Khmer
English
Chinese
Frence
Vietnamese
Thai
តួកុនកូរ៉េKim Tae Hee សម្តែងជាមួយតួកុនជប៉ុន
ដោយ ៖ លោក ឯក ថ្ងៃទី 12 តុលា 2011ម៉ោង 02:39:29
ទូរទស្សន៍ជប៉ុន Fuji TV បានផ្សាយដំណឹងអំពីការត្រៀមបញ្ចាំងរឿងសោកនាដកម្មមួយឈ្មោះថា “Buku Star no 99 Ni Chi” ដែលរួមសម្ដែងដោយតារាប្រុសជាជនជាតិជប៉ុន Nishijima Hidetoshi និងតួស្រីគឺជាតារាភាពយន្ដកូរ៉េខាងត្បូងដ៏ល្បីល្បាញគឺកញ្ញា គីម តេហ៊ី (Kim Tae Hee)។ សម្រាប់ តារាជប៉ុនគឺជាលើកទី១ហើយដែលគេសម្ដែងរឿងបែបពាណិជ្ជកម្មនេះ។ នៅក្នុងរឿងមនោសញ្ចេតនាបែបកំប្លែងមួយនេះ Kim Tae Hee សម្ដែងជាតួនាង Han Yoo Na ដែលជាតារាកូរ៉េខាងត្បូងដ៏ល្បីឈ្មោះបំផុត ហើយរូបគេបានក្លាយជាទេពធីតាដែលធ្វើ ឱ្យNishijina ស្រឡាញ់នាងស្ទើរតែបាត់មុខមិនបាន ។ កញ្ញា Kim Tae Hee បានសារភាពថា “វាជាការសម្ដែងមួយដ៏សែន លំបាកបំផុត ក៏ប៉ុន្ដែវាអាចក្លាយទៅជាការសម្ដែងមួយដែលទាំងប្រជាជនកូរ៉េនិងទាំង ប្រជាជនជប៉ុនចាប់អារម្មណ៍និងចង់ទស្សនាបំផុត”។ ចំណែកតួប្រុសជប៉ុនវិញបានសម្ដែងអារម្មណ៍របស់ខ្លួនថា “ខ្ញុំមានការភ្ញាក់ផ្អើលជាទីបំផុតជានិច្ចកាល ខ្ញុំចង់សម្ដែងរឿងដែលពណ៌នាអំពីស្នេហាដែលចូលជ្រៅទៅក្នុងបេះដូងរបស់ខ្ញុំ ហើយខ្ញុំក៏ពេញចិត្ដនឹងសម្ដែងជាមួយនឹងតារាកូរ៉េខាងត្បូង Kim Tae Hee ម្នាក់នេះដែរ” ។
កញ្ញា Kim Tae Hee នៅពេលនេះមានការស្រេកឃ្លានយ៉ាងខ្លាំងនៅក្នុងការរៀនភាសា ជប៉ុនដើម្បីបម្រើឱ្យការថតខ្សែភាពយន្ដនេះ។ “ភាសាជប៉ុនគឺពិបាករៀនខ្លាំងណាស់ ក៏ប៉ុន្ដែការថតភាពយន្ដនេះអាចនឹងបង្កើនអារម្មណ៍របស់ប្រជាជនទាំងពីរកាន់តែខិតចូលជិតគ្នាថែមទៀត”។ កញ្ញា Kim Tae Hee ត្រូវបានប្រជាជនចាប់អារម្មណ៍យ៉ាងខ្លាំងតាំងពីនាង បានសម្ដែងរឿងរបស់ខ្សែភាពយន្ដរបស់កូរ៉េ ខាងត្បូងគឺរឿង “IRIS” ដែលនៅមុនពេលបញ្ចាំងនាងក៏ធ្លាប់ទៅឃោសនានៅប្រទេសជប៉ុនផងដែរ ៕
