្រវត្ដិ​សា​ស្ដ្រ​នៅ​អា​មេ​រិ​ក​​ស្លាប់​១៣នាក់​

ដោយ​ ៖ ម៉ែវ សាធី ថ្ងៃទី 20 កក្កដា 2011ម៉ោង 08:02:56

រលក​កម្ដៅ​យ៉ាង​ខ្លាំង​គ្រប​ដណ្ដប់​ទៅ​​លើ​រដ្ឋ​ជា​ច្រើន​ស្ថិត​នៅ​ភាគ​កណ្ដាល​សហ​រដ្ឋ​អា​មេ​រិ​កា ​បាន​សម្លាប់​មនុស្ស​១៣នាក់​ទៅ​ហើយ​ ​។ ក្រសួង​ព្យាករណ៍​ឧតុ​និយម​ជាតិ​របស់​អា​មេ​រិ​ក​ បាន​ប្រកាស​អាសន្ន​នូវ​កម្ដៅ​ក្ដៅ​ខ្លាំង​កើន​ឡើង​ជា​ប្រវត្ដិ​សា​ស្ដ្រ​នៅ​​រដ្ឋ​ចំនួន​១៨ ចាប់​តាំង​ពី​រដ្ឋ​ម៉ុ​ន​តា​ណា​ ​រហូត​ដល់​តិច​សា​ស់​ ​និង​ភាគ​ខាង​លិច​ ​វើ​ជឺ​នៀ​ ​ជាមួយ​នឹង​រលក​កម្ដៅ​កន្លែង​ខ្លះ​កើន​រហូត​៣៨អង្សា​សេ​ ​។

ព័ត៌មាន​ប៊ី​ប៊ី​ស៊ី​បាន​ឱ្យ​ដឹង​ថា​ ​រ​ដូ​វ​ ​ក្ដៅ​លើក​នេះ​អាច​នឹង​រាល​ដាល​ ​ហើយ​ ​អូស​បន្លាយ​រ​យៈ​ពេល​យូរ​ខាង​មុខ​ទៀត​ ​។ តាម​អ្នក​ឯក​ទេស​ព្យាករណ៍​អាកាស​ធាតុ​ ​កម្ដៅ​ក្ដៅ​ខ្លាំង​លើក​នេះ​នឹង​ប​ន្ដរ​ហូត​ដល់​ ​ចុង​ខែ​ក​ក្ក​ដា​ ​។

សារ​ព័ត៌មាន​អា​អេ​ហ្វ​ប៉េ​ដក​ស្រង់​ ​សម្ដី​អ្នក​នាំ​ពាក្យ​របស់​ក្រសួង​ព្យាករណ៍​ ​អាកាស​ធាតុ​អា​មេ​រិ​ក​បាន​ឱ្យ​ដឹង​ថា​ ​មាន​ឯ​គ​ត​ទ​កម្ម​ជាង​១ពាន់​នៅ​ក្នុង​ ​ប្រទេស​នេះ​ត្រូវ​បំបែក​ដោយ​រលក​កម្ដៅ​ ​ក្នុង​ខែ​ក​ក្ក​ដា​នេះ​ ​។

មធ្យម​ក្នុង​មួយ​ឆ្នាំ​ៗរ​ដូ​វ​ក្ដៅ​ខ្លាំង​នៅ​អា​មេ​រិ​ក​បាន​សម្លាប់​មនុស្ស​១៦២នាក់​នៅ​ទូ​ទាំង​ប្រទេស​ ​ ៕