Khmer
English
Chinese
Frence
Vietnamese
Thai
ចង់បង្ការជំងឺលើសឈាម?
ដោយ ៖ សហការី ថ្ងៃទី 03 កញ្ញា 2011ម៉ោង 14:21:04
ជំងឺលើសឈាមបានក្លាយទៅជាជំងឺដែលគួរឱ្យព្រួយបារម្ភនាពេលបច្ចុប្បន្ននេះ។ ជំងឺនេះអាចការពារបានតាមបែបធម្មជាតិដោយមិនចាំបាច់ចំណាយប្រាក់ច្រើនតែសាមីខ្លួនត្រូវមានភាពអំណត់និងការព្យាយាមខ្លាំង។ បើមិនចង់ឱ្យជំងឺលើសឈាម គ្រប់គ្រងលើខ្លួនអ្នកនោះទេ សូមចាប់ផ្ដើមនូវទម្លាប់ក្នុងការរស់នៅរួមទាំងហូបចុកប្រចាំថ្ងៃទៀតផង។ វីធីសាស្ដ្រមាន ដូចខាងក្រោមនេះ ៖
១- ការដើរ ៖ ការដើរមានប្រយោជន៍ណាស់ ព្រោះអាចធ្វើឱ្យមានចលនា គ្រប់ផ្នែកទាំងអស់នៃរាងកាយ ហើយបើដើរក្រោម ពន្លឺថ្ងៃទៀតកាន់តែល្អ ព្រោះពន្លឺព្រះអាទិត្យបង្កើត វីតាមីន D ដែលអាចជួយបន្ថយសំពាធឈាមបាន។
២- ការសំរាក ៖ ទោះបីអ្នកមានភាពមមាញឹកយ៉ាងណាក៏ដោយអ្នកគួរតែសំរាកឱ្យបានញឹកញាប់តាមរយៈការដើរកំសាន្ដ តាមកន្លែង
នានាឬស្ដាប់ តន្ដ្រីនិយាយរួម គឺធ្វើអ្វីដែលធ្វើឱ្យអារម្មណ៍របស់អ្នកប្រសើរឡើង។
៣- ញ៉ាំអាហារដែលមានប្រយោជន៍ ៖ សូមជៀសវាងនូវអាហារដែល សំបូរដោយជាតិខ្លាញ់ ជាតិប្រៃខ្លាំង និងអាហារដែល ធ្វើឱ្យកើនCholesterol ហើយសូមញុំាអាហារសរីរាង្គឱ្យបានច្រើន។
៤- ត្រូវហាត់ប្រាណឱ្យបានទៀងទាត់ ហើយជៀសវាងនូវសកម្មភាពណា ដែលធ្វើឱ្យមានអារម្មណ៍មួម៉ៅ និងរន្ធត់ខ្លាំង។
៥- ប្រសិនបើអ្នកជក់បារីត្រូវបញ្ឈប់ភ្លាម ព្រោះវាអាចធ្វើឱ្យប៉ះពាល់ខ្លាំងដល់សំពាធឈាម។ ជាពិសេសត្រូវពិនិត្យសំពាធឈាមឱ្យបានទៀងទាត់៕
