Khmer
English
Chinese
Frence
Vietnamese
Thaiផលិតកម្ម YG Entertainment នឹងបង្កើតក្រុមថ្មីស្រដៀង SNSD
ដោយ ៖ ភារៈ|ថ្ងៃទី 29 កក្កដា 2011 ម៉ោង 06:40:50
ថ្មីៗនេះ ផលិតកម្ម YG Entertainment បានប្រកាសថា ដើម្បីទទួលបានការចាប់អារម្មណ៍កាន់តែខ្លាំងពីទស្សនិកជនខាងផលិតកម្មថ្មីៗនេះកំពុងមមាញឹកនឹងការបង្កើតក្រុមចម្រៀងយុវវ័យថ្មី ដែលមានសមាជិកសុទ្ធតែនារីវ័យក្មេងមានសម្រស់ស្រស់ស្អាតពោរពេញដោយមន្ដស្នេហ៍និងទេពកោសល្យសម្ដែងខ្ពស់។ ក្រុមថ្មីនេះខាងផលិតកម្ម YG Entertainment នឹងរៀបចំឱ្យមានលក្ខណៈស្រដៀងទៅនឹងក្រុមSNSD ។
នៅក្នុងបទសម្ភាសន៍មួយជាមួយអ្នកយកព័ត៌មានលោក Yang Hyun Suk បានបញ្ជាក់ថា “យើងមានគម្រោងបង្កើតក្រុមចម្រៀងយុវវ័យថ្មីមួយនៅមុនពេលចុងឆ្នាំក្រោយ” ។ លោកបានបន្ថែមថា ជាមួយនឹងក្រុមចម្រៀងយុវវ័យថ្មីនោះសុទ្ធសឹងតែជានារីវ័យក្មេងមានសម្រស់ទាក់ទាញ និងមានទេព កោសល្យខ្ពស់ដូចក្រុម SNSD ដែរ។
គួរបញ្ជាក់ថា ផលិតកម្ម YG Entertainment ជាផលិតកម្មដែលគ្រប់គ្រងក្រុមចម្រៀងល្បីល្បាញរបស់កូរ៉េ ខាងត្បូងគឺ Big Bang និង 2NE1 ហើយក្រុមហ៊ុននេះបានអភិវឌ្ឍខ្លួនរហូតក្លាយជាក្រុមហ៊ុនផលិតកម្មឈានមុខគេនៅកូរ៉េខាងត្បូងទៀតផង។ មុនពេលលោក Yang Hyun Suk និយាយបន្ដដល់ក្រុមចម្រៀងថ្មីនោះ លោកបានបង្ហើបឱ្យដឹងអំពីដំណើរការនៃការជ្រើសរើសតារានៅក្នុងក្រុមថ្មីនោះ។ លោកបញ្ជាក់ ដូច្នេះថា “ពេលយើងកំពុងធ្វើតេសន៍ជ្រើសរើសសមាជិកសម្រាប់ក្រុមថ្មីនោះ ពួកគេគ្រប់គ្នាសុទ្ធតែស្រស់ស្អាត។ ខ្ញុំគិតថា បច្ចុប្បន្នមានក្មេងៗជាច្រើននាក់ ដែលមានទេពកោសល្យខាងវិស័យ សិល្បៈហើយថែមទាំងមានរូបសម្ពស្សស្រស់ស្អាតទាក់ទាញទៀតផង... ។ កាលពីមុន យើងត្រូវចំណាយពេលរហូតដល់៥ឆ្នាំមុនពេលដែលក្រុម BigBang អាចចេញអាល់ប៊ុមចម្រៀងលើកដំបូងរបស់ ខ្លួន ប៉ុន្ដែដោយសារតែក្មេងៗឥឡូវមានទេពកោសល្យខ្ពស់ ហើយបច្ចេកទេសកាត់តនៅស្ទូឌីយោកាន់តែទំនើបទៀតនោះ ខ្ញុំជឿជាក់ថាយើងអាចចំណាយពេលត្រឹមតែ២ឆ្នាំប៉ុណ្ណោះក្នុងការបង្កើតក្រុមចម្រៀងយុវវ័យថ្មីមួយ” ។
លើសពីនេះទៅទៀត លោកបានបញ្ជាក់ថា ក្រុមចម្រៀងថ្មីដែលបង្កើតឡើងនេះនឹងមិនយកស្ទីលដូចឬស្រដៀង ទៅនឹងក្រុមBig Bangនិង2NE1ទេ”៕
