Khmer
English
Chinese
Frence
Vietnamese
Thaiខ្សឹបដាក់ត្រចៀក ៖ ហែម មុន្នី កំពុងពង្រាយនគរបាល សេដ្ឋកិច្ចក្រសួងដាក់តាមផ្លូវជាតិនៅក្នុងទឹកដីខេត្ដកណ្ដាល
ដោយ ៖ សហការី|ថ្ងៃទី 30 វិច្ឆកា 2011 ម៉ោង 11:46:28
លោកហែម មុន្នី ដែលបានកាន់កាប់សម្រាប់ការដាក់កម្លាំងនគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃនៅតាមបណ្ដាផ្លូវជាតិមួយចំនួនក្នុងទឹកដីខេត្ដ កណ្ដាលនោះ កំពុងតែជះឥទ្ធិពលដ៏អាក្រក់នៅពេលដែលកម្លាំងរបស់ខ្លួន តែងតែ ចេញធ្វើសកម្មភាពកាក់រថយន្ដដឹកទំនិញបង្ខំឱ្យឈ្មួញបង់ប្រាក់ ។
លោកហែម មុន្នី បានដាក់កម្លាំងរបស់ខ្លួនឱ្យឈរជើងចល័តចុះចល័តឡើងនៅ កំណាត់ផ្លូវជាតិលេខ១ លេខ២ លេខ៣ លេខ៦អា និងផ្លូវជាតិលេខ២១បេ ដែល មានគ្នាប្រមាណពី៧-៨នាក់ ។ កម្លាំងរបស់ហែម មុន្នី សុទ្ធតែធានាក្នុងការរក ប្រាក់បំពេញឱ្យហែម មុន្នី សម្រាប់យកទៅបង់ឱ្យថ្នាក់លើ ហើយជាទូទៅគេបានដាក់កម្លាំង ឈរជើងជាមួយក្រុមគយ ពីព្រោះក្រុមគយបានសហការគ្នាជាមួយ ហែម មុន្នី ជៀសវាងការបង្ក្រាបរបស់គ្រុមនគរបាលសេដ្ឋកិច្ច ហើយធ្វើឱ្យបាត់ បង់ប្រយោជន៍រៀងខ្លួន ដូច្នេះបើទោះជាលោកហែម មុន្នីមិនបានដាក់ប៉ុស្ដិ៍ជាប្រចាំ នៅតាមកំណាត់ផ្លូវជាតិទាំងនោះក៏ដោយ ក៏ខាងក្រុមគយរៀបចំទុកសេវារបស់ខ្លួនរួចជាស្រេច ។
លោកហែម មុន្នី ពេលដែលយកកម្លាំងរបស់ខ្លួនទៅដាក់ដ៏ប្រសេកប្រសាចនៅ ឃុំរកាខ្ពស់ ស្រុកស្អាង ខេត្ដកណ្ដាល លើកំណាត់ផ្លូវជាតិលេខ២១បេដែល មិនទាន់នឹង មានការឯកភាពពីអភិបាលខេត្ដកណ្ដាលផង ក្រុមនគរបាលរបស់ហែម មុន្នី ហាក់ ដូចជាជ្រួលច្របល់បង្កើតភាពអនាធិបតេយ្យដាក់ឡានជ្រាេ*ចីនគ្រឿងចតសម្រាប់ ប្រដេញឡានដឹកទំនិញ ដែលមន្ដ្រីអាជ្ញាធរមូលដ្ឋានបានរិះគន់ថា មិនដឹងជាលោក ហែម មុន្នី ត្រូវចំណាយទៅលើលិខិតបេសកកម្មនេះប៉ុន្មាននោះទេសម្រាប់ការ ដាក់ប៉ុស្ដិ៍យកប្រាក់ពីក្រុមឈ្មួញដឹកទំនិញឆ្លងកាត់ខេត្ដកណ្ដាល ? ទង្វើរបស់ហែម មុន្នី កំពុងតែផ្ទុយទៅនឹងគោលការណ៍របស់អគ្គស្នងការនគរបាលជាតិ ដែលតម្រូវឱ្យ ទប់ស្កាត់បទល្មើសសេដ្ឋកិច្ចដូចជា ចំណីអាហារមានជាតិពុល បទល្មើសជលផល និងបទល្មើសព្រៃឈើ ប៉ុន្ដែតួនាទីរបស់ហែម មុន្នី ដែលឈរជើងនៅខេត្ដកណ្ដាល គឺសម្រាប់ទប់ស្កាត់ចំណីអាហារមានជាតិពុល ឬទំនិញគេចពន្ធ ប៉ុន្ដែឈ្មួញឈើក៏ មិនអាចគេចផុតពីក្រសែភ្នែករបស់កម្លាំងរបស់ហែម មុន្នី បានឡើយ ។
រយៈពេលជិត១ខែនេះ នៅពេលដែលអគ្គស្នងការនគរបាលជាតិចេញលិខិតបេសកកម្មតម្រូវឱ្យមន្ដ្រីនគរបាលមួយចំនួនចុះបង្ក្រាបបទល្មើសសេដ្ឋកិច្ចនៅតាមបណ្ដាខេត្ដ បានលិចចេញនូវបាតុភាពពីករណីការដាក់កុងត្រូលដ៏អនាធិបតេយ្យសម្រាប់បង្ខំឱ្យឈ្មួញបង់ប្រាក់ទៅវិញ សុទ្ធតែខុសពីគោលការណ៍របស់អគ្គ ស្នងការនគរបាលជាតិ ប៉ុន្ដែមន្ដ្រីទាំងនោះហ៊ានអនុវត្ដន៍ខុសពីគោលការណ៍ថ្នាក់ លើដោយសារតែខ្លួនក៏ត្រូវចំណាយសម្រាប់លិខិតបេសកកម្ម ដែលថ្នាក់លើមួយ ចំនួនកំពុងតែឆ្លៀតឱកាសទាញយកផលប្រយោជន៍នេះ ៕
