Khmer
English
Chinese
Frence
Vietnamese
Thai
មន្ត្រីរាជការនៃបណ្តាប្រទេសមហាអនុតំបន់ទន្លេមេគង្គ ធ្វើសិក្ខាសាលា នៅរាជធានីភ្នំពេញ
ដោយ ៖ សាគុណ ថ្ងៃទី 05 កញ្ញា 2011ម៉ោង 12:32:55
មន្ត្រីជាន់ខ្ពស់មកពីប្រទេសមហាអនុតំបន់ទន្លេមេគង្គ រួមមាន៖ កម្ពុជា ឡាវ ថៃ ភូមា វៀតណាម និងចិន បានប្រារព្ធធ្វើសិក្ខា សាលាស្តីពី «ការរៀបចំការអនុវត្ត និងការវាយតម្លៃគោលនយោបាយសាធារណៈ» ចាប់ពីថ្ងៃទី ០៥ ដល់ថ្ងៃទី ១០ ខែកញ្ញា ឆ្នាំ២០១១ នៅ រាជធានីភ្នំពេញ ។
សិក្ខាសាលានេះត្រូវបានប្រារព្ធធ្វើឡើងនៅវិទ្យាស្ថានសេដ្ឋកិច្ច និងហិរញ្ញវត្ថុ ដោយមានវត្តមានចូលរួមបើកពីសំណាក់លោកឧបនាយករដ្ឋមន្ត្រី គាត់ ឈន់ រដ្ឋមន្ត្រីក្រសួង សេដ្ឋកិច្ច និងហិរញ្ញវត្ថុ នាព្រឹកថ្ងៃទី ០៥ កញ្ញា ២០១១ ។
នៅក្នុងសន្ទកថាបើកសិក្ខាសាលានោះ លោកឧបនាយករដ្ឋមន្ត្រី គាត ឈន់ បាន វាយតម្លៃខ្ពស់ចំពោះផែនការភ្នំពេញ សម្រាប់អភិវឌ្ឍន៍សមត្ថភាពមន្ត្រីរាជការ នៃប្រទេសម ហាអនុតំបន់ទន្លេមេគង្គ នៃធនាគារអភិវឌ្ឍន៍អាស៊ី និងវិទ្យាស្ថានរដ្ឋបាលសាធារណៈរបស់ សហគមន៍អឺរ៉ុប ដែលបានសហការជាមួយវិទ្យាស្ថានសេដ្ឋកិច្ច និងហិរញ្ញវត្ថុ នៃក្រសួងសេដ្ឋកិច្ច និងហិរញ្ញវត្ថុ ដែលបានរៀបចំសិក្ខាសាលានេះឡើង ដើម្បីពង្រឹងសមត្ថភាពធនធានមនុស្សមន្ត្រីរាជការ។ លោកឧបនាយករដ្ឋមន្ត្រី បានចាត់ទុកការរៀបចំសិក្ខា សាលានេះ គឺជាការឆ្លុះបញ្ចាំងឲ្យឃើញអំពីកិច្ចខិតខំប្រឹងប្រែងដ៏មានផ្លែផ្កា ដើម្បីលើកកម្ពស់សមត្ថភាព និងជំនាញវិជ្ជាជីវៈរបស់មន្ត្រីជាន់ខ្ពស់ នៃប្រទេសមហាអនុតំបន់ទន្លេមេគង្គ ដែលទាក់ទងទៅនឹងភាពជាអ្នកដឹកនាំការគ្រប់គ្រងគោលនយោបាយសាធារណៈ ពិសេសការរៀបចំការអនុវត្ត និងការវាយតម្លៃគោលនយោបាយសាធារណៈ។
លោកឧបនាយករដ្ឋមន្ត្រី គាត ឈន់ បានកត់សំគាល់ឃើញថា សិក្ខាសាលានេះ រៀបចំឡើងស្របតាមនិន្នាការ និងតម្រូវការ នៃការអភិវឌ្ឍន៍សង្គម-សេដ្ឋកិច្ច នៃបណ្តាប្រ ទេសមហាអនុតំបន់ទន្លេមេគង្គ ។ និន្នាការនេះមានការវិវត្តជានិច្ច ហើយមានការប្រែប្រួល ជាបន្តបន្ទាប់នៅលើពិភពលោកយើងនេះ និយាយជារួម និងនៅក្នុងមហាអនុតំបន់ទន្លេមេគង្គ ដែលមានបញ្ហាប្រឈមជាច្រើន ។ បញ្ហាប្រឈមទាំងនេះកើតឡើងបណ្តាលមកពីតំរូវ ការនៃការប្រើប្រាស់ធនធានធម្មជាតិ និងថាមពល ដែលមានការកើនឡើងយ៉ាងច្រើន ពិសេសការសាងសង់ទំនប់វារីអគ្គីសនី និងគម្រោងដទៃទៀត នៅតាមដងទន្លេមេគង្គ ដែល អាចមានផលប៉ះពាល់ជាច្រើនមកលើសង្គម-សេដ្ឋកិច្ចរបស់ប្រទេសនានាក្នុងអនុតំបន់ទន្លេ មេគង្គ ។ ដូច្នេះ សិក្ខាសាលានេះ នឹងរួមចំណែក ក្នុងការអភិវឌ្ឍចំណេះដឹង ជំនាញ និង ចែករំលែកបទពិសោធន៍ ក្នុងការរៀបចំ ការអនុវត្ត និងការវាយតម្លៃ និងការគ្រប់គ្រងគោល នយោបាយសាធារណៈ ជូនមន្ត្រីជាន់ខ្ពស់នៃបណ្តាប្រទេសមហាអនុតំបន់មេគង្គ សម្រាប់ យកទៅបំពេញការងាររបស់ខ្លួនឲ្យមានប្រសិទ្ធភាព ហើយចៀសវាងនូវផលវិបាកអវិជ្ជមាន នានា ដែលកើតឡើងដោយសារការអនុវត្តគោលនយោបាយ និងគម្រោងនានា នៅតាម ដងទន្លេមេគង្គ ។
លោក Putu Kamayana នាយកធនាគារអភិវឌ្ឍន៍អាស៊ីប្រចាំនៅកម្ពុជា បានថ្លែងនៅ ក្នុងអង្គសិក្ខាសាលានោះថា សិក្ខាសាលានេះមានគោលបំណងផ្តល់នូវទិដ្ឋភាពនៃនិន្នាការ អភិវឌ្ឍន៍ក្នុងតំបន់ និងពិភពលោកក្នុងការរៀបចំ អនុវត្ត និងវាយតម្លៃ គោលនយោបាយ សាធារណៈ, ផ្តល់នូវឧបករណ៍ក្របខ័ណ្ឌការងារ និងគន្លឹះសំខាន់ៗសម្រាប់គ្រប់គ្រងគោល នយោបាយ, អភិវឌ្ឍសមត្ថភាពសិក្ខាកាមឲ្យចេះវិភាគបញ្ហា មូលហេតុនៃបញ្ហា និងស្វែងរក ដំណោះស្រាយ, និងចែករំលែកបទពិសោធន៍ ចំណេះដឹង និងកសាងបណ្តាញទំនាក់ទំនង ក្នុងចំណោមសិក្ខាកាម ក្នុងប្រទេសមហាអនុតំបន់ទន្លេមេគង្គ ។ លោក Putu Kamayana បានថ្លែងទៀតថា កម្មវិធីសិក្ខាសាលានេះ ត្រូវបានតាក់តែងឡើង ឲ្យសមស្របតាមដំណាក់ កាល ដើម្បីឈានទៅសម្រេចឲ្យបាននូវវិធីសាស្ត្រគ្រប់គ្រងគោលនយោបាយសាធារណៈ ក្នុងនោះរួមមាន៖ ការកំណត់រកបញ្ហា, ការកំណត់រកការផ្លាស់ប្តូរ ដើម្បីបង្កើតគោលនយោ បាយ, ការអនុវត្តគោលនយោបាយដែលមានការផ្លាស់ប្តូរ, និងការវាយតម្លៃគោលនយោ បាយសាធារណៈ ៕
.jpg)
