Khmer
English
Chinese
Frence
Vietnamese
Thai
បើកវគ្គបំប៉នគរុកោសល្យដល់គ្រូភាសាអង់គ្លេសនិងការប្រើប្រាស់សៀវភៅសិក្សាថ្មី
ដោយ ៖ សហការី ថ្ងៃទី 11 តុលា 2011ម៉ោង 16:56:39
ភ្នំពេញ ៖ កាលពីពេលថ្មីកន្លងមកនេះវេសឡាញឌីវេឡុបមេនគ្រុបខូអិលធីឌីបានសហការជាមួយបណ្ណាគារ UNITED KNOWLEDGE រៀបចំវគ្គបំប៉នគរុ កោសល្យបង្រៀនបន្ថែមនិងវិធីសាស្ដ្រ ប្រើប្រាស់សៀវភៅសិក្សាភាសាអង់គ្លេស ថ្មី ATTITUDE SERIES ដោយលោក CLYE FOWLE អ្នកជំនាញមកពី MACMIL LANEducation ជូនដល់លោកគ្រូអ្នក គ្រូសាលារៀនវេស្ទឡាញន៍និងសាលារៀនណត្សឡាញន៍ ។
លោក CLYE FOWLE បានបង្ហាញ ពីអត្ថប្រយោជន៍នៃសៀវភៅសិក្សាភាសាអង់គ្លេស ATTITUDE SERIESថ្មី នេះ ផ្ដោតលើជំនាញអានស្ដាប់និយាយ និង សរសេរឱ្យស្របតាមការប្រើប្រាស់ភាសាអង់គ្លេសប្រចាំថ្ងៃនិងកន្លែងធ្វើការនាពេលបច្ចុប្បន្ន ។ លោកបានបញ្ជាក់ថា ដើម្បី ឱ្យសិស្សទទួលបានជំនាញទាំងនោះទាម ទារឱ្យលោកគ្រូ អ្នកគ្រូ មានគរុកោសល្យ ខ្ពស់ចំណេះដឹងភាសាអង់គ្លេសល្អ រួមជាមួយវិធីសាស្ដ្រប្រើប្រាស់កម្មវិធីវីដេអូនិងលំហាត់តាមកំព្យូទ័រដែលជាកត្ដារួមផ្សំពន្លឿនការសិក្សាភាសាអង់គ្លេសឱ្យ ទទួលលទ្ធ ផលក្នុងរយៈពេលសមរម្យណាមួយ ។
លោក ប៉ិច បូឡែន ប្រធាននាយក ប្រតិបត្ដិក្រុមហ៊ុនវេសឡាញ ឌីវេឡុប មេនគ្រូបខូអិលធីឌីមានប្រសាសន៍ថា វគ្គបំប៉ននេះពិតជាបានរួមចំណែកដើម្បីលើកកម្ពស់សមត្ថភាពគរុគោសល្យ បន្ថែមទៀតក្នុងការបង្រៀនភាសាអង់គ្លេស និងវិធីសាស្ដ្រប្រើប្រាស់សៀវភៅសិក្សាថ្មីនេះឱ្យកាន់តែមាន ប្រសិទ្ធភាពដើម្បី ដើរឱ្យទាន់ការរីកចម្រើនផ្នែកអប់រំ នា ពេលបច្ចុប្បន្ន ។ លោកបន្ថែមថា យើង នឹងរៀបចំវគ្គបណ្ដុះបណ្ដាលបែបនេះជាបន្ដទៀតឱ្យបានច្រើន ដើម្បីបង្កើនគុណ ភាពនៃការបង្រៀនរបស់លោកគ្រូ អ្នក គ្រូរបស់យើងឱ្យកាន់តែមានសមត្ថភាពខ្ពស់និងសកសម្មជាគ្រូបង្រៀនអាជីព នៅក្នុងការបណ្ដុះបណ្ដាលធនធានមនុស្ស ប្រកបដោយគុណភាព ។
គួរបញ្ជាក់ថា ក្រុមហ៊ុនវេសឡាញ ឌីវេឡុបមេន គ្រុបខូអិលធីឌី ដែល កំពុងផ្ដល់សេវាអប់រំនិងបណ្ដុះបណ្ដាល តាមរយៈសាលារៀនវ៉េស្ទឡាញន៍ និង សាលារៀនណត្សឡាញន៍មានសាខាសរុប ៤ក្នុងរាជធានីភ្នំពេញរួមមានសាលារៀន វ៉េស្ទឡាញន៍សាខាសន្ធរម៉ុក,សាខាច្បារអំពៅ, សាខាទួលទំពូង សាលារៀនណត្ស ឡាញន៍សាខាស្ទឹងមានជ័យនិងវិទ្យាស្ថានអភិវឌ្ឍវិស័យអប់រំ(EDI)ដែលផ្ដល់សេវាបណ្ដុះបណ្ដាលអាជីពលើមុខជំនាញជា ច្រើនរួមទាំងវគ្គភាសាអង់គ្លេសពិសេស (Customized English Training) សម្រាប់ក្រុមហ៊ុននិងអង្គការនានា ៕
.jpg)
