Khmer
English
Chinese
Frence
Vietnamese
Thai
ស្ត្រីផឹកកាហ្វេនឹងថយចុះគ្រោះថ្នាក់ទឹកនោមផ្អែម
ដោយ ៖ ម៉ាណាវី ថ្ងៃទី 13 តុលា 2011ម៉ោង 11:07:29
ស្ដ្រីដែលផឹកកាហ្វេ៤ពែងក្នុងមួយថ្ងៃមានកម្រិត SHBG ខ្ពស់ គ្រោះថ្នាក់នៃការកើតជំងឺទឹកនោមផ្អែកថយចុះ៥៦ភាគរយ ប្រៀបនឹងអ្នកមិនផឹកកាហ្វេ។ផឹកកាហ្វេ៤ពែងក្នុងមួយថ្ងៃអាចបន្ថយពាក់កណ្ដាលគ្រោះថ្នាក់កើតជំងឺទឹកនោមផ្អែមនៅស្ដ្រី។នេះជាការសន្និដ្ឋានរបស់អ្នកជំនាញការជាច្រើន។ ទំនាក់ទំនងរវាងកាហ្វេនិងការ ថយចុះគ្រោះថ្នាក់កើតជំងឺទឹកនោមផ្អែមតាំងពីយូរមកហើយត្រូវបានក្រុមអ្នកវិទ្យាសាស្ដ្រស្រាវជ្រាវនិងអះអាង។ ការស្រាវជ្រាវមួយនៅឆ្នាំ ២០០៤ ត្រូវបានប្រកាសក្នុងទស្សនាវដ្ដី Diabetes Care បាននិយាយថាកាហ្វេ អ៊ីនគឺមិនមិនបង្កគ្រោះថ្នាក់សម្រាប់អ្នកជំងឺទឹកនោមផ្អែម ព្រោះវាទប់ស្កាត់ការបំបែកបំផ្លាញគ្លុយកូស។ ឆ្នាំ២០០៦មានការស្រាវជ្រាវលើស្ដ្រី ២៨.៨១២នាក់ បានបង្ហាញថា ស្ដ្រីដែលផឹកកាហ្វេ៦ពែងក្នុងមួយថ្ងៃ មានគ្រោះថ្នាក់កើតជំងឺទឹកនោមផ្អែមទាបជាង២២ភាគរយប្រៀបនឹងអ្នកមិនផឹកកាហ្វេ។ កាហ្វេធ្វើឱ្យកើនកម្រិតអ័រមូនផ្លូវភេទ Globulin ចងភ្ជាប់ក្នុងឈាម(អ័រមូនចង់ភ្ជាប់ទំនាក់ទំនងផ្លូវភេទGlobulin/SHBG)។ កម្រិតខ្ពស់របស់ SHBG ត្រូវបានគេដឹងថា នឹងធ្វើឱ្យថយចុះគ្រោះថ្នាក់នៃជំងឺទឹកនោមផ្អែម។
ការស្រាវជ្រាវរបស់អ្នកស្រាវជ្រាវមួយក្រុមពីមហាវិទ្យាល័យកាលីហ្វ័រញ៉ា និងឡូសអេនចឺឡេស និងការប្រៀបធៀបប្រវត្ដិជំងឺនិងទម្លាប់ផឹកកាហ្វេរបស់ស្ដ្រី៣៥៩នាក់ ដែលមានជំងឺទឹកនោមផ្អែមនិង៣៥៩នាក់គ្មានជំងឺក្នុងរយៈពេល១០ឆ្នាំ។ លទ្ធផលគឺស្ដ្រីផឹកកាហ្វេ៤ពែងក្នុងមួយថ្ងៃមានកម្រិតSHBGខ្ពស់ជាង ហើយគ្រោះថ្នាក់ត្រូវកើតទឹកនោមផ្អែមថយចុះ៥៦ភាគរយប្រៀបនឹងអ្នកមិនផឹកកាហ្វេ។ ប៉ុន្ដែមិនត្រូវផឹកកាហ្វេច្រើនជ្រុល ព្រោះនៅទន្ទឹមនឹងមានឥទ្ធិពលរារាំងជំងឺទឹកនោមផ្អែមនោះ កាហ្វេក៏អាចបង្កនូវឥទ្ធិពលបន្ទាប់បន្សំផ្សេងៗ។ គួរផឹកតែក្នុងបរិមាណអនុញ្ញាត។ ដើម្បីឱ្យនឹងនចិត្ដចូរសួរយោបល់វេជ្ជបណ្ឌិតក្រោយពេល ពិនិត្យសុខភាព ៕
