លក់ដីមួយដុំ (កំណាបព្យ)

ដោយ​ ៖ រនោច​ ថ្ងៃទី 30 កញ្ញា 2010ម៉ោង 10:32:32

លក់ដីមួយដុំ         មិត្ដភក្ដិមកផ្ដុំ         បបួលស៊ីផឹក 

នាំគ្នាចូលបារ       ពីយប់ទល់ព្រឹក    អាហារលែងនឹក

                                គិតតែផឹកស្រា ។

ចននីវរ័ឃ័រ            ស្រាបៀរថៃហ្គ័រ    អាន់ឆ័រស្ដេឡា

អង្គរដបធំ              មិនផឹកទេណា     ផឹកតែពួកស្រា

                            សូដាហិនណឺស៊ី ។

មួយយប់បួនដប  ស្រវឹងមាត់ម្ហប     ទាររកនារី

ខារ៉ាអូខេ               នាងដប់ប្រាំពីរ     ឱ្យនាងជួយស៊ី

                                រួចឱ្យលុយថែម ។

ផឹកទៅអូនស្រី     កុំខ្លាចចិត្ដអី          កំម៉ង់គ្រឿងក្លែម

ឡុកឡាក់សាច់គោ             ក្ដាមស្ងោរបង្អែម  អស់អីហៅថែម

                                បងអ្នកចេញលុយ ។

ឥឡូវអនិច្ចា          ឆ្នាំថ្មីនេះណា        សេដ្ឋកិច្ចពុកផុយ                                 

ដីលែងត្រូវប៉ាន់    អស់ស្រែអស់លុយ             ដេកធ្វើមុខស្អុយ

                                មិត្ដភក្ដិលែងជិត ។

ទៅក្បែរពួកនាង  គេទះកុំភ្លៀង        ដៀលឱ្យស្គាល់ចិត្ដ   

ថាចាស់កំព្រើល  ផឹកស៊ីមិនគិត       ពេលហោប៉ៅស្វិត 

                                មកជិតធើអី ។