Khmer
English
Chinese
Frence
Vietnamese
Thai
លិខិតមិត្តអ្នកអាន ៖ ប៉ូលិសប៉ុស្តិ៍ចតុមុខគិតតែចាប់អ្នកជិះម៉ូតូអត់ពាក់ពួក ភ្លេចចាប់ចោរលួចមួក
ដោយ ៖ ប្រជាពលរដ្ឋម្នាក់ ថ្ងៃទី 02 សីហា 2011ម៉ោង 15:11:04
ទីក្រុងស្អាត សុវត្ថិភាពល្អ នេះជាគោលនយោបាយដ៏ចំចម្បងរបស់សាលារាជធានីភ្នំពេញ ក៏ប៉ុន្តែគួរឲ្យស្តាយសមត្ថកិច្ចនៅប៉ុស្តិ៍ចតុមុខមិនបានគិតពីសុវត្ថិភាពរបស់អ្នកទេសចរទេ នៅតាមសួនច្បារនានាសមត្ថកិច្ចគិតតែនាំគ្នាដាក់ប៉ុស្តិ៍ចាំចាប់អ្នកជិះម៉ូតូដែលអត់ពាក់ពួកសុវត្ថិភាព គឺមានតាំងពីម៉ូតូប្រដេញអន្តរគមន៍ដូចជាស្វាហាប់ណាស់ តែពួកគាត់បែរជាប្រងើយកន្តើយនូវភាពអនាធិបតេយ្យរបស់ក្មេងហិតកាវ ពួកពាលាអាវ៉ាសែ ដែលនៅពាសវាលពាសកាល គឺម៉ោង៨យប់មិនទាន់ទេ ពួកនេះដើរបង្កអសន្តិសុខ ដូចជាដើរលួច និងប្លន់តាមរូបភាពតូចៗ ជួនកាលពួកនោះដើរប្រមូលមួកសុវត្ថិភាពឆៅៗតែម្តង ទោះជាម្ចាស់តាមទាន់ និងទាំងស្រែកឲ្យមានការអន្តរគមន៍ក៏ដោយ ក៏ពួកនេះមិនខ្លាចដែរដោយដើរកាន់ពួកបណ្តាក់ឲ្យគ្នាវាធ្វើមិនដឹង ។ ពេលខ្លះពួកនេះដើរជាក្រុមទៅព័ទ្ធអ្នកទេសចរណ៍ ធ្វើដូចជាសុំលុយបើអ្នកទេសចរណ៏មានលុយច្រើនពួកនេះប្លន់តែម្តង ។
បើនិយាយពីភ្នាក់ងារសន្តិសុខសណ្តាប់ធ្នាប់វិញពិតជាស្គាល់ពួកនេះច្បាស់ដូចថៃ្ងតែមិនអាចប្រមូលពួកនេះបាន ពេលខ្លះភ្នាក់ងារទាំងនោះបានស្តីបន្ទោសដល់អ្នកទេសចរណ៍ទាំងក្នុងស្រុក និងក្រៅស្រុកថា មិនគួរមកអង្គុយលេងនៅទីនេះឡើយតើសំដីនេះមានន័យយ៉ាងដូចម្តេច?
ដូចនេះក្នុងនាមខ្ញុំជាប្រជាពលរដ្ឋម្នាក់ សុំសំណូមពរដល់ថ្នាក់ដឹកនាំជាពិសេសលោកស្នងការមេត្តាចាត់វិធានការណ៍លើបញ្ហានេះដើម្បីឲ្យប្រជាពលរដ្ឋមានភាពកក់ក្តៅ និងស្រស់ស្រាយក្នុងការលំហែកាយ លើសួនច្បារដ៏ស្រស់ស្អាតរបស់ទីក្រុងដ៏បវរនេះផង៕
.jpg)
