Khmer
English
Chinese
Frence
Vietnamese
Thai
អ្នកលើសឈាមគួរបរិភោគដំឡូងបារាំង
ដោយ ៖ ម៉ាណាវី ថ្ងៃទី 13 តុលា 2011ម៉ោង 11:18:09
បរិភោគដំឡូងបារាំងច្រើនពុំត្រឹមតែមិនធ្វើឱ្យឡើងទម្ងន់ដូចដែលមនុស្សជាច្រើនតែងយល់ច្រឡំនោះឡើយ តែថែមទាំងមានប្រយោជន៍បញ្ចុះសម្ពាធឈាមទៀតផង សារព័ត៌មាន Daily Mail ស្រង់សំដីអ្នកជំនាញការជីវជាតិនៅមហាវិទ្យាល័យ Seranton (ផេន ស៊ីល វ៉ានៀ អាមេរិក) ឱ្យដឹងថ្ងៃ៣១សីហាថា ពួកអ្នកវិទ្យសាស្ដ្របានដាក់បន្ថែមមើមដំឡូងបារាំង៦-៨មើមមានទំហំប្រហាក់ប្រហែលគ្រាប់បាក់ហ្គោលទៅក្នុងអាហារថ្ងៃត្រង់និងពេលយប់របស់ជនជាតិអាមេរិក ដែលកើតជំងឺលើសឈាមនិងលើសទម្ងន់,ធាត់ចំនួន ១៨ នាក់។ ក្រោយរយៈពេលមួយខែសម្ពាធឈាមរបស់អ្នកចូលរួម ពិសោធន៍សុទ្ធតែមានសញ្ញាថយចុះប្រែប្រួលក្នុងប្រមាណ៤,៣ភាគរយចំពោះតួលេខវាស់សម្ពាធឈាមអប្បបរមានិង៣,៤ភាគរយ។ តួលេខវាស់សម្ពាធឈាមអតិបរមាក្នុងពេលវាស់ទម្ងន់របស់ពួកគេហាក់ដូចជាមិនផ្លាស់ប្ដូរ។ ពួកអ្នកវិទ្យាសាស្ដ្រនៅមហាវិទ្យាល័យ Seranton ក៏ឱ្យដឹងថា វិធីកែច្នៃដំឡូងបារាំងល្អបំផុតគឺទុកទាំង សម្បកអាំងក្នុងម៉ាយក្រូវ៉េវ។ “ថ្នាំ” បញ្ចុះសម្ពាធឈាមមានប្រសិទ្ធភាពនេះត្រូវបានធ្វើពីដំឡូងបារាំងអាំងគ្មានប្រេងប័រឬទឹកជ្រលក់ ត្រូវបរិភោគទៀង ទាត់២ដងក្នុងមួយថ្ងៃ។ ដំឡូងបារាំងនឹងធ្វើឱ្យថយចុះគ្រោះថ្នាក់ការឈឺបេះដូងនិងឈាមកកនៅខួរក្បាល។ ក្រៅពី នេះបរិភាគដំឡូងបារាំងអាំងឬស្ងោរកិនឱ្យម៉ដ្ឋជាប្រចាំក៏ល្អបំផុតសម្រាប់សុខភាពរបស់អ្នកកើតជំងឺសម្ពាធឈាមឬសរសៃឈាមបេះដូង។ មុនមហាវិទ្យាល័យ Seranton នេះការស្រាវជ្រាវរបស់វិទ្យាស្ថាន ស្រាវជ្រាវអាហារអង់គ្លេសក៏ធ្លាប់អះអាងថា សារជាតិ Kukoamine ដែលមានក្នុងដំឡូងបារាំងអាចកែប្រែឱ្យប្រសើរសុខភាព ជួយឱ្យ គេងលក់ស្រួលនិងបញ្ចុះសម្ពាធឈាម ៕
