នាង​ ​Janice​ ​Man​ ​រវល់​ការងារ​រហូត​គ្មាន​ពេល​ជួប​មិ​ត្ដ​ប្រុស​

ដោយ​ ៖ ភារៈ ថ្ងៃទី 28 កក្កដា 2011ម៉ោង 06:32:52

កាល​ពី​ប៉ុន្មាន​ថ្ងៃ​មុន​នេះ​ ​តារា​ភាព​យ​ន្ដ​ល្បី​ល្បាញ​របស់​ហុង​កុង​ដូច​ជា​ ​Julian​ ​Cheung​, Chi​ ​Lam​ ​និង​នាង​ ​Janice​ ​Man​ ​បាន​ចូល​រួម​ក្នុង​ពិធី​បង្ហាញ​​ម៉ូ​ដ​ស​ម្លៀ​ក​បំ​ពាក់​មួយ​ ​។ បន្ទាប់​ពី​ពិធី​​បង្ហាញ​ម៉ូ​ដ​នោះ​ ​នាង ​Janice​ ​Man ​នឹង​​ចូល​រួម​សម្ដែង​ក្នុង​ខ្សែ​ភាព​យ​ន្ដ​ថ្មី​មួយ​​ទៀត​ដែល​មាន​ចំណង​ជើង​ថា​ ​“NIGHTFALL​” ។ នៅ​ក្នុង​ខ្សែ​ភាព​យ​ន្ដ​ថ្មី​នោះ​ ​នាង​Janice​ ​Man​ត្រូវ​សម្ដែង​ជា​នារី​ម្នាក់​ ​ដែល​មាន​ចរិត​ស្រគត់ស្រគំ​មាន​ទុក្ខ​​ក្រៀម​ក្រំ​​។ ដោយសារ​តែ​តួ​អង្គ​ក្នុង​រឿង​ ​ថ្មី​នេះ​ ​នាង​ត្រូវ​សម្ងំ​តែ​នៅ​ក្នុង​ផ្ទះ​ដើម្បី​ ​ស្ដាប់​បទ​ចម្រៀង​ ​អាន​ប៉ា​រ៉ូ​ល​រឿង​ ​និង​ហ្វឹក​ហាត់​ការ​លេង​ព្យ៉ា​ណូ​បន្ថែម​ឱ្យ​កាន់​តែ​ស្ទាត់​ជំនាញ​។

ប្រភព​ព័ត៌មាន​បាន​ឱ្យ​ដឹង​ថា​ ​ក្រៅ​ពី​ជំនួយ​ការ​របស់​ក្រុម​ហ៊ុន​ផ​លិ​ត​ខ្សែ​ភាព​យ​ន្ដ​នោះ​ ​នាង​មិន​ព្រម​ជួប​មុខ​នរណា​ទាំង​អស់​ ​។ នៅ​ពេល​ដែល​អ្នក​យក​ព័​ត៌​មាន​សួរ​ថា​ ​តើ​នាង​មាន​ការ​បារម្ភ​ឬទេ​ ​ចំពោះ​អ​ត្ដ​ចរិត​នៃ​តួ​ដែល​នាង​ត្រូវ​សម្ដែង​ក្នុង​ខ្សែ​រឿង​ថ្មី​នេះ​ ​ហើយ​តើ​នាង​​អាច​នឹង​បោះបង់​ចោល​វា​ដែរ​ឬទេ​? នាង​បាន​ឆ្លើយ​ថា​ ​នាង​ចង់​ព្យាយាម​វិភាគ​អំពី​ ​តួ​អង្គ​នោះ​ដោយ​ខ្លួន​នាង​ផ្ទាល់​ ​គឺ​នឹង​​វិភាគ​ឱ្យ​បាន​ច្រើន​បំផុត​តាម​ដែល​នាង​ ​អាច​ធ្វើ​ទៅ​បាន​ដើម្បី​ឱ្យ​ថ្នឹក​នឹង​តួ​អង្គ​​នោះ​។

តារា​ភាព​យ​ន្ដ​ល្បី​ល្បាញ​សម្រស់​​សោភា ​Janice​ ​Man​ បាន​ឱ្យ​ដឹង​ទៀត​ថា​ ​នាង​ចង់​មាន​ពេល​សម្រាក​ក្រោយ​ពេល​ ​បញ្ចប់​ឈុត​នីមួយៗ​នៃ​ខ្សែ​ភាព​យ​ន្ដ​​នោះ​។​ ​មុន​នេះ​មិន​យូរ​ប៉ុន្មាន​មាន​ពាក្យ​ ​ចចាមអារ៉ាម​ថា​ទំនាក់​ទំនង​ស្នេហា​រវាង​នាង​និង​មិ​ត្ដ​ប្រុស​កំពុង​ឈាន​ដល់​ដំណាក់​កាល​ប្រេះ​ឆា​។ នាង​បាន​និយាយ​ ​អំពី​ការងារ​ប​ន្ដ​ដោយ​ព្យាយាម​គេចវេះ​​ពី​ការ​ឆ្លើយ​តប​នឹង​អ្នក​យក​ព័ត៌មាន​អំពី​​រឿងរ៉ាវ​ស្នេហា​របស់​នាង​ថា​ ​“អត់​ទេ​ ​ពេល​នេះ​ខ្ញុំ​មិន​ចង់​ជួប​នរណា​ទាំង​អស់​”។ នៅ​ពេល​សួរ​ថា​ ​តើ​ស្នេហា​របស់​នាង​បាន​បែក​បាក់​ហើយ​មែន​ទេ​? នាង​បាន​​ឆ្លើយ​ថា​ ​“ពេល​នេះ​ ​ខ្ញុំ​ពិត​ជា​មិន​អាច​ទាន់​ជួប​នរណា​ម្នាក់​បាន​នៅ​ឡើយ​ទេ​​។ ខ្ញុំ​ត្រូវ​តែ​ព្យាយាម​ថត​ឱ្យ​ចប់​ខ្សែ​ភាព​យ​ន្ដ​ថ្មី​នេះ​សិន​ ​ហើយ​ខ្ញុំ​សង្ឃឹម​ថា​គាត់​ ​(មិ​ត្ដ​ប្រុស​) នឹង​យល់​អំពី​ការងារ​របស់​ខ្ញុំ​”៕