Khmer
English
Chinese
Frence
Vietnamese
Thai
ផ្ទុះរោងចក្រចម្រាញ់ប្រេងដ៏ធំបំផុតលើពិភពលោករបស់ក្រុមហ៊ុនShell
ដោយ ៖ ម៉ែវ សាធី ថ្ងៃទី 29 កញ្ញា 2011ម៉ោង 11:07:47
សារព័ត៌មានរ៉យទ័របានផ្សព្វផ្សាយ ថា មានហេតុការណ៍ផ្ទុះរោងចក្រចំរាញ់ ប្រេងPulau Bukomរបស់ក្រុមហ៊ុន Shellនៅសិង្ហបុរីកាលពីថ្ងៃទី២៨ កញ្ញា ធ្វើឱ្យរោងចក្រទាំងមូលត្រូវផ្អាកដំណើរការបុគ្គលិកត្រូវជម្លៀសខ្លួនជាបន្ទាន់ទៅកាន់តំបន់មានសុវត្ថិភាព ។
ប្រភពព័ត៌មានបានផ្សព្វផ្សាយថា ហេតុការណ៍ផ្ទុះកើតឡើងនៅវេលាម៉ោង ១ៈ១៥នាទីរសៀលថ្ងៃទី២៨ កញ្ញា(ម៉ោង ក្នុងតំបន់)នៅត្រង់ចំណុចបំពង់បង្ហូរប្រេងនិងអាងស្ដុកប្រេងស្ថិតនៅក្នុងរោង ចក្រចម្រាញ់ប្រេងPulau Bukomដែល ជារោងចក្រធំបំផុតរបស់ក្រុមហ៊ុន Shell ។
ហេតុការណ៍ផ្ទុះបង្កជាអគ្គីភ័យនោះ មិនបង្កគ្រោះថ្នាក់ធ្ងន់ដល់អាយុជីវិតនោះឡើយ ប៉ុន្ដែបានធ្វើឱ្យប្រព័ន្ធបែងចែកសារធាតុហ៊ីត្រូដើម្បីផលិតប្រេងឌីសែលនិងឧបករណ៍ផ្សេងៗទៀតត្រូវ ផ្អាកទាំងស្រុងដើម្បីធានាសុវត្ថិភាព ។
ព័ត៌មានពេលដំបូងបញ្ជាក់ថា ឧបករណ៍បូមថាមពលរួមមានបំពង់បង្ហូរប្រើប្រាស់សម្រាប់ច្របល់ប្រេងឆៅក៏ត្រូវខូចខាតផងដែរ។ រោងចក្រPulau Bukom អាចផលិតបានប្រេងប្រមាណ៥សែនធុងក្នុង១ថ្ងៃស្មើនឹង១ភាគ៣នៃការផលិតប្រេងនៅទូទាំងសិង្ហបុរី ។
សិង្ហបុរីជាទីផ្សារប្រើប្រាស់ថាមពល ប្រេងដ៏ធំបំផុតលើពិភពលោក ហើយក៏ជាមជ្ឈមណ្ឌលផលិតទិញដូរប្រេងឆៅ និងប្រេងចម្រាញ់រួចនាំមុខគេនៅតំបន់អាស៊ីដែរ។ រាល់ការរាំងស្ទះណាមួយដល់សកម្មភាពចម្រាញ់ប្រេងម៉ាស៊ីននោះក៏ប៉ះពាល់យ៉ាងធ្ងន់ដល់តម្លៃប្រេងក្នុងតំបន់ផងដែរ ។
ប្រធានក្រុមហ៊ុនShellប្រចាំនៅសិង្ហ បុរី លោកLee Tzu Yangបានឱ្យដឹងថា Shellនឹងបន្ដផ្គត់ផ្គង់ប្រេងដែលស្ដុកទុក និងរោងចក្រចម្រាញ់ប្រេងផ្សេងទៀតដល់សិង្ហបុរី ហេតុដូច្នេះក្រុមហ៊ុនShell សង្ឃឹមថានឹងបង្កឱ្យមានការរាំងស្ទះដល់ ប្រព័ន្ធផ្គត់ផ្គង់ប្រេងកាតនៅទីនេះនោះឡើយ៕
.jpg)
