Khmer
English
Chinese
Frence
Vietnamese
Thai
ខ្សឹបដាក់ត្រចៀក ៖ ហេតុអ្វីអាជ្ញាធរខេត្ដសៀមរាប មិនព្រមប្រគល់ប្លង់រឹងជូនពលរដ្ឋ១១២គ្រួសារ?
ដោយ ៖ សហការី ថ្ងៃទី 08 វិច្ឆកា 2011ម៉ោង 14:28:24
ប្រជាពលរដ្ឋ១១២គ្រួសាររស់នៅភូមិតាភុល សង្កាត់ស្វាយដង្គុំ ក្រុងសៀមរាប បានខ្សឹបខ្សៀវប្រាប់នគរវត្ដឱ្យដឹងពីចម្ងល់មួយចំនួនដើម្បីឱ្យលោកស៊ូ ភិរិន្ទ អភិ បាលខេត្ដសៀមរាបឱ្យបានជ្រ*ាបផងថា ហេតុអ្វីបានជាអាជ្ញាធរខេត្ដសៀមរាបមិន ព្រមចេញប្លង់រឹង(ប្លង់ L.MAP) ទៅឱ្យប្រជាពលរដ្ឋកាន់កាប់ស្របច្បាប់ផង?
ប្រជាពលរដ្ឋទាំងនោះបានខ្សឹបបន្ដថា ក្នុងចំណោមពលរដ្ឋជាង៤០០គ្រួសារនៅ ភូមិតាភុល គឺមានប្រជាពលរដ្ឋប្រមាណ១១២គ្រួសារប៉ុណ្ណោះមិនទាន់ទទួលប្លង់រឹង នៅឡើយទេ ក្រៅពីនេះបានទទួលអស់ហើយ ។ គេមិនដឹងថា តើមូលហេតុអ្វីបាន ជាអាជ្ញាធរខេត្ដសៀមរាបផ្អឹបទុកប្លង់រឹងទាំងនោះដើម្បីអ្វីនោះឡើយ ព្រោះថាកាល ពីឆ្នាំ២០០៧ អង្គការក្រៅរដ្ឋាភិបាលមួយបានចំណាយលុយយ៉ាងច្រើនសន្ធឹកសន្ធាប់ សម្រាប់ធ្វើប្លង់រឹងឱ្យប្រជាពលរដ្ឋជាង៤០០គ្រួសារប្រើប្រាស់ឱ្យបានស្របច្បាប់ ។ ប៉ុន្ដែមកដល់ពេលនេះអស់រយៈពេល៤ឆ្នាំទៅហើយ បែរជាមានគ្រួសារខ្លះទទួលបាន ប្លង់រឹង និងគ្រួសារខ្លះទៀតមិនទទួលបានប្លង់រឹង ។ តើនេះបណ្ដាលមកពីមូលហេតុអ្វី? ចម្ងល់នេះត្រូវបានលេចឮដល់មន្ទីរដែនដី នគរូបនីយកម្ម និងសំណង់ខេត្ដសៀមរាប ហើយត្រូវបានគេប្រាប់ថា “សាលាខេត្ដមិនចេញប្លង់រឹងឱ្យពលរដ្ឋទាំង១១២គ្រួសារ នោះទេ ដ្បិតលំនៅឋានរបស់ពួកគាត់រស់នៅក្នុងដីតំបន់អាជ្ញាធរអប្សរា”។ ពេលឮ ដំណឹងនេះភ្លាម ធ្វើឱ្យអ្នកភូមិ១១២គ្រួសារនាំគ្នាគក់ទ្រូង និងគិតថាជារឿងមួយមិន គួរឱ្យជឿសោះ ។ ពីព្រោះថាប្រសិនបើតំបន់នេះជាតំបន់គ្រប់គ្រងដោយអាជ្ញាធរ អប្សរាមែននោះ ចុះហេតុអ្វីពេលធ្វើប្លង់ អាជ្ញាធរចេញលិខិតឱ្យពលរដ្ឋទៅធ្វើ និង ឱ្យតវ៉ាប្រសិនបើមានបញ្ហាអ្វីមួយ ។
ដោយឡែកការបិទប្រកាសឱ្យតវ៉ាចូលជាធរមានតាមទម្រង់ច្បាប់រួចទៅហើយ ដែរ ក្រោមការឃ្លាំមើលពីសំណាក់អង្គការ L.MAP ថាត្រឹមត្រូវទៅទៀត ។ ចុះ ហេតុអ្វីគ្រួសារខ្លះបាន ឯគ្រួសារខ្លះទៀតមិនបាន? លើសពីនេះទៅទៀតអ្វីដែលគួរឱ្យ អស់សំណើច គឺគ្រួសារខ្លះមានព្រំដីជាប់គ្នាសោះខ្លះទទួលបានប្លង់ ខ្លះមិនបានវិញ?
ទោះជាយ៉ាងណាក៏ដោយ មានប្រភពព័ត៌មានមួយបានភ្លយមាត់ឱ្យដឹងថា ការ ពិតប្លង់ L.MAP របស់គ្រួសារទាំង១១២នោះមានរួចទៅហើយ ដោយគ្រាន់តែគេ ផ្អឹបទុកមួយរយៈប៉ុណ្ណោះ ដោយហេតុថាបើយកទៅចែកភ្លាម នឹងខាតបង់លុយកាក់ ក្រោមតុ ។ មានលិខិតស្នើសុំការអនុញ្ញាតចែកប្លង់រឹងនេះដល់ដៃលោកអភិបាល ខេត្ដរួចទៅហើយ ដូច្នេះនៅសល់តែលោកចុះហត្ថលេខាប៉ុណ្ណោះ ។ នេះប្រហែលជា មន្ដ្រីថ្នាក់ក្រោមរបស់លោកអភិបាលខេត្ដលាក់លៀមបញ្ហានេះ ដើម្បីផលប្រយោជន៍ អ្វីមួយជាមិនខាន ទើបលោកមិនបានជ្រាបហើយចេះតែពន្យារពេលធ្វើឱ្យប្រជា ពលរដ្ឋទន្ទឹងរង់ចាំយ៉ាងអន្ទះសា ។
ប្រជាពលរដ្ឋសង្ឃឹមថា លោកអភិបាលខេត្ដពិតជាមិនព្រងើយកន្ដើយអំពីបញ្ហា នេះទេ គឺលោកនឹងយកទៅចែកជូនពលរដ្ឋដោយផ្ទាល់ដៃមុនពេលបោះឆ្នោតអាណត្ដិ ទី៤ខាងមុខនេះ ៕
.jpg)
