Khmer
English
Chinese
Frence
Vietnamese
Thaiខ្សឹបដាក់ត្រចៀក ៖ តាត សុជាតិ អាងជាទីប្រឹក្សាបន្ដរកស៊ីដឹកឈើ
ដោយ ៖ សហការី|ថ្ងៃទី 22 វិច្ឆកា 2011 ម៉ោង 11:09:25
កាលពីប៉ុន្មានថ្ងៃមុន សមត្ថកិច្ចចុះរឹបអូសឈើគ្រញូងនៅក្នុងលំនៅឋានរបស់ ឈ្មោះតាត សុជាតិ ដែលជាទីប្រឹក្សាមន្ដ្រីជាន់ខ្ពស់ ។ របររកស៊ីដែលធ្វើឱ្យប៉ះពាល់ ដល់កិត្ដិយសថ្នាក់ដឹកនាំនេះមិនត្រូវបានបុរសឈ្មោះតាត សុជាតិ លះបង់នោះទេ។ គេរាយការណ៍ថា លោកតាត សុជាតិ នៅតែបន្ដរកស៊ីនាំឈើប្រណីតទៅបរទេស តាមរយៈរថយន្ដកូរ៉េ ដែលបិទឃ្លុបជិតដូចរថយន្ដដឹកទឹកកកអនាម័យ ។
នៅភ្នំពេញកាលដើមឡើយ លោកតាត សុជាតិ មានទីកន្លែងលាក់ឈើជាច្រើន ទីតាំង ដូចជានៅម្ដុំបឹងសាឡាង និងនៅជិតផ្ទះរបស់គាត់ ដែលសមត្ថកិច្ចចូលទៅ រឹបអូសកាលពីសបា្ដហ៍មុន ។ ឥឡូវនេះទៀត គាត់នៅតែបន្ដរកស៊ី ដែលធ្វើឱ្យប៉ះ ពាល់ដល់កិត្ដិយស និងសេចក្ដីថ្លៃថ្នូររបស់ថ្នាក់ដឹកនាំ ដែលបានយកលោកតាត សុជាតិ ធ្វើជាទីប្រឹក្សា ។ ប្រភពខ្សឹបថា នៅជិតៗផ្ទះរបស់លោកតាត សុជាតិ និង វិហារសាសនាមួយជាកន្លែងលាក់ឈើរបស់លោកតាត សុជាតិ ។
បើតាមសេចក្ដីរាយការណ៍បានឱ្យដឹងថា រថយន្ដដឹកឈើជាប្រភេទរថយន្ដ១ តោនកន្លះ បិទឃ្លុបជិតដូចរថយន្ដដឹកទឹកកក ធ្វើដំណើរទៅកាន់ប្រទេសវៀតណាម ដែលពង្វាងសមត្ថកិច្ចតាមផ្លូវជាតិលេខ៨ ឬតាមផ្លូវជាតិលេខ២១ និងផ្លូវជាតិ លេខ១ផងដែរ ។ ប៉ុន្ដែអ្វីដែលជារឿងសំខាន់នោះ គឺការដែលលោកតាត សុជាតិ យកតួនាទីជាទីប្រឹក្សារកស៊ីដឹកឈើ មិនព្រមរាងចាល...៕
