Khmer
English
Chinese
Frence
Vietnamese
Thai
ការទស្សន៍ទាយសម្រាប់អ្នកកើតឆ្នាំថោះ
ដោយ ៖ នគរវត្ត ថ្ងៃទី 13 តុលា 2011ម៉ោង 14:06:57
សភាពទូទៅប្រចាំឆ្នាំ
ក្នុងឆ្នាំថោះនេះអ្នកកើតឆ្នាំរោងមានរាសីខ្ពស់និងមានលាភសំណាងល្អច្រើនជាងកាលពីឆ្នាំមុន។
ឱកាសទទួលបានជោគជ័យនៅក្នុងការងារក៏មានច្រើនដែរ។ នៅក្នុងការប្រកបការងារនិងរបរជួញដូរទាំងឡាយមនុស្សឆ្នាំរោងមិនគួរដាក់សម្ពាធខ្លាំងលើខ្លួនឯងទេ។ គួរវិនិយោគលើការងារណាដែលប្រាកដថានឹងផ្ដល់ជាប្រយោជន៍យូរអង្វែងនិងមិនគួរប្រថុយលើជំនួញឬគម្រោងធំៗទេព្រោះនេះមិនមែនជាឆ្នាំដែលស័ក្ដិសមសម្រាប់ការប្រថុយប្រថានឡើយ។
ដោយឡែកថាមពលជីវិតរបស់មនុស្សឆ្នាំរោងទាំងអស់នៅតែបន្ដចុះខ្សោយដូចឆ្នាំមុនជាហេតុធ្វើឱ្យបុគ្គលនេះងាយនឹងបាក់ទឹកចិត្ដមិនសូវស្វាហាប់ក្នុងការទប់ទល់នឹងបញ្ហាដែលកើតឡើងនៅក្នុងឆ្នាំនេះ។
ទោះជាយ៉ាងណាទាំងនេះមិនមែនជាបញ្ហាធំដុំសម្រាប់មនុស្សឆ្នាំរោងឡើយ ពីព្រោះគេជាបុគ្គលមានលក្ខណសម្បត្ដិពិសេសគឺការប្ដេជ្ញាចិត្ដខ្ពស់ និងការជឿជាក់លើខ្លួនឯង។
មិនត្រឹមតែប៉ុណ្ណោះគេអាចទទួលបានការលើកទឹកចិត្ដនិងជ្រោមជ្រែងច្រើនពីមនុស្សជុំវិញខ្លួនទាំងនេះជាហេតុធ្វើឱ្យគេងាយងើបនិងស្ដារខ្លួនឡើងវិញ ។
មួយទៀតមនុស្សឆ្នាំរោងគួរយកចិត្ដទុកដាក់ទៅលើសុខភាពឱ្យបានល្អប្រសើរដើម្បីត្រៀមខ្លួនទទួលយកនូវឱកាសល្អៗនិងជោគ ជ័យធំៗនៅក្នុងឆ្នាំខាងមុខទៀត។
- ឆ្នាំរោងធាតុដែកអាយុ៧១ឆ្នាំនិង១១ឆ្នាំ
ជាអ្នកមានសុខភាពរឹងមាំដែលជារឿងគួរឱ្យរីករាយ។ ស្ថានភាពហិរញ្ញវត្ថុធ្លាក់ចុះហើយការងារ ឬការប្រកបរបរជួញដូរនានាក៏មិនសូវទទួល បានជោគជ័យឡើយ។ ទោះជាយ៉ាងណាអ្នកនឹងបានទទួលភាពរីករាយពេញមួយឆ្នាំ។
- ឆ្នាំរោងធាតុទឹក អាយុ៥៩ឆ្នាំ
ជាអ្នកដែលមានសំណាងជាងគេក្នុងចំណោមអ្នកកើតឆ្នាំរោងទាំងអស់នៅក្នុងឆ្នាំនេះ។ អ្នកនឹងរីករាយដោយសារទទួលបានជោគ សំណាងខាងលុយកាក់ច្រើននិងមានសុខភាព ល្អជាប្រក្រតី ទោះជាពេលខ្លះអាចឆ្លងរោគផ្ដាសាយនិងឈឺសាច់ដុំបន្ដិចបន្ដួចក៏ដោយ។
មនុស្សឆ្នាំរោងនេះអាចទទួលជំនួយឬ ការជ្រោមជ្រែងពីមនុស្សនៅជុំវិញខ្លួនដែលអាចធ្វើឱ្យគេទទួលជោគជ័យគួរជាទីពេញចិត្ដ នៅក្នុងការងារ។
ជោគសំណាងទាំងអម្បាលម៉ានអាចធ្វើឱ្យមនុស្សនេះមានអារម្មណ៍រីករាយជាងឆ្នាំមុន។
- ឆ្នាំរោងធាតុឈើ អាយុ៤៧ឆ្នាំ
មានសុខភាពមាំមួនជាធម្មតាតែមិនសូវមានជោគសំណាងក្នុងការងារនិងទ្រព្យសម្បត្ដិ ឡើយ។
អ្នកកើតឆ្នាំនេះត្រូវគិតពិចារណាឱ្យបានល្អិតល្អន់រាល់ការចំណាយនានាដើម្បីការពារកុំឱ្យមានការខាតបង់ធំដុំ។
គេគួរដាក់ទឹកនៅទិសខាងកើត និងទិសអាគ្នេយ៍ក្នុងផ្ទះឬកន្លែងធ្វើការដើម្បីឱ្យទទួលបានជោគជ័យ និងលាភសំណាងខាងលុយកាក់ក្នុងឆ្នាំនេះ។
- ឆ្នាំរោងធាតុភ្លើង អាយុ៣៥ឆ្នាំ
មនុស្សនេះមានជោគសំណាងទទួលបាន ទ្រព្យមហាសាល។ ទោះជាយ៉ាងណាគួរផ្ដោតការយកចិត្ដ ទុកដាក់លើការងារ ព្រោះឆ្នាំនេះជារយៈកាលដ៏សំខាន់សម្រាប់បង្កើតការងារគ្រឹះរបស់ គេ។
ការខិតខំប្រឹងប្រែងតែងតែផ្ដល់នូវលទ្ធផលគួរជាទីពេញចិត្ដទោះជាយូរឬក៏ឆាប់ក៏ដោយ។
- ឆ្នាំរោងធាតុដី អាយុ២៣ឆ្នាំ
គួរតែប្រយ័ត្នប្រយែងរឿងសុខភាព ព្រោះទំនាយប្រចាំឆ្នាំបានបង្ហាញពីបញ្ហាផ្នែកសុខភាព។
ចៀសវាងការធ្វើដំណើរទៅមន្ទីរពេទ្យ ឬកន្លែងដែលមានបរិយាកាសអាប់អួរ។ សម្រាកលម្ហែហូបស្អាត រស់នៅស្អាត គឺជាគន្លឹះសម្រាប់សុខភាពល្អ។
លុយកាក់ និងការងារមានសភាពជាធម្មតាទោះបីមិនសូវមានការរីកចម្រើនក៏ដោយ។