Khmer
English
Chinese
Frence
Vietnamese
Thai
នាង Nhadia Chan ទទួលស្គាល់ថាបានរៀបការរួចហើយ
ដោយ ៖ ភារៈ ថ្ងៃទី 29 កក្កដា 2011ម៉ោង 06:30:59
នៅពេលតារាភាពយន្ដល្បីល្បាញនាង Nhadia Chan ចាកចេញពីស្រុកកំណើតទៅរស់នៅបរទេសនៅក្នុងឆ្នាំ ២០០៧ នាងបានចាប់ផ្ដើមមានទំនាក់ទំនងស្នេហាជាមួយលោក Zhang Duo ដែលមានវ័យតិចជាងនាង៨ឆ្នាំ។
នៅពេលនាងនិងមិត្ដប្រុសកំពុងមានទំនាក់ទំនងស្នេហាផ្អែមល្ហែមជាមួយគ្នានោះ មានព័ត៌មានខ្លះចុះផ្សាយថាពួកគេ មានបញ្ហាជាមួយគ្នា ហើយនាង Nhadia Chan បានរត់ចេញពីផ្ទះប៉ុន្ដែក្រោយមកពួកគេបានត្រូវរ៉ូវគ្នាវិញ។ កាលពីឆ្នាំ ២០០៨ មានពាក្យចចាមអារ៉ាមថា នាងនិងមិត្ដប្រុសបានរៀបអាពាហ៍ ពិពាហ៍នៅប្រទេសអេស្ប៉ាញហើយនៅថ្ងៃចូលឆ្នាំចិននាងបានធ្វើដំណើរទៅលេងគ្រួសារខាងស្វាមីនៅ Harbin ដើម្បីជួបឪពុកម្ដាយក្មេង។
បណ្ដាញផ្សព្វផ្សាយក្នុងស្រុកបានឱ្យដឹងថា ថ្មីៗនេះស្រាប់តែគេឃើញនាង Nhadia Chan និងស្វាមីចូលរួមក្នុងកម្មវិធីមួយនាទីក្រុងហុងកុង។ នៅក្នុងបទសម្ភាសន៍មួយជាមួយអ្នកយកព័ត៌មានតារាភាពយន្ដល្បីល្បាញរបស់ចិនរូបនេះបានសារភាពថានាងពិតជាបានរៀបការជាមួយមិត្ដប្រុសមែន។ នាងបានបញ្ជាក់ថា “ថ្ងៃនេះនាងខ្ញុំនិងស្វាមីបានទៅចូលរួមនៅក្នុងកម្មវិធីតាំងពិព័រណ៍ពាណិជ្ជកម្មសៀវភៅល្បីៗ។ យើងទាំងពីរនាក់បានរៀបការរួចហើយៗបានរួម រស់ជាមួយគ្នាយ៉ាងមានសុភមង្គលទៀតផង។ ស្វាមីរបស់នាងខ្ញុំជាបុរសល្អសុភាពរាបសាម្នាក់ហើយពេលនេះខ្ញុំពិតជាមានសុភមង្គលខ្លាំងណាស់ពេលបានរស់នៅក្បែរគាត់។ នាងខ្ញុំពិតជាពេញចិត្ដចំពោះជីវិតគ្រួសារដូចសព្វថ្ងៃនេះខ្លាំងណាស់”។
នៅពេលសួរថា តើនាងបានរៀបការតាំងពីពេលណា, នាងNhadia Chanបានឆ្លើយថា “ពួកយើងទើបតែរៀបការមិនយូរប៉ុន្មាននោះទេ។ យើងបានចុះអេតាស៊ីវិលជាមួយគ្នានៅបរទេស ប៉ុន្ដែយើងនៅមិនទាន់រៀបចំពិធីជប់លៀងនៅឡើយទេ ប៉ុន្ដែពួកយើងនឹងរៀបចំពិធីជប់លៀងអាពាហ៍ពិពាហ៍នៅទីក្រុងហុងកុងប្រសិនបើមានឱកាសល្អ។ នៅពេលសួរថា តើនាងនិងស្វាមីមានគម្រោងយកកូនពេលណា, នាងឆ្លើយថា “អត់ទាន់មានគម្រោងទេ” ៕
.jpg)
