Khmer
English
Chinese
Frence
Vietnamese
Thaiលោក ខៀវ កាញារីទ្ធ សម្ពោធសៀវភៅប្រវត្តិសាស្ត្រថៃ និងទស្សនាវដ្តីខ្ញុំ
ដោយ ៖ សាគុណៈ|ថ្ងៃទី 07 វិច្ឆកា 2011 ម៉ោង 18:06:43
ភ្នំពេញ ៖ គ្រឹះស្ថានបោះពុម្ភផ្សាយនគរវត្តបានប្រារព្ធពិធីសម្ពោធសៀវភៅប្រវត្តិសាស្ត្រថៃ និងទស្សនាវដ្តីខ្ញុំ នារសៀលថ្ងៃទី ០៧ វិច្ឆកា ២០១១ នៅភោជនីយដ្ឋាននាវា ក្រុងតាខ្មៅ ក្រោមអធិបតីភាពលោក ខៀវ កាញារីទ្ធ រដ្ឋមន្ត្រីក្រសួងព័ត៌មាន និងលោកជំទាវឧកញ៉ា សៀង ចាន់ហេង ប្រធានក្រុមហ៊ុន ហេងអភិវឌ្ឍន៍ និងជាអគ្គនាយិកាគ្រឹះស្ថានបោះពុម្ភ ផ្សាយនគរវត្តដោយមានការចូលរួមពីសំណាក់អស់លោក លោកស្រី ជារដ្ឋលេខាធិការអនុរដ្ឋលេខាធិការទីប្រឹក្សានៃក្រសួងព័ត៌មាននិងសិក្សានុសិស្សយ៉ាងច្រើនកុះករ ។
លោកជំទាវឧកញ៉ា សៀង ចាន់ហេង បានថ្លែងថា លោកជំទាវ និងសហការីបាន ខិតខំទាំងកម្លាំងកាយចិត្ត និងស្មារតី ដើម្បីចូលរួមចំណែកក្នុងកិច្ចការស្តារ និងអភិវឌ្ឍន៍ធន ធានមនុស្ស ពិសេសវិស័យអប់រំ និងសិក្សាធិការជាតិនៅកម្ពុជាឲ្យរីកដុះដាល មានភាព ចម្រើនជឿនលឿន ស្របតាមគោលនយោបាយអប់រំជាតិ ក៏ដូចរាជរដ្ឋាភិបាលកម្ពុជា ហើយសមិទ្ធផលដែលសម្ពោធនាថ្ងៃនេះ ក៏ជាការបើកទំព័រប្រវត្តិសាស្ត្រថ្មីមួយទៀត ដើម្បី រួមចំណែកធានាដល់គុណភាពសិក្សាអប់រំនៅកម្ពុជា ។ តាមរយៈសមិទ្ធផលនាពេលនេះ លោកជំទាវឧកញ៉ា មានជំនឿជឿជាក់ថា បណ្តាឯកសារទាំងនេះ ពិតជាថ្នាលបណ្តុះគ្រាប់ ពូជវិជ្ជា ប្រកបដោយគុណភាព និងប្រសិទ្ធភាពខ្ពស់ ស្របតាមបទដ្ឋានអប់រំជាតិក្នុងតំបន់ ពិសេសនោះគឺមានទិសដៅដើរស្របទៅនឹងការអភិវឌ្ឍនៃសហគមន៍អាស៊ាន ដោយហេតុ ថា រាជរដ្ឋាភិបាល និងអាស៊ានជាដៃគូ ហើយបានលើកកម្ពស់ និងផ្តោតការយកចិត្តទុក ដាក់ខ្ពស់ទៅលើគុណភាពនៃវិស័យអប់រំ ។
លោកជំទាវឧកញ៉ា សៀង ចាន់ហេង បានបញ្ជាក់ថា គោលបំណងដែលលោកជំទាវ បង្កើតទស្សនាវដ្តីខ្ញុំ និងបកប្រែសៀវភៅស្តីពី ប្រវត្តិសាស្ត្រថៃ នេះឡើងគឺៈ ដើម្បីរួមចំ ណែកក្នុងការពង្រឹងប្រព័ន្ធអប់រំ តាមរយៈការបោះពុម្ពផ្សាយសៀវភៅជាភាសាខ្មែរឲ្យបាន ច្រើន, ជួយពង្រឹងការអានរបស់ប្រជាពលរដ្ឋកម្ពុជា ពិសេសសិស្ស និសិត្ស តាមរយៈការ បោះពុម្ពសៀវភៅ ដែលប្រកបដោយគុណភាព និងមានការត្រួតពិនិត្យអត្ថបទត្រឹមត្រូវ ច្បាស់លាស់, បោះពុម្ពឯកសារសិក្សាស្រាវជ្រាវ ដែលទាក់ទងនឹងប្រវត្តិសាស្ត្រ អក្សរ សាស្ត្រ ,វប្បធម៌ ,សិល្បៈ ,តន្ត្រី និងឯកសារស្រាវជ្រាវផ្សេងៗទៀតដែលជាតម្រូវការអ្នក សិក្សា, ជាការឆ្លើយតបទៅនឹងបញ្ហាកង្វះខាតឯកសារ ក្នុងការសិក្សាស្រាវជ្រាវរបស់សិស្ស និស្សិត ថ្នាក់ឧត្តមសិក្សា, និងជាការបើកចំហរជើងមេឃថ្មីមួយសម្រាប់អ្នកស្រាវជ្រាវសិក្សា អប់រំជាដើម ។ ឆ្លៀតក្នុងឱកាសនោះដែរលោកជំទាវឧកញ៉ា ក៏បានប្រកាសនូវការបង្កើត មូលនិធិអប់រំសម្រាប់ការសិក្សាស្រាវជ្រាវកម្ពុជា ដែលនិសិត្សបញ្ចប់ថ្នាក់បរិញ្ញាបត្រអាចមក សិក្សាស្រាវជ្រាវបានជាទូទៅ ។ មូលនិធិអប់រំ សិក្សាស្រាវជ្រាវកម្ពុជានេះ មានទឹកប្រាក់ សរុបចំនួន ១៨.០០០ដុល្លារអាមេរិក សម្រាប់ការស្រាវជ្រាវក្នុង១ឆ្នាំ ។ លោកជំទាវឧកញ៉ា បានបញ្ជាក់ផងដែរថា មូលនិធិអប់រំស្រាវជ្រាវនេះ គឺមានគោលបំណងផ្តល់ជូនទៅអ្នក សិក្សាស្រាវជ្រាវជាជនជាតិខ្មែរ ដោយផ្តោតសំខាន់ទៅលើផ្នែកសង្គមសាស្ត្រមនុស្សសាស្ត្រ និងបុរាណវិទ្យា ដែលក្នុងនោះនឹងផ្តល់ជូនចំពោះនិស្សិតដែលត្រៀមធ្វើសារណា ដើម្បីបញ្ចប់ថ្នាក់បរិញ្ញាបត្រ និងអ្នកស្រាវជ្រាវទូទៅ មកពីមជ្ឈដ្ឋានចំនួនបីគឺៈ និសិត្សសា កលវិទ្យាល័យភូមិន្ទភ្នំពេញ ចំនួន២០នាក់ ក្នុងទឹកប្រាក់ ៩.០០០ដុល្លារអាមេរិក, និសិត្សសា កលវិទ្យាល័យភូមិន្ទវិចិត្រសិល្បៈ ចំនួន១០នាក់ ក្នុងទឹកប្រាក់ចំនួន ៤.៥០០ដុល្លារអាមេរិក, និងអ្នកស្រាវជ្រាវទូទៅជុំវិញបរិបទកម្ពុជា ចំនួន១០នាក់ ក្នុងទឹកប្រាក់ចំនួន ៤.៥០០ដុល្លារ អាមេរិក ។
លោកជំទាវឧកញ៉ាបានលើកឡើងថា ស្របនឹងគោលនយោបាយចតុកោណរបស់ រាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខ ដែលសម្តេចតែងតែយកចិត្តទុកដាក់ជានិច្ចចំពោះការសិក្សារបស់ក្មួយៗ ជាពិសេស សិស្ស និសិត្ស ។ ដោយឃើញនូវការយកចិត្តទុកដាក់ដ៏ខ្ពស់របស់សម្តេចនេះហើយ ទើបលោកជំ ទាវឧកញ៉ា បានបង្កើតមូលនិធិនេះឡើង ដើម្បីចូលរួមចំណែកជាមួយនិងរាជរដ្ឋាភិបាល ក្នុងការលើកកម្ពស់គុណភាពអប់រំនៅកម្ពុជា ឲ្យកាន់តែមានប្រសិទ្ធភាព ឈានឡើងមួយ កម្រិតទៀត ។
លោករដ្ឋមន្ត្រី ខៀវ កាញារីទ្ធ បានកោតសរសើរដល់លោកជំទាវឧកញ៉ា សៀង ចាន់ ហេង ដែលបានខិតខំបង្កើតនូវគ្រឹះស្ថានបោះពុម្ពផ្សាយសៀវភៅ និងឯកសារប្រវត្តិសាស្ត្រ និងបង្កើតមូលនិធិអប់រំសិក្សាស្រាវជ្រាវ សម្រាប់សិស្ស និសិត្ស ធ្វើឲ្យសិស្ស និសិត្សយើង មានឱកាសសិក្សាស្រាវជ្រាវ នូវប្រវត្តិសាស្ត្រ និងបញ្ហាសង្គម ។ លោករដ្ឋមន្ត្រីបានថ្លែងថា ទោះបីលោកជំទាវឧកញ៉ា ជាពាណិជ្ជករខ្មែរមួយរួប តែលោកជំទាវតែងតែបានគិតគួរដល់ វិស័យអប់រំ វប្បធម៌ សិល្បៈ និងបានខិតខំស្រាវជ្រាវឯកសារជាច្រើន ដើម្បីយកមកបោះពុម្ព ជាសៀវភៅ សម្រាប់សិស្ស និសិត្ស សិក្សាស្រាវជ្រាវបន្ត ។ ការគិតគួររបស់លោកជំទាវ ទៅលើវិស័យអប់រំនេះ គួរឲ្យកោតសសើរ ហើយជាគំរួមួយដែលយើងគួរតែយកតម្រាប តាមទៅថ្ងៃក្រោយ ។
លោករដ្ឋមន្ត្រីបានថ្លែងទៀតថា ការបោះពុម្ពសៀវភៅនេះ គឺជាការ មួយជួយសម្រួលដល់សិស្ស និសិត្សរបស់យើង ក្នុងការស្វែងរកនូវឯកសារផ្សេងៗ ដើម្បី សិក្សារៀនសូត្រ ។ លោករដ្ឋមន្ត្រីបានលើកឡើងថា បន្តិចទៀតសេដ្ឋកិច្ចផ្អែកលើចំណេះ ដឹង ព្រោះថានៅឆ្នាំ២០១៥ ខាងមុខនេះ សហគមន៍អាស៊ាននឹងបង្កើតឡើង ដូច្នេះទាមទារ ឲ្យយើងទាំងអស់គ្នាមានចំណេះដឹងខ្ពស់ ដើម្បីប្រកួតប្រជែងគ្នារវាងប្រទេស អាស៊ាន ទាំង១០ ហើយយើងមិនអាចថា នរណាមកដណ្តើមទីផ្សាររបស់យើងបានទេ គឺយើងត្រូវ តែខិតខំខ្លួនឯង ក្នុងការដណ្តើមទីផ្សារនៅក្នុងតំបន់អាស៊ាន ។ លោករដ្ឋមន្ត្រី បានបញ្ជាក់ ថា នៅពេលនោះបើយើងមានសញ្ញាបត្រអ្វីមួយគឺប្រទេសអាស៊ានទាំង១០ ទទួលស្គាល់ ហើយយើងអាចទៅធ្វើការនៅប្រទេសណាមួយនៅក្នុងអាស៊ានបានទាំងអស់ ដូច្នេះហើយ ក្មួយៗ សិស្ស និសិត្សទាំងអស់ត្រូវតែខិតខំប្រឹងប្រែងដោយខ្លួនឯង ដើម្បីយកជ័យជំនះ ក្នុងការងាររបស់ខ្លួន ៕
