Khmer
English
Chinese
Frence
Vietnamese
Thai
តារាសម្ដែងLindsayLohanត្រូវជាប់ពន្ធនាគារ៣០ថ្ងៃ
ដោយ ៖ ភារៈ ថ្ងៃទី 03 វិច្ឆកា 2011ម៉ោង 17:10:15
តារាសម្ដែងដែលសំបូររឿងអាស្រូវ របស់សហរដ្ឋអាមេរិក Lindsay Lohan ត្រូវបានកាត់ទោសឱ្យជាប់ពន្ធនគារយៈពេល៣០ថ្ងៃ។ ប៉ុន្ដែនាងអាចនៅក្រៅ ឃុំ១ទៅ២ថ្ងៃដោយសារតែពន្ធនាគារ នៅរដ្ឋការលីហ្វ័រនីញ៉ា សហរដ្ឋអាមេរិកមានអ្នកទោសច្រើនពេក ។
តារាសម្ដែងវ័យ២៥ឆ្នាំរូបនេះអាចមានឱកាសចុះកិច្ចសន្យាជាមួយទស្សនាវដ្ដី Playboy ដើម្បីថតស្រាតបានមុន ពេលចូលខ្លួនទៅកាន់ពន្ធនាគារនៅ សបា្ដហ៍ក្រោយ។ ចៅក្រម Stephanie Sautnerបានកាត់សេចក្ដីឱ្យនាង Lohan ជាប់ពន្ធនាគារចំនួន៣០ថ្ងៃបន្ទាប់ពី នាងសារភាពថា នាងបានបំពានទៅលើ ការដាក់ផាកពិន័យដែលត្រូវបានចោទប្រកាន់លើកមុន ។
នាងLohanត្រូវបានឃុំខ្លួននៅក្នុងផ្ទះ របស់ខ្លួនចំនួន៣៥ថ្ងៃកាលពីខែឧសភា ក្រោយពីបានចោទប្រកាន់ពីបទលួច យកខ្សែ.កតំលៃ២៥០០ដុល្លារពីហាង លក់គ្រឿងអលង្ការមួយកន្លែងនៅក្បែរផ្ទះ របស់នាង។ នាងLohan ក៏បានបំពាននឹង ការដាក់ទណ្ឌកម្មមួយផ្សេងទៀតដែល បានចោទប្រកាន់នាងថាបានប្រើប្រាស់ គ្រឿងញៀន និងគ្រឿស្រវឹង ។
គួរបញ្ជាក់ថាLohanត្រូវបានចាប់ ខ្លួនជាច្រើនលើកច្រើនសារហើយកាល ពេលថ្មីៗនេះ ប៉ុន្ដែត្រូវបានដោះលេង មកវិញតាមនីតិវិធីច្បាប់។ ប៉ុន្ដែនៅ ពេលនេះទំនងជាមិនអាចមានការដាក់ឱ្យនៅក្រៅឃុំទៀតឡើយ ៕
.jpg)
