Khmer
English
Chinese
Frence
Vietnamese
Thai
លោក ម៉ម ប៊ុនហេង អំពាវនាវឱ្យអង្គការរ៉ាក់បន្ដជួយគាំទ្របច្ចេកទេស ថវិកា សម្ភារៈដល់មណ្ឌលសុខភាពរដ្ឋទាំង៣៤១មណ្ឌល
ដោយ ៖ សំរិត ថ្ងៃទី 20 កញ្ញា 2011ម៉ោង 15:37:04
ភ្នំពេញ ៖ លោក ម៉ម ប៊ុនហេង រដ្ឋមន្ដ្រីក្រសួងសុខាភិបាលបានអំពាវនាវឱ្យអង្គការរ៉ាក់បន្ដជួយគាំទ្រផ្នែកបច្ចេកទេស ថវិកា សម្ភារៈបរិក្ខារដល់មណ្ឌល សុខភាពរដ្ឋជាដៃគូទាំង៣៤១មណ្ឌល ទៀតក្នុងគោលបំណងរួមចំណែកលើក កម្ពស់សេវាកម្មសុខភាពមាតាកុមារ និងទារក នៅតាមមណ្ឌល និងតាមមន្ទីរ ពេទ្យបង្អែកឱ្យកាន់តែល្អប្រសើរឡើង ឈានទៅសម្រេចគោលដៅសហស្សវត្សរ៍ ។
នៅក្នុងឱកាសបើកសន្និបាតជ្រើស រើសប្រតិភូជាសមាជិកស្ម័គ្រចិត្ដប្រចាំ ៣ឆ្នាំរបស់អង្គការរ៉ាក់ នាព្រឹកថ្ងៃទី២០ កញ្ញា ២០១១ នៅសណ្ឋាគារភ្នំពេញ លោកស្រីវេជ្ជបណ្ឌិត អ៊ុក វង្សវឌ្ឍនី នាយិកា អង្គការរ៉ាក់បានបញ្ជាក់ថា អង្គការរ៉ាក់ នៅតែជាដៃគូដ៏ល្អជាមួយរាជរដ្ឋាភិបាល ដើម្បីជួយលើវិស័យសេវាសុខភាពបន្ដ ពូជដល់ប្រជាជនគ្រប់រូប ក្នុងបំណងធ្វើ យ៉ាងណាការផ្ដល់សេវាសុខភាពបានចូល ជ្រៅទៅដល់ជនបទ ភូមិឃុំ សង្កាត់ នៅ ទូទាំងព្រះរាជាណាចក្រកម្ពុជា ។
លោកស្រីបន្ដទៀតថា មូលហេតុដែល នាំឱ្យយើងបើកសន្និបាតដើម្បីជ្រើសរើស ប្រតិភូជាសមាជិករបស់អង្គការរ៉ាក់ប្រចាំ៣ឆ្នាំនេះឡើង គឺប្រាកដជាអ្នកតំណាង ទាំងអស់នេះ អាចមានឱកាសជួយដល់ សហគមន៍ដូចជាការផ្ដល់ព័ត៌មានមកអង្គការអំពីបញ្ហាមួយចំនួនដែលទាក់ទងនឹងសុខភាពដែលសហគមន៍របស់អ្នក កំពុងជួបការលំបាកឬមានតម្រូវការ ចាំបាច់ ។ ក្នុងករណីដែលសហគមន៍របស់ អ្នកពុំត្រូវបានគ្របដណ្ដាប់ដោយអង្គការ ហើយសមាជិកស្ម័គ្រចិត្ដមានចំនួនច្រើន នៅទីនោះអង្គការនឹងពិចារណាលើការ ពង្រីកកម្មវិធីឬសេវាកម្មរបស់ខ្លួនទៅដល់សហគមន៍របស់អ្នកដើម្បីឱ្យសុខភាព សហគមន៍បានល្អប្រសើរឡើង ។
លោក ម៉ម ប៊ុនហេង រដ្ឋមន្ដ្រីក្រសួង សុខាភិបាលបានបញ្ជាក់ថា រយៈពេល កន្លងមកនេះអង្គការរ៉ាក់ជាអង្គការក្រៅ រដ្ឋាភិបាលមួយដែលបាននិងកំពុងតែចូល រួមចំណែកក្នុងការជួយលើកកម្ពស់សុខ ភាព និងពង្រីកវិសាលភាពរបស់ខ្លួនស្ទើរ តែពាក់កណ្ដាលប្រទេសក្នុងការផ្ដល់សេវា និងព័ត៌មានការផ្លាស់ប្ដូរឥរិយាបថជូន ប្រជាជនយើង ជាពិសេសប្រជាជនក្រីក្រ និងក្រុមអ្នកដែលងាយរងគ្រោះស្ទើរគ្រប់ គោលដៅ ។ មកដល់ពេលនេះអង្គការ រ៉ាក់បានផ្ដល់នូវការគាំទ្រទាំងបច្ចេកទេស ថវិកា និងសម្ភារៈបរិក្ខារជាច្រើនជូនដល់ មណ្ឌលសុខភាព ដើម្បីចូលរួមក្នុងការ លើកកម្ពស់គុណភាពនៅតាមមណ្ឌល សុខភាពរដ្ឋបានចំនួន៣៤១មណ្ឌលហើយ ។ ជាមួយគ្នានេះ ក្នុងនាមរាជរដ្ឋាភិបាល កម្ពុជា និងជាថ្នាក់ដឹកនាំក្រសួងសុខា ភិបាលសូមអំពាវនាវដល់សមាជិកនិងបុគ្គលិករបស់អង្គការរ៉ាក់ទាំងអស់ឱ្យបន្ដជួយពង្រឹងនិងផ្ដល់លទ្ធភាពគ្រប់បែបយ៉ាងដល់មណ្ឌលសេវាសុខ ភាពរដ្ឋទាំង៣៤១ មណ្ឌលក្នុងការផ្ដល់សេវាសុខភាពជូន ប្រជាជនគ្រប់រូប ប្រកបដោយគុណភាពនិងជោគជ័យ ៕
.jpg)
