Khmer
English
Chinese
Frence
Vietnamese
Thai
វិធីសាស្ត្រថ្មីព្យាបាលជំងឺបេះដូង
ដោយ ៖ ម៉ាណាវី ថ្ងៃទី 12 តុលា 2011ម៉ោង 02:25:57
តាមលទ្ធផលរបស់ក្រុមអ្នកស្រាវជ្រាវមួយទើបតែត្រូវបានប្រកាសលើទស្សនាវដ្ដីវេជ្ជសាស្ដ្រអាមេរិកថាការចាក់ចូលក្នុងសរសៃឈាមខ្មៅនូវសារធាតុចម្រុះមួយពីបណ្ដា Cholesterol ល្អមានឈ្មោះ Apolipoproteine A milan Phosholipedes នឹងធ្វើឱ្យថមថយអាការៈកកស្ទះសរសៃឈាមក្រហមចំពោះអ្នកកើតជំងឺបេះដូង។ អ្នកស្រាវជ្រាវទាំង ឡាយឱ្យដឹង នៅពេលត្រូវបានចាក់ចូលជាតិនេះនឹងវាយលុកកន្លែងផ្ទុកជាតិខ្លាញ់ lipid ក្នុងសរសៃឈាមក្រហម។ ក៏ប៉ុន្ដែតាមបណ្ឌិត Steren Nissen អ្នកដឹកនាំក្រុមស្រាវជ្រាវអះអាងថានេះគ្រាន់តែជាលទ្ធផលជំហានដំបូង ដែលចាំបាច់ត្រូវតែធ្វើពិសោធន៍លើចំនួនអ្នកជំងឺច្រើនជាងនេះទៀតជាមួយនឹងពេលវេលាតាមដានយូរជាងនេះ។
គួតែឲ្យទារកបៅដោះម្តាយតិចបំផុត១ឆ្នាំ
“គួរឱ្យទារកបៅដោះម្ដាយតិចបំផុតមួយឆ្នាំ” នេះជាពាក្យក្រើនរំលឹករបស់ក្រុមអ្នកវិទ្យាសាស្ដ្រនៅមជ្ឈមណ្ឌលត្រួតពិនិត្យនិងគាំពារទារកនិងមាតា (អាមេរិកប្រកាសលើទស្សនាវដ្ដីកុមារលេខចេញផ្សាយនៅថ្ងៃទី៤ ខែកុម្ភះ)។ ការស្រាវជ្រាវលើកុមារ១៧៧៣០៤នាក់នៅកំរិតអាយុ៥ឆ្នាំអ្នកវិទ្យាសាស្ដ្រទាំងឡាយរកឃើញថា កុមារាបៅដោះម្ដាយក្នុងរយៈពេលមួយឆ្នាំមិនសូវមានគ្រោះថ្នាក់កើតជំងឺធាត់កំប៉ោង ប្រៀបធៀបនឹងកុមារបៅដោះម្ដាយតិចជាង១២ខែហើយរយៈពេលកុមារបៅដោះម្ដាយកាន់តែយូរនោះគ្រោះថ្នាក់ ត្រូវធាត់កំប៉ោងកាន់តែថមថយចុះ។ ដោយឡែកកុមារមិនបានបៅដោះម្ដាយទាំងស្រុងឬរយៈពេលបៅដោះម្ដាយមានតែ១ខែច្រើនតែមានគ្រោះថ្នាក់ត្រូវធាត់កំប៉ោងខ្ពស់ក្នុងកំរិតអាយុ៤ឆ្នាំ។ ក្រៅពីនោះកុមារបៅដោះម្ដាយអូសបន្លាយយូរនៅមានប្រសិទ្ធភាពក្នុងការបង្ការជំងឺទឹកនោមផ្អែមរោគសញ្ញាឡើងឈាមជំងឺបេះដូងនិងជំងឺមហារីកមួយចំនួនផ្សេងទៀតផង។
គួរហូបម្នាស់ឲ្យបានច្រើន
តាមការស្រាវជ្រាវរបស់អ្នកវិទ្យាសាស្ដ្របានចង្អុលបង្ហាញថា ផ្លែម្នាស់មានផ្ទុកវីតាមីនE ច្រើនបំផុត ម្ល៉ោះហើយបើសិនជាហូបច្រើនដងក្នុងមួយថ្ងៃប្រហែល ១៥០ក្រ ម្នាស់ នឹងជួយ រាងកាយចៀសផុតពីជំងឺគ្រុនផ្ដាសាយ។ ម្នាស់ថែមទាំងមានលក្ខណៈកាត់ស្លេះខ្ពស់ ធ្វើឱ្យធូរបំពង់ក ម្នាស់អាចកៀបឱ្យក្លាយជាភេសជ្ជៈបំបាត់ស្រេកទឹកយ៉ាងឆ្ងាញ់ប៉ូវ។ ដើរលេងឆ្ងាយអាចស្ពាយម្នាស់ទាំងមូលចិត ហូបបណ្ដើរៗ ពីព្រោះវាយងាយស្រួលថែរក្សា ៕
