Khmer
English
Chinese
Frence
Vietnamese
Thai
ប្រជាជនរស់នៅរាជធានីភ្នំពេញនិងអាជ្ញាធរដែនដីត្រូវរួមគ្នាលើកកម្ពស់អនាម័យបរិស្ថាន
ដោយ ៖ សំរិត ថ្ងៃទី 26 កក្កដា 2011ម៉ោង 17:42:29
ភ្នំពេញ ៖ លោកស្រី ទូចសារ៉ុម អភិបាលរងរាជធានីភ្នំពេញបានថ្លែងថាប្រជាជនរស់នៅរាជធានីភ្នំពេញនិងអាជ្ញាធរដែនដីគ្រប់លំដាប់ដ្នាក់ ត្រូវរួមគ្នាលើកកម្ពស់អនាម័យចំណីអាហារ និងអនាម័យបរិស្ថាននៅគ្រប់ទីកន្លែងរួមមានអាហារដ្ឋានសិប្បកម្ម ។ល។ ដែលអាចចូលរួមចំណែកកាត់បន្ថយអត្រាឈឺដែលបណ្ដាលមកពីការបរិភោគអាហារមិនស្អាតនិងចូលរួមចំណែកទាក់ទាញភ្ញៀវទេស ចរឱ្យមកទស្សនារាជធានីភ្នំពេញកាន់តែច្រើន ។
លោកស្រី អភិបាលរងបានថ្លែងយ៉ាង ដូច្នេះនៅក្នុងពិធីបើកសិក្ខាសាលាប្រកាសឱ្យប្រើប្រាស់បញ្ជីផ្ទៀងផ្ទាត់ការអនុវត្ដសុខុ មាលភាពទីកន្លែង និងផ្សព្វផ្សាយសៀវ ភៅសុខុមាលភាពរាជធានីភ្នំពេញ ដែល រៀបចំឡើងនៅសាលារាជធានីភ្នំពេញ នាព្រឹកថ្ងៃទី ២៦ កក្កដា ឆ្នាំ២០១១ ដោយ មានការអញ្ជើញចូលរួមពីបណ្ដាមន្ទីរ ការិយាល័យពាក់ព័ន្ធទាំងអស់នៅរាជធានី ភ្នំពេញ ។
លោកស្រី ទូច សារ៉ុម បានបញ្ជាក់ ថា ស្របតាមគោលនយោបាយរបស់រាជ រដ្ឋាភិបាលដែលមានសម្ដេចអគ្គមហា សេនាបតីតេជោ ហ៊ុន សែន ជាប្រមុខ ដឹកនាំ សាលារាជធានីភ្នំពេញបានខិតខំ លើកកម្ពស់សុខភាពជូនប្រជាពលរដ្ឋ តាមរយៈការពង្រឹងសេវាសុខាភិបាល មានគុណភាព ការផ្គត់ផ្គង់ទឹកស្អាត ការ កែលំអអនាម័យបរិស្ថាន ការលើកកម្ពស់ អនាម័យចំណីអាហារ ការកែលំអហេដ្ឋា រចនាសម្ព័ន្ធផ្លូវថ្នល់ ការលើកកម្ពស់ ការដឹកជញ្ជូនក្នុងរាជធានីភ្នំពេញ ប្រកប ដោយសុខុមាលភាព និរន្ដរភាពបរិស្ថាន ការទប់ស្កាត់សំណង់បណ្ដោះអាសន្ន ការ បំបាត់ការជួញដូរ និងប្រើប្រាស់ថ្នាំញៀន ការទប់ស្កាត់នឹងអំពើហិង្សាជាដើម ។
លោកស្រីអភិបាលរង បញ្ជាក់បន្ថែម ថា ការចូលរួមរបស់វិស័យឯកជនក្នុង ការអភិវឌ្ឍរាជធានីភ្នំពេញ ជាកត្ដាចាំ បាច់ផងដែរ ក្នុងការចូលរួមចំណែកកែលំអអនាម័យបរិស្ថាន និងអនាម័យចំណី អាហារនៅរាជធានីភ្នំពេញ ។ ព្រមជាមួយនោះ សមាគមមាតាបិតាសិស្ស គួរចូលរួមចំណែកលើកកម្ពស់អនាម័យនៅតាមសាលារៀនតាមរយៈវប្បធម៌ នៃការចែករំលែកអ្នកមានលទ្ធភាពជួយ អ្នកក្រខ្សត់ ។ សង្ឃឹមថា ពីរទៅបីឆ្នាំខាង មុខសាលារាជធានីភ្នំពេញនឹងឃើញ សង្កាត់គំរូមួយចំនួនក្នុងខណ្ឌទាំង៤ក្នុង រាជធានីភ្នំពេញមានចិញ្ចើមថ្នល់រាបស្មើទុកសម្រាប់អ្នកជិះម៉ូតូ កង់និងអ្នកថ្មើរជើងប្រើប្រាស់ ។ ដូច្នេះក្រុមប្រឹក្សាសង្កាត់ទាំងអស់ត្រូវបំផុសប្រជាជនឱ្យប្រើប្រាស់ទោចក្រយានសម្រាប់ធ្វើដំណើរក្នុងរយៈចម្ងាយជិតៗហើយក៏ត្រូវអប់រំប្រជា ជនឱ្យជួយថែទាំដើមឈើដែលដាំនៅមុខ ផ្ទះរបស់ខ្លួននិងនៅតាមដងផ្លូវឱ្យបានល្អ ។
តាមប្រសាសន៍របស់លោកវេជ្ជបណ្ឌិត សុខ សុគន្ធ ប្រធានមន្ទីរសុខាភិបាលរាជ ធានីភ្នំពេញបានឱ្យដឹងថានៅរាជធានីភ្នំ ពេញបានចាប់ផ្ដើមអនុវត្ដកម្មវិធីសុខុ មាលភាពរាជធានីតាំងពីឆ្នាំ១៩៩៧មកម្ល៉េះដោយពេលនោះបានរៀបចំបង្កើតសុខុមាលភាពទីកន្លែងចំនួន៣ គឺសុខុមាល ភាពសាលារៀន បាក់ទូកសុខុមាលភាព ផ្សារអូរឫស្សី និងសុខុមាលភាពមន្ទីរ ពេទ្យរាជធានីភ្នំពេញ ។ បន្ទាប់មកបាន បន្ថែមការងារសុវត្ថិភាពចរាចរនៅឆ្នាំ ២០០៥ការគ្រប់គ្រងសំណល់វេជ្ជសាស្ដ្រនៅឆ្នាំ២០០៨ និងការដឹកជញ្ជូនក្នុងទីក្រុងប្រកបដោយសុខុមាលភាព និរន្ដរភាព បរិស្ថាននៅឆ្នាំ២០០៩ ។ ក្រោយមក ទៀតសាលារាជធានីបានរៀបចំផែនការយុទ្ធសាស្ដ្រសុខុមាលភាពរាជធានី២០១០- ២០១៤ និងប្រកាសដាក់ឱ្យប្រើប្រាស់ នៅខែឧសភា ឆ្នាំ២០១០ ៕
.jpg)
