ខ្សឹប​ដាក់​ត្រចៀក​ ​៖ ប្រធាន​មន្ទីរ​អភិវឌ្ឍ​ន៍​ជនបទ​ខេ​ត្ដ​សៀមរាប​ក្ដោប​ប្រភព​ចំណូល​យ៉ាង​ណែន​ ​

 

ឡើង​តំណែង​នេះ​ដោយសារ​ការ​លើក​ប​ន្ដុ​ប​តែ​ប៉ុណ្ណោះ​ពី​រដ្ឋ​ម​ន្ដ្រី ក្នុង​នាម​ជា​សាច់​ឈាម​ ​ហើយ​អតីត​ហេង​ ​សុង​អេ​ង​ ​គ្រាន់​តែ​មាន​តួ​នាទី​ជា​ ​អ្នក​រត់​សំបុត្រ​ ​ឬ​បុគ្គលិក​មួយ​រូប​សម្រាប់​កាន់​ឯក​សារ​ ​យក​ទៅ​ថត​ចម្លង​នៅ​ក្នុង​ការិយាល័យ​រៀបចំ​ដែន​ដី​ ​ន​គ​រូប​នី​យ​កម្ម​ ​សំណង់​ ​និង​ ​ភូមិបាល​ខណ្ឌ​ឫស្សី​កែវ​តែ​ប៉ុណ្ណោះ​ ​។

ប្រភព​ខ្សឹប​ថា​ ​លោក​ប្រធាន​មន្ទីរ​ហេង​ ​សុង​អេ​ង​ ​កំពុង​ងប់​ង​ល់​យ៉ាង​ ​ខ្លាំង​ក្នុង​ការ​ប្រើ​ឥទ្ធិ​ពល​អំណាច​របស់​លោក​រដ្ឋ​ម​ន្ដ្រី ក្នុង​ចេតនា​ក្ដោប​ប្រភព​ចំណូល​ ​និង​ធ្វើ​ឱ្យ​ម​ន្ដ្រី​នៅ​ក្នុង​អង្គ​ភាព​នេះ​ឃ្លាត​ឆ្ងាយ​មនោ​ស​ញ្ចេ​ត​នា​ ​បន្ទាប់​ពី​បាន​ឃើញ​ ​នូវ​មហិច្ឆតា​លោភ​លន់​ ​ការ​កេង​ប្រវ័ញ្ច​ ​ក៏​ដូច​ជា​ការ​រក្សា​ទុក​ក្រុម​ហ៊ុន​មួយ​ចំនួន​ ​សម្រាប់​ដេក​ចង​មុង​ដេញ​ថ្លៃ​នៅ​ក្នុង​មន្ទីរ​ ​ដើម្បី​បែង​ចែក​ប្រយោជន៍​ទឹក​តែ​រាល់​គម្រោង​ ​នានា​ ​ដែល​ក្រសួង​ដាក់​ឱ្យ​នោះ​ ​។

លោក​ហេង​ ​សុង​អេ​ង​ ​ក្ដោប​យ៉ាង​ណែន​ពេញ​ដៃ​ចំពោះ​ការិយាល័យ​ចំនួន​៤ គឺ​ ​ការិយាល័យ​ផ្លូវ​លំ , ការិយាល័យ​គណនេយ្យ , ការិយាល័យ​ទឹក​ស្អាត​ ​និង​ការិយាល័យ​ ​ឥណ​ទាន​ជនបទ​ ​ដែល​ប្រភព​ខ្សឹប​ថា​ ​ការិយាល័យ​ទាំង​នេះ​ ​ទទួល​បាន​ប្រភព​ ​ចំណូល​យ៉ាង​ច្រើន​ ​ដូច​ជា​ការ​ក​សាង​លូ​ ​ផ្លូវ​គ្រួ​ស​ក្រហម , ស្ពាន , បង្គន់ , អណ្ដូង​ទឹក ... ។ល។ ជៀស​មិន​ផុត​ពី​ការ​កេង​យក​ផល​ចំណេញ​ពី​គម្រោង​ ​ទាំង​នោះ​ជាមួយ​នឹង​ក្រុម​ហ៊ុន​ឯក​ជន​ ​មិន​តែ​ប៉ុណ្ណោះ​លោក​ប្រធាន​មន្ទីរ​ ​បាន​ធ្វើ​អ​ណា​បក្ស​ទៅ​ ​លើ​របាយ​ការណ៍​ចំណូល​ ​និង​ចំណាយ​ ​ដែល​អ​ត្ដ​នោ​ម័​ត​ក្នុង​អំណាច​បុគ្គល​ខ្លួន​ឯង​ ​ហើយ​ម​ន្ដ្រី​ឯទៀត​ ​មិន​មាន​សិទ្ធិ​នៅ​ក្នុង​ការ​តាម​ដាន​ ​ឬ​ដឹង​អំពី​របាយ​ការណ៍​ ​ចំណាយ​ ​។

លោក​ហេង​ ​សុង​អេ​ង​ ​បើ​ទោះជា​រូប​គាត់​អតីត​គ្រាន់​តែ​ជាម​ន្ដ្រី​ភូមិបាល​តូច​ ​តាច​ ​គ្មាន​ជំនាញ​ដឹកនាំ​មន្ទីរ​អភិវឌ្ឍ​ន៍​ជនបទ​ក៏​ដោយ​ ​ប៉ុន្ដែ​គាត់​មាន​ទេព​កោស​ល្យ​ខ្ពស់​ក្នុង​ការ​កេង​ប្រវ័ញ្ច​ពី​អង្គ​ភាព​ ​គួប​ផ្សំ​ចំហាយ​ឥទ្ធិ​ពល​របស់​គាត់​ ​ជា​សាច់​ញាតិ​ ​របស់​លោក​រដ្ឋ​ម​ន្ដ្រី​ផង​នោះ​ ​ធ្វើ​ឱ្យ​ហេង​ ​សុង​អេ​ង​ ​គ្រប​ដណ្ដប់​ទៅ​លើ​ម​ន្ដ្រី និង​ ​ប្រមូល​ប្រភព​ចំណូល​ក្នុង​មន្ទីរ ៕