Khmer
English
Chinese
Frence
Vietnamese
Thai
សរីរាង្គ៦មុខដែលត្រូវត្រួតពិនិត្យរៀងរាល់ព្រឹក
ដោយ ៖ នគរវត្ត ថ្ងៃទី 13 តុលា 2011ម៉ោង 10:26:46
សរីរាង្គទាំង៦មុខខាងក្រោមនេះវានឹងផ្ដល់សញ្ញាដល់យើងនៅពេលសុខភាពនិងរាងកាយរបស់យើងជួប ប្រទះនឹងបញ្ហាផ្សេងៗ។ ការពិនិត្យសរីរាង្គទាំង៦មុខជួយឱ្យយើងរកឃើញជំងឺតម្កាត់ផ្សេងៗ ងាយស្រួលទប់ស្កាត់ជាមុន។
1-ក្រចកដៃ
ប្រសិនបើមើលឃើញមានឆ្នូតស្រអាប់លើក្រចកដៃពណ៌លឿង-ត្នោត ឬឆ្នូតខ្មៅជាសញ្ញាបង្ហាញថា កោសិកាមានរបួសអាចជាដុំពកកំណាចនៃជំងឺមហារីក។ ប្រសិនបើរកឃើញនឹងឆាប់ព្យាបាលប្រមាណជាង៩៥% នៃករណីអាចព្យាបាលជា។ អាស្រ័យហេតុនេះអ្នកមិនត្រូវរំលងចោលឆ្នូតពណ៌ស្រអាប់នេះ ប្រសិនបើឃើញវាលេចចេញមកបង្ហាញជាសញ្ញា។ ប្រសិនបើអ្នកមើលឃើញឆ្នូតដែលពណ៌សស្ថិតនៅទទឹងលើផ្ទៃច្រកដៃ អមជាមួយនូវអាការៈអស់កម្លាំងថ្មីៗនេះទោះវាអាចជាដំណឹងអាក្រក់សម្រាប់ក្រលៀនរបស់អ្នក។ នេះអាចជាសញ្ញាមួយថាក្រលៀនកំពុងមិនអាចច្រោះប្រតូអ៊ីនរបស់អ្នកដូចធម្មតា ហើយរឿងនេះអាចនាំដល់ការខ្សោយក្រលៀន។ អាស្រ័យហេតុនេះសូមប្រញាប់ទៅពិនិត្យទឹកមូត្រដើម្បីរក ឃើញរោគសញ្ញា ។
2-រោមភ្នែក
ប្រសិនបើអ្នកឃើញភ្នែកតូចជាងមុនឬមានដុំពកស នោះអាចជាកត្ដាគ្រោះថ្នាក់ធ្ងន់ធ្ងរមួយចំពោះបេះដូង ដោយសារមានកម្រិតកូឡេស្ដេរ៉ូលខ្ពស់ ។
3-អំពីក្លៀក
ប្រសិនបើអ្នកឃើញស្បែកត្រង់ក្លៀកគគ្រាកគគ្រើមស្រអាប់ពណ៌នោះ គ្រោះថ្នាក់អ្នកអាចកើតជំងឺទឹកនោមផ្អែម។ មូលហេតុដោយសារ Insulin ក្នុងឈាមច្រើនជ្រុលអាចបង្កឱ្យកោសិកាស្បែកខុសប្រក្រតីដល់ការផ្ដុំកោសិកា Melanin។ រឿងនេះធ្វើឱ្យស្បែករបស់អ្នកមើលទៅស្រអាប់ពណ៌ជាងនិងមានអារម្មណ៍ថាក្រាស់ជាងមុន។ បាតុភូតនេះតែងតែកើតឡើងជាទូទៅនៅក្នុងក្លៀក ក ឬក្រលៀន។ ប្រសិនឃើញសញ្ញាទាំងនេះការវិភាគឈាមសាមញ្ញមួយអាចកំណត់មើល តើអ្នកមានជំងឺអ្វីឬអត់?
4-ស្បែកក្បាល
ឃើញមានសក់ស្ដើងជាងមុនវាអាចជាសញ្ញាថាសក់បានជ្រុះច្រើន។ មូលហេតុគឺដោយសារមានភាពមិនប្រក្រតីនៃក្រពេញទីរ៉ូអីត បណ្ដាលឱ្យសក់ត្រូវស្ងួត រឹង និងងាយបាក់។ ចូរទៅជួបគ្រូពេទ្យដើម្បីវាស់បរិមាណអ័រម៉ូនរំញោចទីរ៉ូអីត តើមាន ច្រើនពេកឬតិចពេកដើម្បីសម្រួលវាដោយការផឹកថ្នាំ។ ពេលឃើញស្បែក ស្ងួតដូចស្បែកពស់នេះជាការបង្ហាញឱ្យឃើញថា សរីរាង្គកំពុងតែមានជំងឺ ស្ដ្រែសយ៉ាងធ្ងន់ធ្ងរនាំទៅដល់ការផលិតច្រើនហួសនូវអ័រម៉ូន Cortisol។ ក្រៅពីនេះប្រព័ន្ធអង្គបដិបក្ខត្រូវចុះខ្សោយ(អ្នកងាយត្រូវគ្រុនចាញ់) ហើយដំណើរការបំប្លែងសារជាតិក៏ អាចធ្វើឱ្យស្បែកក្បាលត្រូវស្ងួតដែរ។ សាប៊ូកក់សក់កម្ចាត់អង្កែមួយចំនួននឹងអាចបន្ថយអប្បបរមាស្ថានភាពបែបនេះនៅលើស្បែកក្បាលរបស់អ្នក។ តែទន្ទឹមនេះគួរប្រឹងប្រែងគេងឱ្យបានច្រើនដកដង្ហើមវែងៗដើម្បីឱ្យសភាពនេះបាត់បង់ទៅវិញយ៉ាងរហ័ស ។
5-ភ្នែក
ឃើញរង្វង់មូលស្រអាប់ពណ៌យ៉ាងច្បាស់អ្នកត្រូវពិនិត្យឡើងវិញ តើបាន ផឹកទឹកគ្រប់គ្រាន់តាមបរិមាណចាំបាច់ឬទេក្នុងមួយថ្ងៃៗ។ រង្វង់មូលស្រអាប់ពណ៌អាចជាសញ្ញាពាក់ព័ន្ធដល់បាតុភូតតម្រងនោមធ្វើសកម្មភាពខ្សោយ។ ក្នុងករណីនេះអ្នកគប្បីទៅពិនិត្យសុខភាពដើម្បីកំណត់ឱ្យបានច្បាស់លាស់ ។
6-អណ្តាត
ប្រសិនបើឃើញមានស្រទាប់មួយពណ៌ស-លឿង ឬពណ៌ទឹកក្រូចលើអណ្ដាត ជាសញ្ញាថាអ្នកមានគ្រោះថ្នាក់ត្រូវរលាកឬមានដំបៅក្រពះ។ ស្រទាប់ពណ៌ទាំងនេះក្រាស់ឬស្ដើងសមាមាត្រទៅនឹងស្រទាប់ជាមួយ កម្រិតរលាកស្រាលឬធ្ងន់។ ក្រពះត្រូវក្ដៅក៏មានសញ្ញាដូចនេះដែរ។ អ្នកអាចព្យាបាលដោយឱសថប្រឆាំងអាស៊ីតឬសាមញ្ញជាងនេះគឺចៀសវាងចំណីអាហារជូរនិងហឺរ។ ប្រសិនបើវិធានការនេះមិនធូរស្បើយចូរអ្នកទៅជួបលោកវេជ្ជបណ្ឌិត ។៕
.jpg)
.jpg)
.jpg)