Khmer
English
Chinese
Frence
Vietnamese
Thai
រឿងប្លែកៗនៅជុំវិញពិភពលោក
ដោយ ៖ នគរវត្ត ថ្ងៃទី 11 តុលា 2011ម៉ោង 03:18:01
ចាប់បានក្រពើយក្សមួយក្បាលនៅ ហ្វីលីពីន
ក្រពើយក្សមួយក្បាលទម្ងន់១តោន ដែលទំនងជាធំជាងគេបង្អស់ត្រូវបានគេចាប់បាននៅក្នុងព្រែកតូចមានទឹកប្រៃ នៃប្រទេសហ្វីលីពីន ហើយបើតាមការអះអាងរបស់មន្ដ្រីប្រចាំមូលដ្ឋានថា ពួកអ្នកស្រុកជាច្រើននាក់បានចូលរួម ក្នុងការចាប់ក្រពើយក្សមួយក្បាលនេះ។
អ្នកភូមិ និងអ្នកជំនាញខាងចាប់ក្រពើបានដាក់នុយឱ្យវាចូលអន្ទាក់ កាលពីចុងសបា្ដហ៍មុននៅក្នុងស្រុកមួយនៃខេត្ដ Agusan del Sur ដែលនៅទីនោះក្រពើមួយក្បាលនេះបានធ្វើ ឱ្យអ្នកស្រុកអ្នកភូមិភ័យខ្លាចគ្រប់ៗគ្នា។ ក្រពើមួយ ក្បាលនេះ មានប្រវែង៦,១ម៉ែត្រ ទម្ងន់១,០៧៥គីឡូក្រាម ហើយតាមការប៉ាន់ស្មានអាចមានអាយុ៥០ឆ្នាំ ហើយជាក្រពើរស់ធំបំផុត។ មន្ដ្រីសត្វព្រៃនៃប្រទេសនេះកំពុងតែស្រាវជ្រាវថា តើវាជាក្រពើដែលធំបំផុត នៅលើពិភពលោកមែនឬទេ? សៀវភៅកំណត់ត្រាប្លែកៗ Guinness World Records មុននេះបានចងក្រងថា ក្រពើដែលចាប់បាននៅប្រទេសអូស្ដ្រាលី ដែលមានប្រវែង ៥.៤៨ម៉ែត្រ ជាក្រពើធំបំផុតនៅលើលោក។ ក្រពើដែលរស់នៅក្នុងទឹកប្រៃអាចរស់នៅច្រើនជាង១០០ឆ្នាំ ហើយអាចមានប្រវែងដល់ទៅ៧ម៉ែត្រ ។
អ្នកស្រុកនៅភូមិ Bunawan នៃខេត្ដខាងលើដែលភ័យខ្លាចបានប្រារឰពិធីអបអរ ការចាប់បានក្រពើមួយក្បាលនេះ ដោយគេគិតថា គឺវានេះហើយដែលធ្លាប់តែរំខាននិងធ្លាប់ សម្លាប់អ្នកភូមិម្នាក់និងធ្វើឱ្យពួកគេភ័យខ្លាចជាយូរឆ្នាំមកហើយ។ ២ឆ្នាំកន្លងមកនេះទូក អ្នកនេសាទមួយគ្រឿងត្រូវក្រពើមួយក្បាលនេះធ្វើឱ្យលិច ហើយវាបានចាប់ម្ចាស់ទូកស៊ី ដោយគ្មានអ្នកណាហ៊ានជួយបានឡើយ ។
មុជទឹកភក់ និងស្បាក្នុងបឹងធម្មជាតិ
មនុស្សជាច្រើននាក់នៅក្បែរទីក្រុង បែលក្រាត បាននាំគ្នាទៅប៉ាតភក់-ដេកហាលថ្ងៃ និងធ្វើស្បានៅក្នុងបឹងធម្មជាតិមួយ ដែលគេជឿថាជួយព្យាបាលជំងឺក្នុងខ្លួនរបស់គាត់។ នៅក្នុងបឹងមួយឈ្មោះថា Ovcanska Spa នោះទឹកមានជាតិប្រៃ ដែលសាយភាយចេញ ពីជម្រៅនៃភក់ពីក្នុងដីរាប់រយម៉ែត្រ ហើយដែលជាតិសាយភាយនោះសំបូរទៅដោយជាតិ មីណឺរ៉ាល់(មាន២៨ជាតិមីណឺរ៉ាល់)។ ក្រុមអ្នកស្រុកជឿជាក់ថា វាអាចជួយព្យាបាលជំងឺសរសៃឈាម ជំងឺរបេងឆ្អឹង ជំងឺអារម្មណ៍ច្របូកច្របល់ និងជំងឺចាស់ជាច្រើនប្រភេទផ្សេងទៀត ។ ពួកគេយកភក់ លាបលើដងខ្លួនហាលថ្ងៃបន្ទាប់មកទៅមុជត្រាំទឹកដើម្បីបញ្ជ្រាបជាតិមីណឺរាល់ ។
មច្ឆាដូចមនុស្សចាត់ទុកជាទេពធីតា
សាកសពសត្វត្រីម្យ៉ាងរាងដូចជាមនុស្សស្រីមានប្រវែង៦ហ្វីត ត្រូវគេយកចេញពី Shikoku នៃប្រទេសជប៉ុន។ ក្រុមមនុស្សទាំងឡាយបានចាត់ទុកមច្ឆាមួយក្បាលដែលត្រូវគេគោរពតាមបែបសាសនាថាជាទេពធីតាចុះពីស្ថានលើមានឈ្មោះថា Shinko ឬ Mermaid Riligion ។
នៅតាមព្រះវិហារនៃអ្នកកាន់សាសនា ស៊ីនតូនិងព្រះវិហារព្រះពុទ្ធ (Shinto Shrines និង Buddhist Temple) គេបានគូររូបមច្ឆាមានរាងជាមនុស្សនេះ ដើម្បីឱ្យបរិស័ទគោរព និងធ្វើសក្ការៈ ។
ត្រីយក្សមានជើងដូចកង្កែប
សត្វក្នុងរូបនេះត្រូវគេជឿថា ជាត្រីមានជើងដែលស៊ីសាច់ជាអាហារ ហើយដែលមិនធ្លាប់ឃើញជាញឹកញាប់ឡើយ។ វាត្រូវគេរកឃើញជា សត្វដែលមានជាតិពុលដូចជាសត្វគីង្គក់ពុលនៅតំបន់អាហ្វ្រិកដែរ ។
អម្បូរសត្វស្វាមានរាងតូងបំផុត
ជួនកាលគេហៅវាថាជាប្រែតស្វា។ វាគឺជាប្រភេទស្វានៃប្រទេសចិនដែលមានប្រភេទឈាមខុសពីអម្បូរស្វាដទៃ។ នេះវាជាប្រភេទស្វាតែមួយគត់ ដែលអាចធ្វើសំបុកយ៉ាងស្មុគស្មាញដូចជាសត្វចាបត្បាញសំបុករបស់ខ្លួនដែរ វាប្រើដៃវាច្រើនដូចជាមនុស្សអ៊ីែចឹងដែរ ហើយគេជឿថា ការបដិវត្ដខួរក្បាលនិងរូបរាងយឺតជាងមនុស្សសម័យថ្មីឆ្ងាយ ណាស់ ។
ខ្យងក្ដក់យក្ស
នៅក្នុងទឹកមានជម្រៅជ្រៅ គេបានប្រទះឃើញសត្វខ្យងមួយប្រភេទនេះ ដែលមើលទៅដូចជាខ្យងមានជើងអ៊ីងចឹងដែរ។ គេបានប្រទះឃើញខ្យងប្រភេទនេះនៅឆ្នាំ២០០៧ ហើយខ្យងនេះត្រូវបានលោកបណ្ឌិត Takeshi Yamada សិក្សាវាយ៉ាងស៊ីជម្រៅបំផុត ។
នាគសមុទ្រយក្ស
លោកបណ្ឌិតយ៉ាម៉ាដា ថតជាមួយនឹងគ្រោងឆ្អឹងនៃសាកសពនាគសមុទ្រយក្សនៅលើកោះមួយឈ្មោះថា Awaji Island។ សត្វនេះត្រូវ បានគេជឿថា វាដាច់ពូជនៅដើមសតវត្សទី២០ ។
ចិញ្ចឹមសត្វព្រៃដើម្បីការពារខ្លួន
នៅតំបន់ភ្នំឆ្ងាយដាច់ស្រយាលនៃទ្វីបអាព្រីកអ្នកស្រុកមិននិយមចិញ្ចឹមសត្វឆ្កែទេ តែគេចូលចិត្ដចិញ្ចឹមសត្វអាជីណានិងសត្វស្វាបាប៊ូដែលជារឿងចម្លែកសម្រាប់មនុស្សទូទៅ ។
