Khmer
English
Chinese
Frence
Vietnamese
Thai
ជប៉ុនស្នើភៀសខ្លួនពលរដ្ឋជិត២សែននាក់ដោយសារតែភ្លៀងធ្លាក់ខ្លាំង
ដោយ ៖ ម៉ែវ សាធី ថ្ងៃទី 30 កក្កដា 2011ម៉ោង 07:12:16
សារព័ត៌មានអាអេហ្វប៉េបានផ្សព្វផ្សាយថា ជប៉ុនបានជម្លៀសពលរដ្ឋ១៨០ពាន់នាក់រស់នៅតំបន់នីហ្កាតា និងខេត្ដហ្វូគូស៊ីម៉ាដែលទទួលរងផលប៉ះពាល់ដោយគ្រោះមហន្ដរាយធម្មជាតិ កាលពីខែមីនាត្រូវជម្លៀសខ្លួនជាបន្ទាន់ទៅកាន់តំបន់ខ្ពស់ក្រោយពេលភ្លៀងធ្លាក់ ខ្លាំងបង្កជាទឹកជំនន់ធ្វើឱ្យពលរដ្ឋ៥នាក់បាត់ខ្លួន ។
នៅទីក្រុងសេនចូខេត្ដនីហ្កាតាចម្ងាយពីទីក្រុងតូក្យូ២០០គីឡូម៉ែត្រនៅភាគខាងជើងបានស្នើពលរដ្ឋទាំងអស់នៅទី នោះឱ្យភៀសខ្លួនទៅកាន់មជ្ឈមណ្ឌលជនភៀសខ្លួន ។ ភ្លៀងធ្លាក់ខ្លាំងធ្វើឱ្យតំបន់មួយចំនួនគ្របដណ្ដប់ដោយទឹកជំនន់ ។
លោកអាយ៉ាកា ហូស៊ី អ្នកនាំពាក្យទីក្រុងសាមចូបានឱ្យដឹងថា “បច្ចុប្បន្ន មិនទាន់មានសេចក្ដីប្រកាសណាមួយស្ដី ពីការស្លាប់ ប៉ុន្ដែយើងចាំបាច់ត្រូវតែ ប្រកាសឱ្យពលរដ្ឋត្រូវតែភៀសខ្លួនកាន់ តែឆាប់កាន់តែល្អ” ។
ទីក្រុងនីហ្កាតាមានពលរដ្ឋ៧២ពាន់ នាក់ត្រូវគេស្នើឱ្យភៀសខ្លួនជាបន្ទាន់ ។ ចំណែកនៅខេត្ដហ្វូគូស៊ីម៉ានៅស្រុក តាដាមី រដ្ឋាភិបាលក៏បានស្នើពលរដ្ឋ ប្រមាណ៤.៩០០នាក់ភៀសខ្លួន ។ នៅក្នុងតំបន់នេះមានបុរសវ័យចំណាស់២ នាក់បានបាត់ខ្លួនផងដែរ ។
ប៉ូលិសនៅតំបន់នីហ្កាតាបានឱ្យដឹងថា សមាជិក៣នាក់នៅក្នុងគ្រួសារមួយ នាទីក្រុងកូតាម៉ាជីត្រូវទឹកជំនន់នៅលើ ដងទន្លេមួយកួចទៅ ហើយមនុស្ស២នាក់ ក្នុងចំណោម៣នាក់ត្រូវគេជួយសង្គ្រោះ នៅសល់អ្នកទី៣គឺលោកយាយដែល មានអាយុ៩១ឆ្នាំបាត់ខ្លួន ។
មន្ដ្រីទទួលខុសត្រូវបានស្នើកងកម្លាំង ទាហានជប៉ុនចូលរួមស្វែងរកអ្នកដែលបាត់ខ្លួន និងជួយដល់ពលរដ្ឋដែលជាប់គាំងដោយគ្រោះទឹកជំនន់បណ្ដាលមកពី ភ្លៀងធ្លាក់ខ្លាំងនោះ ។
មានផ្ទះជាង៧០ពាន់ខ្នងនៅខេត្ដនីហ្កា តានិងហ្វូគូស៊ីម៉ាគ្មានអគ្គិសនីប្រើប្រាស់ និងផ្ទះជាច្រើនខ្នងត្រូវលិចលង់ដោយទឹកជំនន់ ៕
.jpg)
.jpg)
